लूका 4:1 - परमेश्‍वरए ताँ तमु क्युइर

¹ येशू क्युर प्ल्हुँसि बप्‍तिस्मा किंबै लिउँइँ परमेश्‍वरए पबित्र प्ल्हजी प्लिंसि यर्दन स्‍योंउँइँले एखमा पबित्रए प्ल्हजी खीलाइ क्यु आयोंबै क्ल्ह्‍योर बोइ।

लूका 4:1 Iomraidhean Croise

मत्ती 3:16

बप्‍तिस्‍मा किंल् खाँबै तोदोंन् येशू क्‍युउँइँले बैरु त्‍होंखमा स्वर्ग थोंसि परमेश्‍वरए प्ल्ह तोंगु धोंले ह्रोंसए फिर युरिब खीजी म्रोंइ।

लूका 2:27

झाइले पबित्र प्ल्हजी बिब् धोंले शिमियोन मन्दिर न्होंर होंमा। परमेश्‍वरए छ्वेर बिब् धोंले लबर कोलो येशूलाइ आबा-आमाइ मन्दिर न्होंर पखइ।

लूका 3:3

छतसि यूहन्‍ना यर्दन स्‍योंए खागुबै ताँन् क्‍ल्‍ह्‍योजरे स्‍युरसि म्हिमैंने पाप लब पिसि परमेश्‍वरउँइँ सैं एदु धै क्‍युर प्‍ल्हुँसि बप्‍तिस्‍मा किंनु। छलस्याँ परमेश्‍वरजी क्‍हेमैंए पाप क्षमा लमिंब्‍मुँ बिसि परमेश्‍वरए ताँ बिप्रबर होंइ।

लूका 3:38

केनानए आबा एनोश मुँल। एनोशए आबा शेत मुँल। शेतए आबा आदम मुँल। आदमए आबा परमेश्‍वर मुँल।

लूका 4:14

च लिउँइँ येशू परमेश्‍वरए पबित्र प्ल्हए शक्‍ति योंसि गालील ह्‍यु‍लर एख‍इ। छले एखमा खीए बारेर्बै ताँ च खागुबै ताँन् नाँसजरे थेनेइ।

लूका 4:18

“याहवेह परमेश्‍वरए प्‍ल्ह ङए फिर मुँ, तलेबिस्याँ ङ्हाँदुमैंलाइ सैं तोंबै ताँ बिमिंबर खीजी ङलाइ त्हाँइमुँ। कैदिमैं झेलउँइँले तेमिंबर, धै कनमैं मि म्रोंल् लमिंबर। आगुइ क्र ओल् आपिंब्मैंलाइ रेमिंबर खीजी ङ कुल्मिंब् ग।

यूहन्‍ना 1:32

धै यूहन्‍नाइ चु ग्वाइ पिंइ, “ङइ पबित्र प्ल्ह तोंगुए क्होर स्वर्गउँइँले युसि खीए फिर टिब् म्रोंइ।

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

चेला चिब्मैंए केमैं 1:2

च के लब नेरो ताँ लोमिंबर होंबै त्हेउँइँले खीलाइ स्‍वर्गर बोह्‍याबै त्हे समार्बै ताँन् ताँमैं ङइ चर प्ह्रिथेंइँमुँ। स्वर्गउँइँ बोयाब् भन्दा ओंसों येशूजी त्‍हाँबै कुल्मिंबै चेला चिब्मैंलाइ खीजी पबित्र प्ल्हउँइँले “छ-छ लद्” बिइ।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 8:39

झाइले चमैं क्‍युउँइँले बैरु त्‍होंखबै लिउँइँ प्रभुए प्ल्हजी फिलिप बोयाइ। हिचडइ फिलिप धबै आम्रोंलेया सैं तोंदै ह्रोंसए घ्‍याँ क्‍हाइ।