लूका 1:7 - परमेश्‍वरए ताँ तमु क्युइर

⁷ इलिशिबा थरि मुँल। छतसि च्‍ह-चमिं तोइ आरेल। च्हौ मत्‍त्रे आङिंना, चमैं ङ्हिंना-ङ्हिंन् खिब्‌ माँब् तयाल।

लूका 1:7 Iomraidhean Croise

उत्पत्ति 17:17

छबिमा अब्राहाम पत्खु तसि सैं न्हों-न्हों निस्योसि बिइ, “प्र बर्ष तयाबै म्हिलैया प्हसे तम् रो वा? धै कुच्यु बर्ष तयाबै साराई प्हसे फिलै रो वा?

उत्पत्ति 18:11

अब्राहाम नेरो सारा खेब्-माँब् तसि चमैंए छ्ह ल्हें तयाल् खाँल। साराए क्होर्बै या टियाल् खाँल।

उत्पत्ति 25:21

रिबेका थरि तबइले इसहाकइ ह्रोंसए प्ह्रेंस्योए ल्हागिर याहवेहने प्राथना लइ। चए प्राथना याहवेहजी थेसि रिबेकाइ प्हसे नोइ।

उत्पत्ति 30:1

राहेल ङाँइँले याकूबए प्हसेमैं आत। छतसि राहेलइ ह्रोंसए आनने ह्रिस लबर होंइ। चइ याकूबने “ङलाज्यै प्हसेमैं पिंन्! आपिंस्याँ ङ सियाब्मुँ,” बिइ।

लूका 1:5

यहूदीया ह्‍युलर्बै हेरोद म्रुँए पलोर चु केमैं तखइ। यहूदीमैंए म्हाँजोर जकरिया बिबै ख्रो पिंबै खेगि घ्रि मुँल। च स्‍योंम्‍बै अबिया बिबै ख्रो पिंबै खेगिए खलकर्बै म्‍हि मुँल। चए प्ह्रेंस्योए मिं इलिशिबा मुँल। इलिशिबाए आबा या ख्रो पिंबै खेगि मुँल।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

लूका 1:8

तिगें जकरियाल मन्दिरर ख्रो पिंबै पलो तल। छतसि चइ खेगिए के लरिल।

रोमी 4:19

च त्हेर अब्राहाम प्र बर्ष तबर होंल च सिबै त्हे तयालैया, ह्रोंसए प्ह्रेंस्यो सारा या माँब् तसि प्‍हसे तल् आखाँ बिब् सेलैया अब्राहामइ परमेश्‍वरए ताँर कत्ति संका आल।

हिब्रू 11:11

बिश्‍वासउँइँलेन् साराज्यै माँब् तल् खाँबै लिउँइँ प्‍हसे नोबै भों योंइ, तलेबिस्याँ “प्हसे फिम् बिसि बाछा फैबै परमेश्‍वर बिश्‍वास योग्यर्बै मुँ” बिसि चइ मैंल।