दर्शन 11:2 - परमेश्‍वरए ताँ तमु क्युइर

² दिलेया मन्‍दिर बैरुबै ह्‍युमैं बिस्याँ आच्हैंन्, तलेबिस्याँ ङलाइ बिश्‍वास आलबै अरू ह्रेंमैंलाइ ङइ च ह्‍यु पिंइमुँ। प्लिच्यु से म्हैंन ङ्हिंल् समा (४२) चमैंइ पबित्र सहरलाइ प्‍लेथेंब्‍मुँ।

दर्शन 11:2 Iomraidhean Croise

भजनमैं 79:1

ओ परमेश्‍वर, अरू ह्रेंमैंइ क्हिए ह्‍युलए फिर ह्‍वाखइमुँ; धै क्हिए पबित्र मन्दिर चमैंइ जुठ लइमुँ; चमैंइ यरूशलेम नास लवाइमुँ।

मत्ती 27:53

झाइले चमैं छगोंउँइँले त्होंखइ, धै येशू सिबउँइँले धबै सोगों तबै लिउँइँ चमैं यहूदीमैंए पबित्र सहर यरूशलेमर ह्‍याइ धै ल्‍हें म्‍हिमैं ङाँर म्रोंखइ।

मत्ती 4:5

छलेन दुष्‍टइ येशूलाइ यरूशलेम सहरर बोसि मन्दिरए धाँसे नुबै च्‍होर राल् पिंसि

मत्ती 5:13

“क्हेमैं ह्‍युलर्बै चज ग, दिलेया चजए स्वाद् म्‍हयाइ बिस्याँ च धबै तोइ स्वाद खल् लब? छाबै चज तो ललेया धबै स्‍वाद आखा, धै तो केरै आत्‍हुब तयाम्। छाबै चज बैरु भ्‍योंवासि म्हिमैंए प्हलेइ प्‍लेवाब्‍मुँ।

लूका 21:24

शत्तुरमैंइ चमैं को-कोइ सेलाँइ (तरवारइ) सैवाब्‍मुँ, कोइ फैसि ह्‍युल ह्‍युलर बोब्‍मुँ। परमेश्‍वरजी चमैंने तोक्‍दिबै त्‍हे आतन् समा अरू ह्रेंर्बै म्हिमैंइ यरूशलेम खेंमैंए अधीनर थेंब्मुँ।”

हिब्रू 10:29

छतसि क्हेमैं ह्रोंसन् मैंन्दि: को-कोइ परमेश्‍वरए च्‍हलाइ प्हलेइ प्लेम्। धै परमेश्‍वरजी बाछा फैबै कोइ चमैंलाइ पापउँइँले पबित्र लमिंलेया चमैंइ च को तो धोंइ आङ्हाँ। धै ह्रोंसलाइ दयाम्हाँया लबै पबित्र प्ल्हए आब्रु वाम्। छाबै म्हिइ झन् कति थेबै दण्ड योंलै।

दर्शन 11:11

दिलेया सोंरो से आधा त्हिंइ लिउँइँ परमेश्‍वरउँइँले छ्ह योंबै सो च सिनु ङ्हिंए न्‍होंर होंइ। धै चमैं ह्रोंसए प्हलेर्न राइ। छले राब् म्रोंसि म्हिमैं बेल्‍ले ङ्हिंयाँइ।

दर्शन 11:3

दिलेया ङए ग्वाइ पिंब्‍मैं ङ्हिंलाइ हजार घ्रिसे ङ्हिप्रसे ट्हुच्‍यु त्हिंइ समा ह्रेंग खिसि ङए ताँ पोंबै भों पिंब्‍मुँ।”

दर्शन 12:6

च च्‍ह फिबै च्हमिरि बिस्याँ क्यु आयोंबै क्ल्ह्‍योउँइँ भौदिह्‍याइ। चरि चए ल्हागिर हजार घ्रिसे ङ्हिब्रसे ट्हुच्‍यु (१,२६०) त्हिंइ समार्बै चब् थुँबै सैमैं परमेश्‍वरजी ओंसोंन् तौदु लथेंल।

दर्शन 21:10

च्हमा ङ परमेश्‍वरए प्ल्हजी प्लिंल, स्‍वर्गदूतइ ङलाइ बेल्‍ले नुबै कोंर बोइ। झाइले परमेश्‍वर टिबै स्वर्गउँइँले क्युरु तयुरिबै पबित्र सहर यरूशलेम चइ ङने उँइँइ।

दर्शन 21:2

दिलेया छारा यरूशलेम, “परमेश्‍वरए पबित्र सहर” प्ह्रेंरोए ल्हागिर प्‍ह्रेंस्‍यो पैरेब् धोंले पैरिसि स्‍वर्गउँइँले युरिब ङइ म्रोंइ।

दर्शन 22:19

छलेन चु कितबर मुँबै ताँमैं थोबै म्हिउँइँले छ्ह पिंबै सिधुँउँइँले चइ योंल् त्हुबै रोए भाग परमेश्‍वरजी थोवाब्‍मुँ, धै खीए पबित्र सहरर टिबै हग या प्हेंवाब्‍मुँ। छले च छ्ह पिंबै सिंधुँ नेरो परमेश्‍वरए पबित्र सहरए बारेर्बै ताँ चु कितबर प्ह्रिइमुँ।