दर्शन 11:11 - परमेश्‍वरए ताँ तमु क्युइर

¹¹ दिलेया सोंरो से आधा त्हिंइ लिउँइँ परमेश्‍वरउँइँले छ्ह योंबै सो च सिनु ङ्हिंए न्‍होंर होंइ। धै चमैं ह्रोंसए प्हलेर्न राइ। छले राब् म्रोंसि म्हिमैं बेल्‍ले ङ्हिंयाँइ।

दर्शन 11:11 Iomraidhean Croise

उत्पत्ति 2:7

झाइले याहवेह परमेश्‍वरजी सउँइँले म्हि बनेसि चए नखुँरि सो फुइमिंमा म्हि सोगों तइ।

चेला चिब्मैंए केमैं 5:11

छतमा ताँन् चर्च नेरो चु ताँ थेबै ताँन् म्हिमैं बेल्‍ले ङ्हिंयाँइ।

चेला चिब्मैंए केमैं 5:5

चु ताँ थेबै तोंदोंन् हननिया सर क्हुरिह्‍याइ धै सो पिवाइ। चु ताँ थेब्मैं ताँन् बेल्‍ले ङ्हिंयाँइ।

रोमी 8:11

चए फिरै या येशू सिसेया परमेश्‍वरजी खीलाइ धबै सोगों लमिंइ। छतसि खीए प्ल्ह क्‍हेमैंए सैंर टिस्याँ ख्रीष्‍टलाइ सोगों लमिंबै परमेश्‍वरए प्ल्हजी क्‍हेमैंए सिल् त्‍हुबै ज्यु या सोगों लमिंब्मुँ।

रोमी 8:2

तलेबिस्याँ ठिमइ ङइ लबै पापए निसाफ लसि सिबै दण्ड पिंलेया परमेश्‍वरए प्ल्हए शक्‍तिजी ङलाइ ख्रीष्‍ट येशूने घ्रिन् लसि छारा छ्ह पिंसि च दण्डउँइँले फ्रेमिंइमुँ।

दर्शन 11:13

धै च तोंदोंन् थेबै सयो ह्‍याइ, सहरर्बै च्‍युबाँरि तिबाँ नास तयाइ, धै हजार ङि म्हिमैं सैवाइ। अरू चैबै म्‍हिमैं बेल्‍ले ङ्हिंसि “स्‍वर्गर्बै परमेश्‍वर बेल्‍ले थेब मुँन!” बिसि खीए मिं क्वेइ।

दर्शन 11:9

सोंरो से आधा त्हिंइ समा चमैंए सिनुमैं ताँन् कुलर्बै म्‍हिमैंइ, ताँन् ह्‍युलर्बै म्‍हिमैंइ, ताँन् क्युइ पोंब्‍मैंइ नेरो ताँन् ह्रेंर्बै म्‍हिमैंइ ङ्ह्‍योरिगे बिसि च सिनुमैंलाइ छगोंर पाल् पिंरिब् आरे।