यूहन्‍ना 5:4 - परमेश्‍वरए ताँ तमु क्युइर

⁴ तलेबिस्याँ खोंयों म्होंयों परमेश्‍वरए स्‍वर्गदूत घ्रि युसि ह्राए क्‍यु लामिंमल। धै क्‍यु लाबै त्हेर ओंसों क्युर होंबै म्हिला खैबै नब् छब् मुँलेना च नबै म्हि सयामल।]

यूहन्‍ना 5:4 Iomraidhean Croise

भजनमैं 119:60

क्हैल् आलल्‍ले युन्ले क्हिजी ल्हैदिबै के लबै सैं ङल् मुँ।

हितोपदेश 6:4

क्हि न्हरु आच्हुइद्, धै मि च्युँ आलद्!

हितोपदेश 8:17

ङलाइ म्हाँया लब्मैंने ङइ म्हाँया लम्, धै ङलाइ म्हैब्मैंइ ङने त्होब्मुँ।

मत्ती 11:12

यूहन्‍नाइ सैं तोंबै ताँ बिमिंबै त्हेउँइँले तोगो समा स्वर्गर्बै ग्याल्स युन्ले ओंसों ह्‍यारिइमुँ। बिरोध लब्मैं बिस्याँ खैच्हिजिले च ग्याल्स ट्होल् म्हैम्।

मत्ती 6:33

बरु ओंसों क्हेमैंए सैं परमेश्‍वरए ग्याल्सउँइँ ल्‍हैदिद्, खीजी बिब् धोंले ताँन् लद्। धै खीजी चु ताँन् सैमैं क्हेमैंलाइ थप्दिमिंब्मुँ।

लूका 13:24

येशूजी चमैंने बिइ, “रुबै म्राउँइँले न्‍होंर होंबै भों लद्, तलेबिस्याँ ङ क्‍हेमैंने बिमुँ, ल्‍हें म्‍हिमैं रुबै म्राउँइँले न्‍होंर होंल् म्‍हैब्‍मुँ, दिलेया होंल् खाँरिब् आरे।

लूका 16:16

“बप्‍तिस्मा पिंबै यूहन्‍नाए पलो समा स्‍योंमा परमेश्‍वरजी मोशाने पिंबै ठिम नेरो अगमबक्‍तामैंइ प्‍ह्रिबै छ्वे मत्‍त्रे मुँल। च त्हेसेरो तिंयाँ समा ‘परमेश्‍वरजी ग्याल्स लबर होंइमुँ। छतसि खीलाइ म्‍हाँदिद्, छ लस्याँ खीजी क्‍हेमैंए फिर आशिक पिंब्‍मुँ,’ बिसि परमेश्‍वरए ग्याल्सर्बै सैं तोंबै ताँ बिप्रइमुँ। छतसि ताँन् म्‍हिमैं ह्रोंसइ खाँन् समा भों लसि परमेश्‍वरए ग्याल्सए न्होंर होंम्।

यूहन्‍ना 5:3

चर कनमैं, डुँडामैं, स्याले म्हिमैं, ल्‍हें खालर्बै नब्‍मैं रोरिमल। [“क्‍यु खोंयों ओलेब् ङ्‍हे” बिसि चमैं पैंरिमल।

यूहन्‍ना 5:5

चर सोंच्‍युसे प्रेदिं ओंनोंन् नरिबै म्हि घ्रि मुँल।

यूहन्‍ना 5:7

नबै म्हिइ खीने बिइ, “चिब, क्‍यु लाबै त्‍हेर ह्रार प्‍ल्हुँमिंबै म्हि ङला खाबै आरे। छतसि ङ ह्‍याना ह्‍यान् ङ भन्दा ओंसोंन् अरूमैंन् क्युर होंयाम्।”

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।