फिलिप्पी 1:19 - परमेश्‍वरए ताँ तमु क्युइर

¹⁹ ओं, ङ तोंब्मुँ, तलेबिस्याँ क्हेमैंए प्राथना नेरो येशू ख्रीष्‍टए प्ल्हजी ल्होमिंबइले युनन् ङ झेलउँइँले त्होंल् योंब्मुँ बिब ङइ सेइमुँ।

फिलिप्पी 1:19 Iomraidhean Croise

चेला चिब्मैंए केमैं 16:7

माइसिया ह्‍युलर्बै साँदर खबै लिउँइँ चमैंइ बिथिनिया ह्‍युलउँइँ ह्‍याबै सैं लइ, दिलेया येशूए प्ल्हजी चमैं चर ह्‍याल् आपिं।

रोमी 8:28

परमेश्‍वरलाइ म्हाँया लब्मैं नेरो खीए सैंर मैंब् धोंले लरिगे बिसि त्हाँब्मैंए ल्हागिर खीए पबित्र प्ल्हजी तोन्दोंरि सैर छ्याँबन् लमिंम् बिब ङ्योइ सेइमुँ।

रोमी 8:9

दिलेया परमेश्‍वरए प्ल्ह क्‍ह्रोंसेंन्‍ले क्‍हेमैंने टिस्याँ क्‍हेमैं ओंसोंबै बानिए लिलि आप्र, बरु परमेश्‍वरए प्ल्हए लिलि प्रम्। येशू ख्रीष्‍टए प्ल्ह आरेबै म्‍हि ख्रीष्‍टल् आङिं।

१ कोरिन्थी 4:17

ङइ क्हेमैं ङाँर प्रभुए फिर बिश्‍वास लबै खोबै तिमोथी कुलइमुँ। च ङए च्‍ह धोंन् तब् ग। ङइ क्ल्ह्‍यो-क्ल्ह्‍योर्बै बिश्‍वासीमैंलाइ लोमिंब् धोंलेन् ख्रीष्‍टर ङइ खैबै छ्ह थोइमुँ बिबै ताँ चइ क्‍हेमैंने बिब्‍मुँ।

२ कोरिन्थी 1:11

चए ल्हागिरि क्‍हेमैंज्‍यै या ङिलाइ प्राथना लसि ल्होमिंल् त्हुम्। खीजी अझै ङिलाइ ल्होमिंब्‍मुँ। ल्हें म्‍हिमैंइ छले प्राथना लमिंमा खीजी प्राथना थेसि आशिक पिंब्‍मुँ। छतसि खीजी ङिलाइ ल्होमिंबइले ल्हें म्‍हिमैंइ परमेश्‍वरलाइ धन्‍यबाद पिंब्‍मुँ।

गलाती 3:5

परमेश्‍वरजी क्‍हेमैंलाइ पबित्र प्ल्ह पिंसि क्हेमैंए म्हाँजोर खीजी औदिबै केमैं लम्। छाबै केमैं खीजी क्‍हेमैंइ ठिमइ बिब् धोंबै के लसि लब् उ, येशू ख्रीष्‍टउँइँले खबै सैं तोंबै ताँ थेसि क्हेमैंइ बिश्‍वास लबइले लब् जा?

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

फिलिप्पी 1:18

तो तलेया थेबै ताँ चुन् ग: खैबै सैं मैंसि येशूए सैं तोंबै ताँ बिलेया येशू ख्रीष्‍टए सैं तोंबै ताँ बिमिंरिगे, चु ताँर्न ङए सैं बेल्‍ले तोंइमुँ।

१ पत्रुस 1:11

अगमबक्‍तामैंइ चु खैले तम् खोंयों तम् बिसि क्होल् म्हैरिल। ख्रीष्‍टजी ल्हें दु:ख नोल् त्हुब्मुँ धै लिउँइँ थेबै मान योंब्मुँ बिसि ओंसोंन् ख्रीष्‍टए प्ल्हजी चमैंलाइ उँइँमिंल।