योना 2:7 - परमेश्‍वरए ताँ तमु क्युइर

⁷ छले ङ सिबिन् छेमा, ङइ याहवेहलाइ मैंइ, ङइ लबै प्राथना क्हि ङाँर फेनेइ, क्हिए पबित्र मन्दिर न्होंर फेनेइ।

योना 2:7 Iomraidhean Croise

भजनमैं 11:4

दिलेया याहवेह ह्रोंसए पबित्र क्ल्ह्‍योर मुँ; याहवेहए राजगद्दि स्वर्गर मुँ; खीजी म्हिमैंलाइ छेनाले ङ्‍ह्‍योमुँ; खीजी ह्रोंसए मिजी चमैंए जाँच लमुँ।

भजनमैं 142:3

ङए सैं च्योंब् तमा ङइ तो लल् त्हुम् बिब क्हिजी सेम्! ङ प्रबै घ्याँर म्हिमैंइ ङए ल्हागिर ङो चुइमुँ।

भजनमैं 143:5

ह्‍याबै त्हिंइमैं ङइ मैंमुँ, धै क्हिजी ताँन् केमैं खैले लगे बिसि ङए सैंर मैंरिमुँ; धै क्हिए योइ औदिबै केमैं खैले लगे बिसि ङ मैंरिमुँ।

भजनमैं 18:6

ङए सैंरै आमैंबै दुःखमैं ङए फिर तखमा ङइ याहवेहने ग्वार ह्रिइ, छले ल्होमिंन् बिसि ङए परमेश्‍वरलाइ हुइमा खीजी ह्रोंसए टिबै क्ल्ह‍योउँइँले ङए ताँ थेमिंइ।

भजनमैं 20:7

कोइइ रथमैंए फिर, कोइइ घोडामैंए फिर भर लम्, दिलेया ङिम् ङिए याहवेह परमेश्‍वरए मिंर्न भर लम्।

भजनमैं 22:14

क्यु ङेयाब् धोंले ङए भों नुयाइमुँ, ङए ह्रिबए जोर्निमैं ताँन् प्ल्ह्‍याइमुँ। ङए खों युलुयाबै मम् बत्ति धोंन् तयाइमुँ।

भजनमैं 27:13

सोगोंमैंए ह्‍युलर ङ याहवेहए छ्याँबै केमैं म्रोंब्मुँ बिब ङलाइ अझै बिश्‍वास मुँ।

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 42:5

ओ ङए सो, क्हि तले आतोंल? धै ङए खों न्होंर क्हि तले च्हतर्लै आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 43:5

ओ ङए सैं, क्हि तले आतोंल? ओ ङए खों, क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइना थेब् लब्मुँ।

भजनमैं 65:4

क्हिजी त्हाँबै म्हिमैंइ आशिक योंम्, धै क्हिजी चमैंलाइ क्हि ङाँर पखसि क्हिए धिंर्बै ह्‍युर टिल् पिंम्! क्हिए धिंर्बै लिं-लिंबै सैमैं नेरो क्हिए पबित्र धिंर मुँबै आशिकमैंइ ङिं बेल्‍ले सैं तोंल् लमिंब्मुँ।

योना 2:4

झाइले ङइ बिइ, क्हिजी ङलाइ ल्हावाइ; दिलेया क्हिए पबित्र मन्दिरउँइँ ङ धबै ङ्ह्‍योम्।

हिब्रू 12:3

पापि म्‍हिमैंइ खीए बिरोधर पोंबै च्‍हौ ल्‍हें ताँमैं सैदिल् खाँबै येशूलाइ मैंन्, धै आनरल्‍ले ओंसों बडिद्।