फिलिप्पी 2:9 - परमेश्‍वरए ताँ तमु क्युइर

⁹ छतसि परमेश्‍वरजी खीलाइ ताँन् भन्दा थेब लमिंइ, झाइले ताँन् भन्दा थेबै मिं पिंइ।

फिलिप्पी 2:9 Iomraidhean Croise

उत्पत्ति 3:15

क्हि नेरो च्हमिरिए म्हाँजोरि धै क्हिए सन्तानमैं नेरो च्हमिरिए सन्तानए म्हाँजोरि ङइ प्होंब्-नेब् लमिंम्। च्हमिरिए सन्तानइ क्हिए क्र प्‍लेब्मुँ धै क्हिइ चए प्‍हले तिंजुर चोब्‍मुँ।”

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 110:5

ओ याहवेह, ङए प्रभु अधिकार किंसि क्हिए क्योलोउँइँ टिम्; ह्रिस खबै त्हेर खीजी म्रुँमैं त्हुलफुँ लवाब्मुँ।

भजनमैं 89:27

चलाइ ङए च्ह थेब लमिंब्मुँ, पृथ्बीर्बै म्रुँमैंए न्होंर ताँन् भन्दा थेब चलाइ लमिंब्मुँ।

भजनमैं 91:14

“चइ ङने म्हाँया लबइले ङइ चए दुःखउँइँले फ्रेमिंब्मुँ, चइ ङए मिं किंइमुँ, छतसि ङइ चए रक्षा लब्मुँ।

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

लूका 10:22

“ङए परमेश्‍वर आबाजी तोन्दोंरि सै ङलाइ पिंइमुँ। च्‍ह खाब् जा बिसि परमेश्‍वर आबाजी मत्‍त्रे सेमुँ अरूमैंइ आसे, परमेश्‍वर आबा खाब् जा बिसि च्हइ मत्‍त्रे सेमुँ अरूमैंइ आसे। ‘परमेश्‍वर आबा ङो सेरिगे’ बिसि ङइ उँइँदा ङ्हाँब्मैंइ मत्‍त्रे खीलाइ ङो सेम्, अरू खाबज्‍यै या परमेश्‍वर आबा ङो आसे।”

यूहन्‍ना 13:3

आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 17:11

तारे ङ क्हि ङाँर खसिन् मुँ। ङ चु ह्‍युलर ल्हें आटि, चुमैं बिस्याँ चु ह्‍युलर्न टिम्। ओ पबित्र आबा, ङ्यो घ्रि तब् धोंलेन् क्हिजी ङने पिंब्मैं या घ्रिन् तरिगे बिसि क्हिए मिंए शक्‍तिउँइँले चमैं जोगेसि थेंमिंन्।

यूहन्‍ना 17:12

ङ चमैंने मुँमा क्हिए मिंए शक्‍तिउँइँले ङइ चमैं जोगेसि थेंमिंइ। परमेश्‍वरए छ्वेर प्ह्रिबै ताँ पूरा तबै ल्हागिर नास तल् त्हुबै चेला बाहेक अरू खाबै या नास आतइमुँ।

यूहन्‍ना 17:5

ओ आबा, ह्‍युल बनेब् भन्दा ओंसोंन् क्हि ङाँर ङला थेबै मान मुँल। तारे ङ क्हि ङाँर खमा च थेबै मान ङलाइ पिंन्।

चेला चिब्मैंए केमैं 5:31

इस्राएलीमैंइ परमेश्‍वरउँइँ सैं एसि पाप क्षमा योंरिगे बिसि परमेश्‍वरजी येशूलाइ म्रुँ नेरो जोगेमिंबै म्हि लमिंसि ह्रोंसए क्योलोउँइँ धाँसे नुल्‍ले थेंमिंइ।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।

२ थेसलोनिकी 1:12

छतस्याँ ङ्योए परमेश्‍वर नेरो प्रभु येशू ख्रीष्‍टजी दयाम्हाँया लमा ङ्योए प्रभु येशू ख्रीष्‍टए मिं क्हेमैंए छ्हर चाररिगे, धै क्हेमैं प्रभु येशूने घ्रिन् तसि क्‍हेमैंज्यैया मान योंरिगे।

हिब्रू 1:4

खीजी योंबै मिं स्‍वर्गदूतमैंल् भन्दा थेब मुँ। छलेन खी स्वर्गदूतमैं भन्दा अझै बेल्‍ले थेब तइमुँ।

हिब्रू 1:9

क्‍हिजी छ्याँबै के खोमुँ, धै आछ्याँबै के आखो। छतसि ओ परमेश्‍वर, क्‍हिए परमेश्‍वरजी क्‍हिलाइ त्हाँसि क्हिए थुमैं न्होंर क्हिलाइ ताँन् भन्दा थेबै मिं पिंसि छ्युगु फोसि सैं तोंन् लमिंइ।”

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

१ पत्रुस 3:22

येशू स्‍वर्गर ह्‍यासि स्वर्गदूतमैं, अधिकारमैं नेरो ताँन् शक्‍ति मुँबै सैमैं खीए न्होंर थेंसि परमेश्‍वरए क्‍योलोउँइँ टिइमुँ।

२ पत्रुस 1:17

धै ताँन् भन्दा थेबै परमेश्‍वर आबाजी येशूलाइ थेबै मान पिंसि चारमिंइ, धै च चारबै ह्‍वेइले “चु ङए खोबै च्‍ह ग! चु म्रोंसि ङ बेल्‍ले सैं तोंइमुँ,” बिबै कै ङिइ थेल।

३ यूहन्‍ना 1:7

तलेबिस्याँ प्रभु येशूए फिर बिश्‍वास आलब्मैंउँइँले चमैंइ तोइ सै आकिंल्‍ले ख्रीष्‍टए के लबर त्होंखब्मैं ग।

दर्शन 1:5

येशू ख्रीष्‍ट क्ह्रोंसेंन्‍बै भर लल् खाबै साक्षि मुँ, सिबउँइँले खी ताँन् भन्दा ओंसों सोगों तल, खी पृथ्‍बीर्बै म्रुँमैंए क्ल्हे ग। प्रभु येशूजी ङ्योलाइ म्हाँया लम्। खी सिमिंसि खीए कोउँइँले ङ्यो पापउँइँले फ्रेमिंइमुँ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 19:16

खीए क्‍वें नेरो प्‍हाँर “प्रभुमैंए फिर्बै प्रभु, झाइले म्रुँमैंए फिर्बै म्रुँ,” बिबै मिं प्‍ह्रिल।

दर्शन 3:21

“शैतान दुष्‍टए फिर ट्होगों तब्मैंलाइ ङइ ङए राजगद्दिर ङने बालुन् क्हुँल् पिंब्‍मुँ। ङज्‍यै या ट्होसि ङए आबाने खीए राजगद्दिर क्हुँल् योंब् धोंलेन् ट्होबै म्‍हि या ङने बालुन् क्हुँल् योंब्‍मुँ।

दर्शन 5:12

च स्वर्गदूतमैंइ बेल्‍ले थेबै कैले “सैवाबै क्‍यु च्हज तोन्दोंरि लल् खाँब, भोंब, ह्रब, म्हारब, छ्याँब, माब, ताँनइ म्हाँदिल् त्हुब मुँ!” बिसि क्वे प्रिंमल।