लूका 5:2 - परमेश्‍वरए ताँ तमु क्युइर

² येशूजी तालए छ्योगोर डुँङ्गा ङ्हिं म्रोंइ। ताँग क्हाब्मैं बिस्याँ डुङ्गाउँइँले त्‍होंसि खेंमैंए जाल ख्रुरिल।

लूका 5:2 Iomraidhean Croise

मत्ती 4:18

तिगें येशू गालील बिबै मा ङ्युँइए छेउजरे प्ररिमा सिमोन पत्रुस नेरो चए अलि अन्‍द्रियास ङ्हिंना-ङ्हिंन् मा ङ्युँइर जाल प्रिंरिब म्रोंइ। तलेबिस्याँ चमैं ताँग क्हाब्‍मैं मुँल।

मत्ती 4:21

येशू छाइले ह्‍यारिमा अर्को त्येमैं ङ्हिं, जब्दियाए च्‍हमैं याकूब नेरो यूहन्‍ना खेंमैंए आबाने डुँङ्गार क्हुँसि ह्रोंसए जाल टुरिब म्रोंसि खीजी चमैं या हुइ।

मर्कूस 1:16

तिगें येशू गालीलर्बै तालए रेजरे प्ररिमा सिमोन नेरो चए अलि तालर जाल प्रिंरिब म्रोंइ। तलेबिस्याँ चमैं ताँग क्हाब्मैं मुँल।

मर्कूस 1:19

दे क्‍याइ फेनेबै लिउँइँ येशूजी जब्दियाए च्‍हमैं ङ्हिं याकूब नेरो यूहन्‍ना डुँङ्गार क्हुँसि जाल टुरिब म्रोंइ।

लूका 5:1

तिगें येशू गनेसरत बिबै तालए छ्योगोर रारिमा परमेश्‍वरए ताँ थेबर ल्हें म्‍हिमैं खी ङाँर खल।

लूका 5:3

च डुँङ्गा ङ्हिंर डुँङ्गा घ्रि सिमोनल् मुँल। सिमोन बिबै म्‍हिए डुँङ्गार येशू क्रेसि चने डुँङ्गा छ्योगोउँइँले दे क्‍याइ बोयाद्‍ बिसि खी च डुँङ्गार्न क्हुँसि म्‍हिए हुललाइ परमेश्‍वरए ताँ लोमिंबर होंइ।

यूहन्‍ना 1:40

यूहन्‍नाए ताँ थेसि येशूए लिलि ल्हैदिबै च म्हि ङ्हिं न्‍होंरि घ्रि सिमोन पत्रुसए अलि अन्‍द्रियास मुँल।