योना 4:2 - परमेश्‍वरए ताँ तमु क्युइर

² झाइले चइ याहवेहने प्राथना लसि बिइ, “ओ याहवेह, ह्रोंसए ह्‍युलर मुँबै त्हेर ङइ बिब् धोंन् तइ, आङिं वा? छतसि ङ तर्शिशर ह्‍याबै सैं लइ, तलेबिस्याँ क्हि दयाम्हाँया लबै परमेश्‍वर ग, ल्हयो लमुँ, ह्रिस खबर क्हैमुँ धै बेल्‍ले थेबै म्हाँया लम्। धै नास लबै ताँउँइँले सैं एम् बिसि ङइ सेइमुँ।

योना 4:2 Iomraidhean Croise

भजनमैं 103:8

याहवेह ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 145:8

याहवेहजी दयाम्हाँया लमुँ धै ल्हयो खमुँ, खी युनन् ह्रिस आख, धै खोंयोंइ आनुबै म्हाँया लम्।

भजनमैं 78:38

दिलेया खीजी ल्हयो खबइले चमैंए पाप क्षमा लमिंइ, धै चमैंलाइ नास आलल; खीजी ह्रोंसए ह्रिस ल्हें खे समा थौंदिइ थेंइ, धै खीजी ह्रोंसलाइ ह्रिस खल् आपिं।

भजनमैं 86:15

दिलेया ओ प्रभु, क्हि ल्हयो खब नेरो दयाम्हाँया मुँबै परमेश्‍वर ग, युनन् ह्रिस आखब, ताँनए फिर खोंयोंइ आनुबै म्हाँया लब नेरो भर लल् खाँब मुँ।

भजनमैं 86:5

तलेबिस्याँ ओ प्रभु, क्हि स्वाब नेरो क्षमा पिंरिब् मुँ, क्हिए मिं किंब्मैं ताँनलाइ क्हिजी खोंयोंइ आनुबै थेबै म्हाँया लम्।

भजनमैं 90:13

अझै क्हि खोंयों समा ह्रिस खरिमुँ? ओ याहवेह, ह्रोंसए के लब्मैंए फिर ल्हयो खमिंन्!

प्रस्थान 32:14

छबिमा याहवेहजी ह्रोंसए म्हिमैंलाइ नास लवाब्मुँ बिलेया खीजी सैं एसि चमैंलाइ जोगेमिंइ।

योना 1:3

दिलेया योना याहवेहजी बिब् आङिंसि तर्शीश बिबै सहरउँइँ ह्‍याइ। छले ह्‍यामा योप्पा सहरर फेखइ, चर चइ तर्शीशउँइँ ह्‍याँबै क्यु झाज घ्रि स्याइ। याहवेहउँइँले भौदिबर झाजए भारा फोसि च तर्शीशउँइँ ह्‍याबै झाजर क्रेइ।

योना 3:10

छले परमेश्‍वरजी चमैं ताँन खेंमैंए आछ्याँबै के लबै घ्याँ पिसि एखब् म्रोंइ, खीए खोंर ल्हयो खइ। छतसि खीजी सहर नास लम् बिब् धोंले सहर नास आल।

योना 3:9

छले परमेश्‍वरजी खीए सैं एइरि ल्हयो लसि खीए थेबै ह्रिसउँइँले सैं एम् उ, धै ङ्यो नास तरिब् आरे, बिसि खाबइ सेइमुँ?”

लूका 10:29

दिलेया च म्‍हिइ ह्रोंस ठिक के लबै म्हि ग बिसि प्हैंबर “छ बिस्‍याँ ङए ङ्‍हेब्-ट्हुब् खाब् जा?” बिसि ङ्योएमा