फिलिप्पी 2:28 - परमेश्‍वरए ताँ तमु क्युइर

²⁸ छतसि क्‍हेमैंइ चलाइ धबै म्रोंसि क्‍हेमैंए सैं तोंरिगे, धै क्हेमैंए फिर ङइ ल्हें न्हुँ लल् आत्हुरिगे बिसि ङ क्‍हेमैं ङाँर च एमिंदा ङ्हाँइमुँ।

फिलिप्पी 2:28 Iomraidhean Croise

उत्पत्ति 48:11

धै याकूबइ योसेफने बिइ, “ङइ धबै क्हिलाइ म्रोंल् योंब्मुँ बिसि आमैंल। दिलेया क्हिए प्हसेमैं या परमेश्‍वरजी म्रोंल् पिंइमुँ।”

यूहन्‍ना 16:22

छलेन तोगो क्हेमैंलाइ शोक तमुँ। दिलेया ङ धबै क्‍हेमैंने त्‍होयुमा क्‍हेमैंए सैं बेल्‍ले तोंब्‍मुँ। धै खाबज्यै क्हेमैंलाइ सैं आतोंल् लल् खाँरिब् आरे।

चेला चिब्मैंए केमैं 20:38

“तारे क्हेमैंइ ङ म्रोंरिब् आरे” बिबै पावलए ताँ मैंसि चमैंए सैं बेल्‍ले क्रोइ। च लिउँइँ चमैंइ चलाइ क्यु झाज क्रेबै क्ल्ह्‍यो समा सनेइ।

२ कोरिन्थी 2:3

छतसि ङ क्‍हेमैं ङाँर खमा ङए सैं तोंन् लमिंब्मैं ङाँइलेन् ङए सैं च्योंब् तल् आत्हुरिगे बिसि ओंसोंबै प्ह्रिछ्यार क्‍हेमैंलाइ छ छ लद् बिसि प्‍ह्रिब् ग। ङए सैं तोंमा क्‍हेमैं या सैं तोंम् बिब ङइ सेइमुँ।

फिलिप्पी 2:29

छतसि बेल्‍ले सैं तोंदै चए मान लद्। छाबै म्‍हिमैंलाइ मान लल् त्हुम्।

२ तिमोथी 1:4

ङ्यो फ्रेबै त्हेर क्‍हिइ पिबै मिग्लि मैंमा त्हियाँ-म्हिसा ङ खोंयों क्हिने त्होसि सैं तोंल् योंब् ङ्‍हे ङ्हाँइमुँ।