लूका 3:3 - परमेश्‍वरए ताँ तमु क्युइर

³ छतसि यूहन्‍ना यर्दन स्‍योंए खागुबै ताँन् क्‍ल्‍ह्‍योजरे स्‍युरसि म्हिमैंने पाप लब पिसि परमेश्‍वरउँइँ सैं एदु धै क्‍युर प्‍ल्हुँसि बप्‍तिस्‍मा किंनु। छलस्याँ परमेश्‍वरजी क्‍हेमैंए पाप क्षमा लमिंब्‍मुँ बिसि परमेश्‍वरए ताँ बिप्रबर होंइ।

लूका 3:3 Iomraidhean Croise

मत्ती 3:11

“क्‍हेमैंए सैं परमेश्‍वरउँइँ एइ बिब् उँइँबर ङइ क्‍युर प्‍ल्हुँमिंसि बप्‍तिस्‍मा पिंम्। दिलेया ङए लिलि युबै म्‍हि ङ भन्दा बेल्‍ले शक्‍ति मुँब मुँ। खीजी क्‍हेमैं परमेश्‍वरए पबित्र प्ल्ह नेरो मिइ बप्‍तिस्‍मा पिंब्‍मुँ। ङम् खीए जुत्ता नोबै लायगर्बै आरे।

लूका 1:16

चइ इस्राएल ह्रेंर्बै ल्‍हें म्‍हिमैंलाइ खेंमैंए याहवेह परमेश्‍वर ङाँइ एपखब्मुँ।

लूका 1:77

पापउँइँले क्षमा योंसि मुक्‍ति योंब्मुँ बिबै ताँ क्हिइ परमेश्‍वरए म्‍हिमैंने लोमिंब्मुँ।

लूका 4:1

येशू क्युर प्ल्हुँसि बप्‍तिस्मा किंबै लिउँइँ परमेश्‍वरए पबित्र प्ल्हजी प्लिंसि यर्दन स्‍योंउँइँले एखमा पबित्रए प्ल्हजी खीलाइ क्यु आयोंबै क्ल्ह्‍योर बोइ।

यूहन्‍ना 1:28

चु ताँमैं यर्दन स्‍यों क्‍योंजा बेथानिया बिबै क्‍ल्‍ह्‍योर तल। चर यूहन्‍नाइ म्हिमैं बप्‍तिस्‍मा पिंरिल।

यूहन्‍ना 3:26

चमैं यूहन्‍ना ङाँर खसि बिइ, “गुरु! यर्दन स्‍यों क्‍योंजा क्‍हिने मुँबै म्हिए बारेर ओंसों क्हिइ ग्वाइ पिंल, तिंजोरोम् खीजीन् म्हिमैं क्युर प्ल्हुँसि बप्‍तिस्‍मा पिंरिइमुँ। धै ताँन् म्हिमैं खी ङाँर्न ह्‍यारिइमुँ।”

चेला चिब्मैंए केमैं 13:24

खी युब् भन्दा ओंसों यूहन्‍नाइ इस्राएलर्बै ताँन् म्हिमैं परमेश्‍वरउँइँ सैं एसि बप्‍तिस्मा किंन् बिदै खन्तोंदोंन् बिप्रल।

चेला चिब्मैंए केमैं 19:4

झाइले पावलइ बिइ, “यूहन्‍नाइ पिंबै बप्‍तिस्माम् पाप केमैं पिसि परमेश्‍वरउँइँ सैं एरिगे बिब् मुँल। दिलेया तारे पिरु युबै येशूए फिर बिश्‍वास लल् त्हुम् बिसि चइ म्हिमैंने लोमिंमल।”

चेला चिब्मैंए केमैं 22:16

छतसि तारे तले क्हैल् लरिमुँ? रेद्! येशूए मिं किंसि ह्रोंसए आछ्याँबै केमैं ख्रुवाबर क्युर प्ल्हुँसि बप्‍तिस्मा किंन्।’