फिलिप्पी 2:8 - परमेश्‍वरए ताँ तमु क्युइर

⁸ छले म्‍हिए क्‍हो किंसि, ह्रोंसन् च्‍योंब तसि क्रूसर सिबै त्हे समा परमेश्‍वरजी बिबै ताँ ङिंइ।

फिलिप्पी 2:8 Iomraidhean Croise

भजनमैं 22:16

दुष्‍ट म्हिमैं ङए कारग्युले मुँ, नगिमैंइ धोंले चमैंइ ङ घेर्दिइमुँ, चमैंइ ङए यो प्हलेमैंर खुँ थोंवाइमुँ।

हितोपदेश 15:33

याहवेहए मान लबै म्हिइ बुद्धि योंम्, ह्रोंस च्योंने तस्याँ मान योंब्मुँ।

मत्ती 17:2

कोंर फेनेमा चमैंए उँइँर येशूए रुप फेर्दियासि खीए लि त्‍हिंयाँ धोंले चारयाइ।

मत्ती 26:39

झाइले येशू दे क्‍याइ ह्‍यासि सर पद्खु तसि “ओ ङए आबा, तल् खाँम् बिस्‍याँ चु दुःख ङ ङाँइँले स्‍योमिंन्। दिलेया ङइ मैंब् धोंले आङिं, क्‍हिए सैंर मैंब् धोंले तरिगे,” बिसि प्राथना लइ।

मत्ती 26:42

धबै ङ्हिखेबै लारै या येशू ह्‍यासि छले प्राथना लइ, “ओ ङए आबा, चु दुःख ङइ आनोसि आत बिस्याँ क्‍हिए सैंर मैंब् धोंन् तरिगे।”

लूका 9:29

खी कोंर फेनेसि प्राथना लरिमा येशूए मोड फेर्दियाइ। धै खीए क्‍वें बिजुलि चारब धोंले चारयाइ।

यूहन्‍ना 10:18

खाबज्यै या ङ ङाँइँले ङए सो किंल् आखाँ, दिलेय ङ ह्रोंसइन ह्रोंसए सो पिंम्। ह्रोंसए सो पिंबै हग ङने मुँ, धै किंबै हगैया ङनेन् मुँ। चु ताँ ङए आबा ङाँइँले ङइ योंब् ग।”

यूहन्‍ना 14:31

दिलेया ङइ आबाने म्हाँया लम् बिब ह्‍युलर्बै म्हिमैंइ सेरिगे बिसि आबाजी ङने लद् बिबै केमैं ङ लरिमुँ। “रेद्, ङ्यो छुइले ह्‍याले।”

यूहन्‍ना 15:10

ङए आबाए ताँमैं ङिंसि खीए म्हाँयार ङ टिरिब् धोंले क्हेमैंइ ङइ बिबै ताँमैं ङिंइ बिस्याँ क्हेमैं ङए म्हाँयार टिरिब्मुँ।

यूहन्‍ना 4:34

येशूजी चमैंने बिइ, “ङलाइ कुल्मिंबै परमेश्‍वर आबाजी बिब् ङिंब नेरो खीजी पिंबै के खाँन् लबन् ङए चबै सै ग।

चेला चिब्मैंए केमैं 8:33

खीलाइ म्हि आच्हिसि च्योंरि लबै त्हेरै या खीजी निसाफ आयों। खी पृथ्‍बीउँइँले सियाबै लिउँइँ खीए सन्तानए बयन खाबइ लब?”

रोमी 5:19

खैले म्हि घ्रिइ परमेश्‍वरए ताँ आङिंसि ताँन् म्‍हिमैं पापि तइ, छलेन येशू ख्रीष्‍टजी परमेश्‍वरजी बिब् ङिंबइले ल्हें म्‍हिमैं परमेश्‍वरए उँइँरि ठिक ठर्दिल् योंब्‍मुँ।

२ कोरिन्थी 8:9

तलेबिस्याँ ङ्योए प्रभु येशू ख्रीष्‍टजी ङ्योए फिर कति थेबै दयाम्हाँया लइमुँ बिब क्हेमैंइ सेइमुँ। येशू ख्रीष्‍टने तोन्दोंरि सै मुँलेया क्‍हेमैंए ल्हागिर ङ्हाँदु तइ। तलेबिस्याँ खीए ङ्हाँदुउँइँले क्‍हेमैं प्लब् तरिगे बिब खीए सैं मुँल।

गलाती 3:13

ङ्योइ योंल् त्हुबै सराप खीजी नोइ, ठिमर्बै सरापउँइँले सै फोसि ङ्योलाइ खामिंइमुँ। तलेबिस्याँ “सिं धुँर च्‍योसि सिब्मैं, परमेश्‍वरउँइँले सराप योंब्मैं ग,” बिसि परमेश्‍वरए छ्वेर प्‍ह्रिइमुँ।

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 12:2

ङ्योए बिश्‍वास सुरु लब नेरो बिश्‍वास पूरा लमिंबै येशूलाइ मत्‍त्रे ङ्ह्‍योले। खीजी लिउँइँ तखबै सुखा मैंसि म्हिमैंइ खीए आब्रु वालेया तो धोंइ आङ्हाँन्ले क्रूसर्बै थेबै दुःख नोमिंइ। धै तोगो खी परमेश्‍वरए राजगद्दिए क्‍योलोउँइँ क्हुँइमुँ।

हिब्रू 12:4

तलेबिस्याँ पापए बिरोधर नेल् त्हुमा क्हमैं सिलन् त्हुबर आफेइमुँ।

१ पत्रुस 2:24

ङ्यो पापए ल्हागिर सिसि आछ्याँबै के लब् पिसि छ्याँबै के लदै छ्ह थोरिगे बिसि ङ्योइ लबै पापए सजैं खीए ज्युर नोसि ख्रीष्‍ट क्रूसर सिमिंइ। खीजी चबै चोटउँइँलेन् क्‍हेमैं सयाइमुँ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।