यूहन्‍ना 13:3 - परमेश्‍वरए ताँ तमु क्युइर

³ आबाजी तोन्दोंरि सै खीए योर पिंइँमुँ। धै खी परमेश्‍वरउँइँले युब् ग, झाइले परमेश्‍वर ङाँर्न ह्‍यासिन् मुँ बिबै ताँ येशूजी था सेल।

यूहन्‍ना 13:3 Iomraidhean Croise

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

मत्ती 28:18

छतमा येशू चमैं ङाँर खसि बिइ, “स्वर्ग नेरो पृथ्‍बीर्बै तोन्दोंरि हग परमेश्‍वरजी ङने पिंइमुँ।

लूका 10:22

“ङए परमेश्‍वर आबाजी तोन्दोंरि सै ङलाइ पिंइमुँ। च्‍ह खाब् जा बिसि परमेश्‍वर आबाजी मत्‍त्रे सेमुँ अरूमैंइ आसे, परमेश्‍वर आबा खाब् जा बिसि च्हइ मत्‍त्रे सेमुँ अरूमैंइ आसे। ‘परमेश्‍वर आबा ङो सेरिगे’ बिसि ङइ उँइँदा ङ्हाँब्मैंइ मत्‍त्रे खीलाइ ङो सेम्, अरू खाबज्‍यै या परमेश्‍वर आबा ङो आसे।”

यूहन्‍ना 1:18

परमेश्‍वर खाबज्यै खोंयोंइ या आम्रोंइँमुँ, दिलेया परमेश्‍वरने टिबै खीए घ्रि मत्‍त्रे च्‍हजी परमेश्‍वर खैब मुँ बिसि ङ्योने उँइँमिंइँमुँ।

यूहन्‍ना 13:1

खीजी चु ह्‍युल पिसि परमेश्‍वर आबा ङाँर ह्‍याबै त्हे तखइमुँ बिसि दुःखने फ्रेबै चाडए ओंसोंन् येशूजी था सेल। खीजी ह्‍युलर मुँबै ह्रोंसए चेलामैंने खोंयोंइ म्हाँया लरिमल, धै लिउँइँ समन् चमैंने म्हाँया लरिइ।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।

यूहन्‍ना 3:13

स्वर्गउँइँले युबै म्हिए च्ह बाहेक अरू खाबै या स्वर्गर आह्‍याइमुँ।

यूहन्‍ना 3:35

परमेश्‍वर आबाजी खीए च्‍हलाइ म्‍हाँया लम्, छतसि तोन्दोंरि सै खीए योर्न पिंइमुँ।

यूहन्‍ना 7:29

दिलेया ङइ खीलाइ ङो सेमुँ, तलेबिस्याँ खीजीन् ङ कुल्मिंसि खीउँइँलेन् युब् ग।”

यूहन्‍ना 7:33

येशूजी चमैंने बिइ, “अझै दे त्हे ङ क्‍हेमैंने बालु टिब्‍मुँ, च लिउँइँ ङ कुल्मिंबै आबा ङाँर ह्‍याब्‍मुँ।

यूहन्‍ना 8:14

येशूजी बिइ, “ङइ ह्रोंसए बारेर ग्वाइ पिंलेना ङए ग्वाइ क्ह्रोंसेंन्बै मुँ। ङ खनिउँइँले युजी खनिर ह्‍यासिन् मुँ बिसि ङइ सेइमुँ, दिलेया ङ खनिउँइँले युइ धै खनिर ह‍यासिन् मुँ बिब क्हेमैंइ आसे।

यूहन्‍ना 8:42

येशूजी चमैंने बिइ, “क्‍हेमैंए आबा क्‍ह्रोंसेंन परमेश्‍वरन् ङिंस्‍याँम् क्‍हेमैंइ ङने म्हाँया लमल, तलेबिस्याँ ङ परमेश्‍वरउँइँले युब् ग। ङ ह्रोंसन् युदा ङ्हाँसि युब आङिं, दिलेया परमेश्‍वरजी ङ कुल्मिंब् ग।

चेला चिब्मैंए केमैं 2:36

छतसि तारे इस्राएलर्बै ताँन् म्‍हिमैंइ चु ताँ छेनाले क्होरिगे: क्हेमैंइ क्रूसर च्योवाबै चु येशून् परमेश्‍वरजी ताँन् म्हिमैंए प्रभु नेरो जोगेमिंबै म्रुँ ख्रीष्‍ट लमिंइँमुँ।”

१ कोरिन्थी 15:27

तलेबिस्याँ परमेश्‍वरए छ्वेरि छले प्‍ह्रिइमुँ, “परमेश्‍वरजी तोन्दोंरि सै म्‍हिए प्‍हले न्‍होंर थेंइ।” झाइले “तोन्दोंरि सै” बिबै मतलब परमेश्‍वरजी खी बाहेक अरू तोन्दोंरि सै ख्रीष्‍टए न्होंर थेंम् बिब् ग।

हिब्रू 1:2

दिलेया चु नुखबै त्हिंइजरे परमेश्‍वर खीए च्‍हउँइँले ङ्योने पोंइमुँ। परमेश्‍वरजी खीए च्हउँइँलेन् ह्‍युलर्बै तोन्दोंरि सैमैं बनेइ। धै ह्‍युलर्बै ताँन् सैए फिर क्ल्हे तबर खीजी खीए च्‍हलाइन त्हाँइ।