दर्शन 1:6 - परमेश्‍वरए ताँ तमु क्युइर

⁶ खीए परमेश्‍वर आबाए सेवा लरिगे बिसि येशूजी ङ्योलाइ परमेश्‍वरए मिंर ख्रो पिंबै खेगिमैं लमिंइमुँ। येशू ख्रीष्‍टए मिं खोंयोंन् बिलै थेब् तरिगे। आमेन, छान् तरिगे।

दर्शन 1:6 Iomraidhean Croise

प्रस्थान 19:6

क्हेमैं ङए ल्हागिर पबित्र ह्रें (जात) तसि ङए खेगिमैं तब्मुँ।’ क्हिइ इस्राएलीमैंने बिल् त्हुबै ताँ चुन् ग।”

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

यूहन्‍ना 5:23

तलेबिस्याँ खैले म्हिमैंइ परमेश्‍वर आबाए मान लमुँ, छलेन ताँन् म्हिमैंइ खीए च्हए मान लरिगे। च्‍हए मान आलब्मैंइ च्‍हलाइ कुल्‍मिंबै आबालै या मान आल।

रोमी 11:36

तलेबिस्याँ परमेश्‍वरजी तोन्दोंरि सै बनेइ, तोन्दोंरि सै खीउँइँलेन् खीए ल्हागिर्न ग। परमेश्‍वरए मिं खोंयोंन् बिलै थेब तरिगे। आमेन, छान् तरिगे।

रोमी 15:6

झाइले क्‍हेमैं ताँनइ सैं घ्रिन् तसि कै घ्रिले, ङ्योए प्रभु येशू ख्रीष्‍टए आबा परमेश्‍वरए मिं थेब् लल् खाँरिगे।

फिलिप्पी 2:11

झाइले ताँनइ परमेश्‍वर आबाए मान तबै ल्हागिर “येशू ख्रीष्‍टन् प्रभु ग” बिसि म्हाँदिब्मुँ।

१ तिमोथी 6:16

परमेश्‍वर खोंयोंइ बिलै सोगों मुँ, खी खाबै ह्‍याल् आखाँबै चारबै ह्‍वेर टिमुँ, खीलाइ खाबज्यै या खोंयोंइ आम्रोंइमुँ, म्रोंलैया आखाँ। छाबै परमेश्‍वरए मिं खोंयोंइ बिलै थेब् तरिगे, खीए ग्याल्स खोंयोंन् बिलै तरिगे। आमेन, छान् तरिगे!

हिब्रू 13:21

क्‍हेमैं ताँनलाइ छ्याँबै गुनइ प्लिंमिंरिगे, धै खीए सैंर मैंब् धों तब क्हेमैंइ लल् खाँरिगे। परमेश्‍वरजी खोबै के येशू ख्रीष्‍टउँइँले खीजी क्हेमैंए म्हाँजोर लरिगे। येशूए मिं खोंयोंन् बिलै थेब तरिगे। आमेन, छान् तरिगे।

१ पत्रुस 4:11

खाबज्यै पोंम् बिस्याँ, चइ परमेश्‍वरजी पिंबै ताँ पोंब् धोंले पोंरिगे। खाबज्यै सेवा लम् बिस्याँ चइ परमेश्‍वरजी पिंबै शक्‍तिउँइँले लरिगे, तलेबिस्याँ खाबइ तो ललेया येशू ख्रीष्‍टउँइँले परमेश्‍वरलए छ्याँबै बयान तरिगे बिसि च के लल् त्हुम्। येशूए मिंउँइँले खोंयोंन् बिलै परमेश्‍वरल थेबै मान नेरो शक्‍ति तरिगे आमेन, छान् तरिगे।

१ पत्रुस 5:11

खीलाइन भों नेरो शक्‍ति खोंयोंन् बिलै तरिगे। आमेन, छाबन् तरिगे।

२ पत्रुस 3:18

बरु ङ्योलाइ जोगेमिंबै प्रभु येशू ख्रीष्‍टए थेबै दयाम्हाँया नेरो बुद्धिर बडिदै ह्‍याद्। खीलाइ तोगो नेरो खोंयोंइ या थेबै मान तरिगे। आमेन, छान् तरिगे।

यहूदाइ प्‍ह्रिबै प्ह्रिछ्या 1:25

छाबै ङ्योलाइ जोगेमिंबै घ्रि मत्‍त्रे मुँबै परमेश्‍वरलाइ ङ्योए प्रभु येशू ख्रीष्‍टउँइँले थेबै मान, थेबै शक्‍ति, थेबै भों नेरो अधिकार, ओंसोंउँइँले तिंयाँ धै प्हँना लिउँइँ समा खोंयोंन् बिलै तरिगे! आमेन, छाबन् तरिगे!

दर्शन 1:9

ङ क्‍हेमैंए आघें यूहन्‍ना ग। येशूए फिर बिश्‍वास लबइले क्‍हेमैंइ धोंलेन् ङज्यैया खैबन् दु:ख तलैया ङइ सैदिइमुँ। येशू ख्रीष्‍टए बारेर ग्वाइ पिंदै परमेश्‍वरए ताँ बिप्रबै लमा म्‍हिमैंइ ङलाइ मा ङ्युँइर मुँबै पत्‍मोस बिबै कोंर च्युथेंल।

दर्शन 20:6

च ओंसोंबै सिबउँइँले सोगों तल् योंब्‍मैं आशिक योंबै म्‍हिमैं ग, चमैं ङ्हिंखे सिल् आत्‍हु। चमैं परमेश्‍वर नेरो ख्रीष्‍टए ख्रो पिंबै खेगिमैं तसि टिल् योंम्। चमैंइ हजार घ्रि बर्ष समा ख्रीष्‍टने ग्याल्स लब्‍मुँ।

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”

दर्शन 5:10

धै क्‍हिजी चमैंलाइ म्रुँमैं नेरो ङ्योए परमेश्‍वरए सेवा लबर ख्रो पिंबै खेगिमैं लमिंइ। छले चमैंइ पृथ्‍बीए फिर ग्याल्स लब्मुँ।”