यूहन्‍ना 1:9 - परमेश्‍वरए ताँ तमु क्युइर

⁹ ताँन् म्हिमैंलाइ ज्ञान पिंबै क्‍ह्रोंसेंन्‍बै चारबै ह्‍वे ह्‍युलर युसिन् मुँल।

यूहन्‍ना 1:9 Iomraidhean Croise

मत्ती 6:23

दिलेया क्‍हिए मिइ म्रोंल् आखाँ बिस्याँ क्‍हिए ज्यु ताँन् मिछु तब्‍मुँ। छतसि क्‍हिए खों न्होंर मुँबै बत्ति मिछु त‍याइ बिस्याँ क्‍हिए छ्ह या मिछु खैबन् तयाब्मुँ।

लूका 11:36

क्‍हिए ज्युर मिछु आतल्‍ले ज्यु तिगोंन् चारब सै मुँस्‍याँ बत्ति चारब धोंले क्‍हिए ज्युउँइँले परमेश्‍वर‍ए मिं चारब्मुँ।”

यूहन्‍ना 1:4

खीने बालु खोंयोंइ आखाँबै छ्ह मुँल, च छ्ह म्हिमैंए चारबै ह्‍वे मुँल।

यूहन्‍ना 1:7

यूहन्‍नाउँइँले ताँन् म्हिमैंइ परमेश्‍वरए ताँ क्वेंरिगे बिसि च चारबै ह्‍वेए बारेर ग्वाइ पिंबर युइ।

यूहन्‍ना 12:46

ङए फिर बि‍श्‍वास लब्मैं मिछु खैबर टिल् आत्हुरिगे बिसि ङ ह्‍युलर चारबै ह्‍वे तसि युइमुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 15:1

“क्ह्रोंसेंन्बै अँगुरए धुँ ङन् ग, ङए आबा बिस्याँ धुँमैं छेनाले ङ्‍ह्‍योबै क्ल्हे ग।

यूहन्‍ना 6:32

येशूजी चमैंने बिइ, “क्‍ह्रोंसेंन ङ क्‍हेमैंने बिमुँ, क्हेमैंलाइ स्वर्गउँइँले क्हें पिंब मोशाइ आङिं, स्वर्गउँइँले क्हेमैंलाइ क्ह्रोंसेंन्बै क्हें पिंब ङए आबा ग।

यूहन्‍ना 7:12

म्हि हुलए न्होंरि खीए बारेर खें-खेंमैंन् ताँ लरिल। कोइ म्हिमैंइ “खी छ्याँबै म्हि ग बिमल,” कोइ “आङिं, चम् म्हिमैंने स्योर तेइ मत्‍त्रे प्रइमुँ बिमल।”

१ यूहन्‍ना 1:8

दिलेया ङ्योइ ह्रोंसने पाप आरे बिम् बिस्याँ, ङ्योइ ह्रोंसलाइन धोका पिंम्, धै ङ्यो क्ह्रोंसेंन्बै ताँ आपोंबै स्योर्गुमैं तम्।

१ यूहन्‍ना 2:8

दिलेया चु घ्रिइ घ्रिने सैं न्होंउँइँलेन् म्हाँया लल् त्हुम् बिबै ताँ ख्रीष्‍टए छ्हर नेरो क्‍हेमैंए छ्हरै या म्‍हिमैंइ म्रोंल् खाँम्। छतसि क्हेमैंए ल्हागिर ङइ प्ह्रिबै ताँ छारा मुँ। तलेबिस्याँ तोगो मिछु खैब ह्‍याल् खाँइमुँ, क्ह्रोंसेंन्‍बै ह्‍वे ओंसों ओंनोंन् चारइमुँ।

१ यूहन्‍ना 5:20

क्ह्रोंसेंन्‍बै परमेश्‍वरलाइ ङ्योइ ङो सेरिगे बिसि खीए च्‍ह युसि ङ्योइ खीलाइ ङो सेबै ज्ञान पिंब ङ्योइ सेइमुँ। झाइले ङ्यो क्ह्रोंसेंन्बै परमेश्‍वरए च्‍ह येशू ख्रीष्‍टने घ्रिन् तसि क्ह्रोंसेंन्‍बै परमेश्‍वरने घ्रिन् तम् बिसे या सेइमुँ। क्ह्रोंसेंन्‍बै परमेश्‍वर खीन् ग धै खीउँइँले खोंयोंइ आखाँबै छ्ह योंम्।