यूहन्‍ना 7:3 - परमेश्‍वरए ताँ तमु क्युइर

³ छतसि येशूए अलिमैंइ येशूने बिइ, “क्‍हिजी लरिबै केमैं क्‍हिए चेलामैंइ म्रोंरिगे। छतसि चु क्‍ल्‍ह्‍यो पिसि क्हि यहूदीया ह्‍युलर ह्‍याद्।

यूहन्‍ना 7:3 Iomraidhean Croise

उत्पत्ति 37:20

झाइले ‘क्ह्‍योंर्बै खेदोमैंइ चलाइ चवान’ बिसि ङ्योइ आबाने बिले। धै चए म्होंडमैं तो तमना ङ्ह्‍योले।”

मत्ती 12:46

येशूजी म्‍हिए हुलने चु ताँमैं पोंरिमा खीए आमा नेरो अलिमैं खीने ताँ लदा ङ्हाँसि बैरु रारिल।

मर्कूस 3:21

चु ताँ थेसि येशूए परवाइ खी किंबर खइ, तलेबिस्याँ म्हिमैंइ “येशूए सैं क्ल्ह्‍योर आरे” बिमल।

मर्कूस 3:31

झाइले येशूए आमा नेरो अलिमैं चर खइ, धै बैरुन् रासि येशूलाइ हुइबर ल्हैदिइ।

लूका 8:19

तिगें येशूए आमा नेरो अलिमैं येशूने त्‍होबर खइ। दिलेया म्‍हि हुलइ लमा चमैंइ येशूने त्‍होल् आयोंल।

लूका 8:20

छतमा म्‍हि घ्रिइ येशूने बिइ, “क्‍हिए आमा नेरो अलिमैं क्हिने त्होबै सैं लसि बैरु रारिइमुँ।”

यूहन्‍ना 2:2

येशू नेरो खीए चेलामैं या च ब्ह्‍यार हुइल।

यूहन्‍ना 6:60

चु ताँ थेसि येशूए चेलामैं न्होंर्बै ल्हेइ बिइ, “चु ताँ बेल्‍ले गारो मुँ। खाबइ चु ताँ थेल् खाँमुँ?”

यूहन्‍ना 6:66

च लिउँइँ येशूए चेलामैं न्होंर्बै ल्हें चेलामैं बिश्‍वास लब् पिसि खीने प्रब पिवाइ।

यूहन्‍ना 7:10

दिलेया येशूए अलिमैं चाडर ह्‍याल् खाँबै लिउँइँ खी या खाबज्यै आसेल्‍ले चाड म्हाँदिबै क्ल्ह्‍योर ह्‍याइ।

यूहन्‍ना 7:4

ह्रोंसइ लबै के अरूइ म्रोंरिगे ङ्हाँब्मैंइ ह्रोंसइ लबै छ्याँबै के आलोथें। छतसि क्‍हिजी चु केमैं लम् बिस्याँ ह्‍युलर्बै म्हिमैंने उँइँमिंन्।”

यूहन्‍ना 7:5

तलेबिस्याँ खीए अलिमैंज्यै या खीए फिर बिश्‍वास आलमल।

चेला चिब्मैंए केमैं 2:14

पत्रुसइ अरू कुल्मिंबै चेला चिब्मैं च्युसे घ्रिने बालुन् रासि थेबै कैले चर्बै म्हिमैंने बिइ, “ओ यहूदीयार्बै म्हिमैं, नेरो ताँन् यरूशलेमथेंमैं, क्हेमैंइ ङए ताँ छेनाले थेसि चु ताँ क्होद्।