लूका 3:8 - परमेश्‍वरए ताँ तमु क्युइर

⁸ छतसि क्हेंमैए सैं परमेश्‍वरउँइँ एसि छ्याँबै के लसि उँइँन्। ‘ङि यहूदीमैं परमेश्‍वरजी त्‍हाँबै म्‍हि अब्राहामए कुलर्बै सन्तानमैं ग। छतसि ङिइ परमेश्‍वरउँइँले सजैं आयों बिसि क्हेमैंइ आमैंन्’ तलेबिस्याँ परमेश्‍वरजी चु युँमाउँइँले या अब्राहामए ल्हागिर सन्तानमैं लमिंल् खाँम्।

लूका 3:8 Iomraidhean Croise

मत्ती 21:43

छतसि ङ क्‍हेमैंने बिमुँ, परमेश्‍वरए ग्याल्सर टिबै हग तारे परमेश्‍वरजी क्‍हेमैंउँइँले प्‍हेंसि रोमैं रोल् खाँबै अरू ह्रेंलाइ पिंब्‍मुँ।”

मत्ती 3:8

बरु परमेश्‍वरउँइँ सैं एसि छ्याँबै केमैं लसि उँइँन्।

मत्ती 3:9

‘ङि यहूदीमैं परमेश्‍वरजी त्‍हाँबै म्‍हि अब्राहमए खलकर्बै तसेरो ङि परमेश्‍वरए सजैंउँइँले स्योल् योंब्‍मुँ,’ बिसि ह्रों-ह्रोंसन् बिआप्रद्। तलेबिस्याँ ङ क्हेमैंने बिमुँ, परमेश्‍वरजी अब्राहमए ल्हागिर चु युँमाउँइँले या सन्‍तान् लमिंल् खाँम्।

लूका 13:25

धिं क्‍ल्‍हे रेसि म्रा तोरवाबै लिउँइँ क्‍हेमैं बैरु रासि म्रा ह्रादै ‘ओ प्रभु, म्रा थोंमिंन्,’ बिब्‍मुँ, दिलेया खीजी ‘क्‍हेमैं खनिउँइँले खल ङइ क्‍हेमैं ङो आसे,’ बिब्मुँ।

लूका 13:26

“च त्हेर क्‍हेमैंइ ‘ङिइ क्‍हिने बालु चमल थुँमल। झाइले ङिए नाँसजरे क्हिजी लोमिंमल,’ बिब्मुँ।

लूका 14:9

न्हिम्तो लबै म्‍हिइ क्‍हिने ‘चु क्‍ल्‍ह्‍योर चु म्‍हि क्हुँल् पिंन् बिस्याँ’ क्‍हि फापिन् तसि ताँन् भन्दा च्योंब्मैंए क्‍ल्‍ह्‍योर क्हुँल् त्‍हुब्मुँ।

लूका 19:40

येशूजी चमैंने बिइ, “ङ क्हेमैंने बिमुँ, चुमैं छले आपोंस्‍याँ युँमामैंन् थेबै कैले ओरब्मुँ।”

लूका 19:9

येशूजी चने बिइ, “तिंयाँ चु धिंर्बै म्हिमैंइ मुक्‍ति योंइमुँ, तलेबिस्याँ चु या अब्राहामए सन्तान ग।

लूका 5:21

चु ताँ थेसि फरिसीमैं नेरो शास्‍त्रिमैंइ ह्रों-ह्रोंसन् “परमेश्‍वर म्‍हि आच्‍हिल्‍ले पोंब चु खाब् जा? परमेश्‍वरजी मत्‍त्रे पापए क्षमा पिंल् खाँम् आङिं वा? बिबर होंइ।”

यूहन्‍ना 8:33

दिलेया चमैंइ खीने बिइ, “ङिम् अब्राहामए सन्तानमैं ग। तोगो समा ङि खाबै केब्छैं तसि टिल् आत्हुइमुँ। ‘क्हेमैं दुःखउँइँले फ्रेयाब्मुँ’ बिसि खैले बिल?”

यूहन्‍ना 8:39

चमैंइ खीने बिइ, “ङिए आबाम् अब्राहाम ग।” येशूजी चमैंने बिइ, “क्‍हेमैं अब्राहामए सन्तानमैं ङिंब् ग बिस्‍याँ अब्राहामइ लब् धों तबै केमैं क्‍हेमैंज्‍यै लमल।

चेला चिब्मैंए केमैं 26:20

ङ ओंसों डमस्‍कस नेरो यरूशलेम सहरजरे, यहूदीमैंए ताँन् ह्‍युलरि, झाइले अरू ह्रेंमैंए ह्‍युलरै या ह्‍यासि पाप केमैं पिसि परमेश्‍वरउँइँ सैं एद् धै ह्रोंसइ सैं एइ बिब उँइँबर छ्याँबै केमैं लल् त्‍हुम् बिसि लोमिंइ।

रोमी 4:16

परमेश्‍वरजी पिंम् बिसि फैबै बाछा अब्राहामए सन्‍तानमैंइ योंरिगे बिसि म्‍हिमैंइ बिश्‍वास लबइले परमेश्‍वरजी पिंइ। च थेबै दयाम्हाँया ठिमर्बै ताँमैं म्हाँदिबै सन्‍तानए ल्हागिर मत्‍त्रे आङिं, अब्राहामइ धोंले बिश्‍वास लब्‍मैंए ल्हागिरै ग। तलेबिस्याँ ङ्यो ताँनए खे अब्राहाम ग।

रोमी 9:7

झाइले अब्राहामए ताँन् सन्तानमैं परमेश्‍वरए च्ह-च्हमिमैं आङिं। अब्राहामल च्‍ह ङ्हिं मुँनबिलेया परमेश्‍वरजी छ बिल, “इसहाकउँइँले योंबै सन्‍तान मत्‍त्रे क्‍हिए सन्‍तान ठर्दिब्‍मुँ।”

फिलिप्पी 1:11

झाइले परमेश्‍वरलाइ मान लसि खीए मिं थेब लबै ल्हागिर येशू ख्रीष्‍टउँइँले योंबै छ्याँबै बानि क्हेमैंने तरिगे।