योना 1:4 - परमेश्‍वरए ताँ तमु क्युइर

⁴ दिलेया याहवेहजी झाजन् फुवाल् म्हैबै थेबै नाँ-खैं मा ङ्युँइर खल् पिंइ।

योना 1:4 Iomraidhean Croise

भजनमैं 135:6

स्वर्गर, पृथ्बीर, नेरो मा ङ्युँइमैंए गैरु क्ल्ह्‍योमैंरै या, याहवेहजी ह्रोंसए सैंर मैंब् धोंले लम्।

भजनमैं 135:7

खीजी पृथ्बीए च्होउँइँले न्हाँम्स्यो रेमिंम्, खीजी नाँने बालु काम्‍लि-तिम्‍लि कुल्मिंम् धै खीए भण्डरउँइँले खैं तेमिंम्।

भजनमैं 148:8

धै काम्‍लि-तिम्‍लि, तिस्यु, क्लिं नेरो न्हाँम्स्यो, धै खीजी बिबै ताँ ङिंबै नाँ-खैंज्यै या खीलाइन थेब् लद्!

प्रस्थान 10:13

छबिमा मोशाइ ह्रोंसए प्हरे मिश्रए फिर स्योंमा याहवेहजी च त्हिंइ नेरो म्हुँइँसा मिश्रर स्यारउँइँले खैं खमिंइ। झाइले न्हाँग तमा स्यारबै खैंइ तिरिमैं पखइ।

प्रस्थान 10:19

झाइले याहवेहजी छ्यो न्हुउँइँले (पश्‍चिमउँइँले) बेल्‍ले थेबै खैं खमिंइ, खैंइ तिरिमैं सुएज बिबै मा ङ्युँइउँइँ नोबोइ। मिश्रर तिरि घ्रि या आचै।

प्रस्थान 14:21

झाइले खीजी बिब् धोंलेन् मोशाइ ह्रोंसए यो मा ङ्युँइए फिर स्योंइ, धै याहवेहजी म्हुँइँसतिमि स्यारउँइँले खैं कुल्मिंसि मा ङ्युँइर्बै क्युलाइ लिग्याँइ स्योमिंमा क्यु ङ्हिंबाँ तसि मा ङ्युँइर (समुद्र) कारा क्ल्ह्‍यो तयाइ।

प्रस्थान 15:10

दिलेया क्हिजी ह्रोंसए सो फुइमा मा ङ्युँइ (समुन्द्रइ) चमैं हुवाइ। बेल्‍ले भोंबै मा ङ्युँइर चमैं पैए सिसा धोंले प्ल्हुँयाइ।