फिलिप्पी 1:7 - परमेश्‍वरए ताँ तमु क्युइर

⁷ ङइ क्‍हेमैंलाइ खोंयोंन् बिलै ह्रोंसए सैंर थेंइमुँ। ङइ क्हेमैं ताँनए ल्हागिर छले मैंब ठिक मुँ, तलेबिस्याँ परमेश्‍वरजी दयाम्हाँया लसि खीउँइँले खबै सैं तोंबै ताँ जोगेबै के ङलाइ पिंइ, धै ङ झेलर मुँमा बैरु मुँमा क्हेमैं चु केर ङने बालुन् प्रल।

फिलिप्पी 1:7 Iomraidhean Croise

चेला चिब्मैंए केमैं 20:23

चर्बै म्हिमैंइ ङ झेलर च्युवाब्मुँ धै ङए फिर दुःख खब्मुँ बिसि पबित्र प्ल्हजी ताँन् सहरर ङने था पिंइँमुँ, च्हौ मत्‍त्रे ङइ सेइमुँ।

चेला चिब्मैंए केमैं 21:33

च पल्टनर्बै चिब खसि पावल क्हासि सँउँलि ङ्हिंइ फैबर ल्हैदिइ। धै “चु म्हि खाब् जा? चुइ तो लइ?” बिसि चर्बै म्हिमैंने ङ्योएइ।

१ कोरिन्थी 13:7

अरूमैंइ तो ललेया म्हाँया लबै म्‍हिइ सैदिम्, ताँन् सैर खोंयोंइ बिश्‍वास लम्, तोन्दोंरि सैर आशा थेंम्, धै ताँन् सै ढुक्‍कले सैदिम्।

१ कोरिन्थी 9:23

चु सैं तोंबै ताँ खन्तोंदोंन् फेनेरिगे धै चु ताँउँइँले योंबै आशिक ङज्यै या योंरिगे बिसि ङइ छ लम्।

२ कोरिन्थी 3:2

आत्‍हु! तलेबिस्याँ क्हेमैंन् ङिए ल्हागिर प्ह्रिछ्या ग। च प्ह्रिछ्या ताँन् म्हिमैंइ था सेल्‍ले, खेल् खाँल्‍ले ङ्योए खोंर प्ह्रिथेंइमुँ।

२ कोरिन्थी 7:3

क्‍हेमैंलाइ छ्याब् ल्हैदिबर ङइ छ बिब आङिं। ङइ ओंसों बिब् धोंलेन्, ङिए सैंर क्हेमैंए फिर ल्हें म्हाँया मुँ, छतसि सिलेया सोलेया ङि खोंयोंन् बिलै क्‍हेमैंने बालुन् तब्मुँ।

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

एफिसी 3:1

छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्‍ट येशूजी पिंबै के लबइले ङ झेलर मुँ।

एफिसी 4:1

प्रभुए ल्हागिर के लबइलेन् ङ झेलर टिल् त्हुइमुँ, दिलेया ङ क्‍हेमैंने यो छ्युँ लमुँ: क्हेमैं परमेश्‍वरजी त्हाँबै म्हिमैं ग। छतसि क्हेमैं छ्याँबै बानि ब्योरउँइँले छ्ह थोद्।

एफिसी 6:20

धै ङइ खैले पोंल् त्हुम् छलेन आङ्हिंन्ले पोंल् खाँरिगे बिसि ङए ल्हागिरै या प्राथना लमिंन्।

फिलिप्पी 1:12

ओ अलि-अङाँमैं, क्‍हेमैंइ चु ताँ सेरिगे बिसि ङए सैंर ङ्हाँइमुँ: तो ताँ बिस्याँ, ङइ योंबै दुःखमैंइ लमा सैं तोंबै ताँ खन्तोंदोंन् फेनेबै के तइमुँ।

फिलिप्पी 1:13

येशू ख्रीष्‍टए सैं तोंबै ताँ ङइ बिप्रबै लमा ङ झेलर च्युवाब् ग बिसि दरबारर्बै सिपाइमैं नेरो ताँन् म्हिमैंइ सेइमुँ।

फिलिप्पी 1:14

छले ङ झेलर च्युवासेरो ल्‍हें अलि-अङाँमैं प्रभुए फिर बिश्‍वास लबर भोंब् तइमुँ, धै चमैंइ आङ्हिंनले परमेश्‍वरए ताँ पोंल् खाँइमुँ।

फिलिप्पी 1:5

तलेबिस्याँ येशूउँइँले खबै सैं तोंबै ताँ बिप्रबै ल्हागिर ओंसोंउँइँले तोगो समा क्‍हेमैंइ ङलाइ ल्होसिन् मुँ। चु ताँर ङइ धन्यबाद पिंम्।

फिलिप्पी 2:22

तिमोथी खैबै म्हि जा बिसि क्‍हेमैंज्यै सेइमुँ। खैले च्हइ ह्रोंसए आबाइ बिब् धोंले के लमुँ, छलेन तिमोथीइ येशूए सैं तोंबै ताँ बिप्रबै केर ङलाइ ल्होमिंइ।

फिलिप्पी 4:14

दिलेया ङलाइ दुःख तबै त्हेर क्‍हेमैंइ ल्होमिंसि छ्याँबै के लइ।

फिलिप्पी 4:15

ओंसों ङ माकेडोनिया ह्‍युलउँइँले ह्‍यामाइ या घ्याँ खर्ज पिंसि ङलाइ क्‍हेमैंइ ल्होइ, अरू खाबज्‍यै आल्हो बिब क्‍हेमैं फिलिप्‍पीथेंमैंइ सेइमुँ।

फिलिप्पी 4:3

ओ ङइ भर लल् खाँबै ङए थु, ङ क्हिने बिमुँ: “च च्हमिरिमैंलासे या ल्होब्रें लद्।” तलेबिस्याँ सैं तोंबै ताँ म्हिमैंने बिप्रबै केर ङ, क्लेमेस नेरो अरू थुमैंने बालुन् चुमैंज्यै या बेल्‍ले के लइमुँ। चुमैंए मिं खोंयोंइ आखाँबै छ्ह योंबै कितबर मुँ।

कलस्सी 4:18

ङए योउँइँले ङइ चु ताँ प्‍ह्रिइमुँ: ङ पावलउँइँले जय मसीह मुँ। ङ झेलर च्युइमुँ आम्‍लेल्‍ले ङए ल्हागिर प्राथना लमिंन्। परमेश्‍वरए दयाम्हाँया क्‍हेमैंने तरिगे।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

१ थेसलोनिकी 5:5

तलेबिस्याँ क्‍हेमैं ताँन् चारबै ह्‍वेए सन्तान नेरो त्हिंर्बै सन्तान ग। ङ्यो म्‍हुँइँसर्बै नेरो मिछु खैबर्बै म्‍हिमैं आङिं।

२ तिमोथी 1:8

छतसि प्रभुए क्ह्रोंसेंन्बै ताँमैंए ग्वाइ पिंबर फा आपिद्। ङ झेलर मुँबै ताँरै या फा आपिद्। बरु ङ्योए प्रभुउँइँले खबै सैं तोंबै ताँमैं बिप्रमा दुःखन् खलेया सैदिद्।

२ तिमोथी 2:9

ङइ चु सैं तोंबै ताँ अरू म्हिमैंने बिमिंबै लमा ङ अप्रादिमैं धोंले सँउँलिइ फैसि दुःख नोल् त्‍हुइमुँ। दिलेया परमेश्‍वरए ताँम् खाबज्यै या फैथेंल आखाँ।

फिलेमोन 1:13

ङ ङाँर्न चलाइ थेंदा ङ्हाँल, तलेबिस्याँ सैं तोंबै ताँ बिप्रइ बिसि ङलाइ झेलर च्युवामा क्‍हिए क्ल्होरि चइ ङए सेवा लमल।

हिब्रू 3:1

छतसि ओ परमेश्‍वरजी त्‍हाँबै ङिने स्वर्गर्बै हग योंबै अलि अङाँमैं, ङ्योइ बिश्‍वास लबै ङ्योए खेगि क्रथे येशूलाइ मैंन्।

१ पत्रुस 4:13

बरु ख्रीष्‍ट बेल्‍ले थेबै मानर युमा क्हेमैं या सैं तोंल् योंरिगे बिसि खीजी सैदिब् धों तबै दुःख क्‍हेमैंज्यै या योंमा सैं तोंन्।

१ पत्रुस 5:1

ङ बिश्‍वासी न्होंर्बै एल्डर पत्रुसउँइँले क्‍हेमैंए एल्डरमैंने यो छ्युँ लमुँ। ख्रीष्‍टजी खैले दुःख सैदिल बिबै साक्षि ङ मुँ। धै लिउँइँ खीए थेबै मान तमैंया ङ खीने बालुन् तब्मुँ।

२ पत्रुस 1:13

ङ आसिन् समा क्‍हेमैंलाइ न्ह क्रों मि क्रों लमिंबर चु ताँमैं बिल् त्हुम् बिब ङए सैं मुँ।

१ यूहन्‍ना 3:14

ङ्यो कालउँइँले जोगेसि छ्ह योंबै क्‍ल्‍ह्‍योर तर्दिल् खाँइमुँ बिसि ङ्योइ सेइमुँ। ङ्योइ बिश्‍वासी अलि-अङाँमैंलाइ सैं न्होंउँइँलेन् म्हाँयाँ लबइले ङ्योइ चु ताँ सेइमुँ। दिलेया ह्रोंसए अलि-अङाँमैंलाइ म्हाँया आलब्मैं कालए न्होंर टिरिमुँ।