लूका 1:3 - परमेश्‍वरए ताँ तमु क्युइर

³ छतमा ङज्‍यै या चु ताँन् के ओंसों ओंनोंन् खैले तइ बिसि छेन्‍ले मैंसि क्‍हिए ल्हागिर ओंसोंउँइँले लिउँइँ समा तबै ताँमैं तों फ्यार्ले प्‍ह्रिब ठिक तलै ङ्हाँसि प्ह्रिइमुँ।

लूका 1:3 Iomraidhean Croise

भजनमैं 40:5

ओ याहवेह, ङए परमेश्‍वर, क्हिजी लबै औदिबै केमैं नेरो क्हिजी ङिए ल्हागिर लबै चाँजोमैं ल्हेंन् मुँ। क्हिजी लबै औदिबै केमैं ल्हेंन् मुँ, छतसि ङइ च केमैंए बयन लल् आखाँ। क्हि धों तब अरू खाबै आरे!

भजनमैं 50:21

क्हिइ चु ताँन् आछ्याँबै केमैं लइमुँ दिलेया ङ तोइ आपोंन्ले टिइ; छतसि ङै या क्हि धोंन् तब्मुँ बिब क्हिए सैंर ङ्हाँमै। छ आङिं! ङइ क्हि हौदिब्मुँ धै क्हिइ खैबै केमैं लइमुँ बिब क्हिए ओंसोंन् ताँन् उँइँमिंब्मुँ।

हितोपदेश 22:21

ह्रोंसलाइ कुलब्मैंए ङाँर क्हिइ ठिक जवाफमैं पिंल् खरिगे बिसि ङइ क्हिने क्ह्रोंसेंन्बै भर लल् खाँबै ताँमैं लोमिंइमुँ।

लूका 1:1

ओ चिब थियोफिलस छ्याज्यालो मुँ! ङ्योए म्‍हाँजोरि तो-तो केमैं तइ बिसि ल्‍हें म्‍हिइ प्‍ह्रिल।

चेला चिब्मैंए केमैं 1:1

ओ थियोफिलस, येशूजी सुरु लबै के नेरो लोमिंल् म्हैबै ताँए बारेर ङइ “लूका” बिबै कितबर ओंसोंन् प्ह्रिथेंइँमुँ।

चेला चिब्मैंए केमैं 11:4

छबिमा पत्रुसइ ताँन् ताँमैं तोंफ्यार्लै चमैंने बिबर होंइ:

चेला चिब्मैंए केमैं 15:19

“छतसि परमेश्‍वरउँइँ सैं एबै अरू ह्रेंमैंलाइ ङ्योइ दुःख आपिंले बिब ङए सैं मुँ,

चेला चिब्मैंए केमैं 15:25

छतसि ङि ताँनइ सल्‍ला लसि ङिंए ताँमैं क्हेमैं ङाँर बिमिंबर ङिए न्होंर्बै कोइ म्हिमैं त्हाँसि ङिए खोबै थुमैं बारनाबास नेरो पावलने क्हेमैं ङाँर कुलब छ्याँब ङ्हाँइ।

चेला चिब्मैंए केमैं 15:28

चु चैदिबै ताँमैं बाहेक अरू ति क्हेमैंलाइ नोल् पिंब आत बिसि पबित्र प्ल्ह नेरो ङिइ छ्याँब ङ्हाँइ:

चेला चिब्मैंए केमैं 18:23

पावल एन्‍टिओखियार दे त्हिंइ टिसि च क्ल्ह्‍योउँइँले त्होंसि गलातिया नेरो फ्रिगिया जरेर्बै ताँन् चेलामैं सैं भोंसि लमिंदै ल्हें क्ल्ह्‍योजरै या ह्‍याइ।

चेला चिब्मैंए केमैं 23:26

“ओ चिब, क्रथे फेलिक्‍स, ङ क्‍लौडियस लुसियसउँइँले छ्याज्यालो मुँ!

चेला चिब्मैंए केमैं 24:3

छतसि चु ताँ खोंयोंन् बिलै ताँन् क्ल्ह्‍योर ङिइ सैं तोंसि म्हाँदिम्।

चेला चिब्मैंए केमैं 26:25

दिलेया पावलइ बिइ, “ओ चिब फेस्‍तस, ङ सोबाल् तब् आङिं। ङइ क्ह्रोंसेंन्बै नेरो च्हैंसि मैंसि ताँमैं पोंमुँ।

१ कोरिन्थी 16:12

अलि अपोल्‍लसए बारेर्बै ताँ तो जा बिस्याँ, चलाइ अरू अलिमैंने क्‍हेमैं ङाँर ह्‍यारिगे बिसि ङइ ल्‍हेन् यो छ्युँ लइ। तिंयाँ समा चइ ह्‍याबै सैं आल, दिलेया लिउँइँ बिस्याँ मौका योंस्‍याँ खबै सैं लइमुँ।

१ कोरिन्थी 7:40

दिलेया चइ ब्ह्‍या आलल्‍ले टिम् बिस्याँ झन् छ्याँब तम्। चु ङए सैंर्बै ताँ ग, ङने या परमेश्‍वरए प्ल्ह मुँ बिब ङइ मैंमुँ।

१ तिमोथी 4:6

प्रभु येशूउँइँले खबै सैं तोंबै ताँमैं नेरो क्हिइ कोलो ओंनोंन् म्हाँदिबै क्ह्रोंसेंन्बै ताँमैं लोबइले क्हि प्रभुए फिर बिश्‍वास लबर भोंब् तसिन्मुँ। छतसि चु ताँमैं क्हिइ अरू अलि-अङाँमैंलाज्यै या लोमिंस्याँ क्‍हि येशू ख्रीष्‍टए के लबै छ्याँबै म्‍हि तब्‍मुँ।