योना 1:2 - परमेश्‍वरए ताँ तमु क्युइर

² “रेद्, च निनवे बिबै थेबै सहरर ह्‍याद, धै चर्बै म्हिमैंए बिरोध ङए ताँ बिइ प्रद्, तलेबिस्याँ चर्बै म्हिमैंइ आछ्याँबै के लब ङइ म्रोंइमुँ।”

योना 1:2 Iomraidhean Croise

उत्पत्ति 10:11

च ह्‍युलउँइँले च अश्शूर ह्‍युलर ह्‍यासि निनबे, रहोबोत-इर नेरो कालह सहरमैं बनेइ।

योना 3:2

“रेद्, थेबै निनवे सहर ह्‍याद्, धै ङइ क्हिने पिंबै ताँ चर ह्‍यासि बिप्रद्।”

योना 3:3

छले याहवेहजी बिब् धोंले योना रेसि निनवे सहर ह्‍याइ। (निनवे सहर बेल्‍ले थेब मुँल धै मिं कालिदिब् मुँल, च सहरए ताँन क्ल्ह्‍यो ङ्ह्‍योबर सोंरो छ्युमल।)

योना 4:11

दिलेया निनवे सहरर छ्याँब आछ्याँब फेलल् आखाँबै लाख घ्रिसे ङ्हिस्यु हजार भन्दा ल्हें म्हिमैं मुँ, धै ख्योदोमैं या चर ल्हेंन् मुँ। च थेबै सहरए ल्हागिर ङइ न्हुँ लल् आत्हुब् आ?”

मत्ती 10:18

क्‍हेमैं ङए चेलामैं तबइले म्हिमैंइ क्‍हेमैं क्हासि क्रथेमैं नेरो म्रुँमैंए उँइँर राल् पिंब्‍मुँ। च त्हेर क्‍हेमैंइन चमैं नेरो अरू ह्रेंमैंने ङए ताँमैं बिमिंल् त्‍हुब्‍मुँ।

मत्ती 12:41

झाइले परमेश्‍वरजी निसाफ लबै त्हिंइर निनवेथेंमैंइ क्‍हेमैं छ्याब् ल्‍हैदिब्‍मुँ। तलेबिस्याँ चमैंइ योनाइ बिबै ताँ थेसि खेमैंए आछ्याँबै केमैंउँइँले सैं एइ, दिलेया क्‍हेमैंए म्‍हाँजोरि योना भन्दा या थेबै म्‍हि चुर मुँ!

याकूब 5:4

म्रोंर के लबै म्रोंमैंलाइ पिंल् त्हुबै नों सै क्‍हेमैंइ आपिंइमुँ। च नों सैइ क्हेमैंए फिर छ्याब् ल्हैदिइमुँ। ताँन् भन्दा थेबै भों मुँबै परमेश्‍वरजी क्‍हेमैंए म्रोंमैंए सैं क्रोब थेल् खाँइमुँ।

दर्शन 18:5

तलेबिस्याँ चइ लबै पापमैं मु समा फेखइमुँ, चइ लबै आछ्याँबै केमैं परमेश्‍वरजी मैंरिइमुँ।