यूहन्‍ना 1:4 - परमेश्‍वरए ताँ तमु क्युइर

⁴ खीने बालु खोंयोंइ आखाँबै छ्ह मुँल, च छ्ह म्हिमैंए चारबै ह्‍वे मुँल।

यूहन्‍ना 1:4 Iomraidhean Croise

भजनमैं 49:6

प्लबै म्हिमैंइ खेंमैंए सै न्होरए फिर थेब् प्हैंसि ङलाइ म्हि आच्हिन् ललेया ङ ङ्हिंरिब् आरे।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

मत्ती 4:16

मिछु खैबर टिबै म्हिमैंइ थेबै चारबै ह्‍वे म्रोंइमुँ। सिल् त्‍हुबै मिछु खैबै ह्‍युलर टिब्मैंए फिर ह्‍वे घ्रि चारइमुँ।” यशैयाइ बिबै ताँ क्ह्रोंसेंन तबर छ तइ।

लूका 2:32

चु कोलोन् अरू ह्रेंर्बै म्‍हिमैंलाइ क्‍हिए घ्‍याँ उँइँमिंबै चारबै ह्‍वे ग, छलेन क्हिए इस्राएली ह्रेंर्बै म्‍हिमैंए मिं थेब् लमिंबै चारबै ह्‍वे खीन् ग।”

यूहन्‍ना 11:25

येशूजी चने बिइ, “सियाब्‍मैं सोगों लमिंब नेरो खोंयोंइ आखाँबै छ्ह पिंब ङन् ग। ङए फिर बिश्‍वास लब्‍मैं सिलेया सोगों तब्‍मुँ।

यूहन्‍ना 12:35

येशूजी चमैंने बिइ, “अझै तिस्याँदे समा चारबै ह्‍वे क्‍हेमैंनेन् तब्मुँ। मिछु खैबइ क्हेमैं आहुरिगे बिसि चारबै ह्‍वे क्हेमैंने मुँरिबर्न प्ररिद्। मिछु खैबर प्रबै म्हिइ ह्रोंस् खनिर ह्‍यारिइमुँ बिसि सेल् आखाँ।

यूहन्‍ना 12:46

ङए फिर बि‍श्‍वास लब्मैं मिछु खैबर टिल् आत्हुरिगे बिसि ङ ह्‍युलर चारबै ह्‍वे तसि युइमुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

यूहन्‍ना 3:19

ताँ चुन् ग: चारबै ह्‍वे ह्‍युलर युइमुँ, दिलेया म्हिमैंए के दुष्‍ट मुँबइले चमैंइ चारबै ह्‍वे भन्दा मिछु खैबन् खोइ।

यूहन्‍ना 5:21

तलेबिस्याँ खैले आबाजी सियाब्‍मैं सोगों लमिंसि छारा छ्ह पिंमुँ, छलेन च्हज्यै या खाबलाइ छ्ह पिंदा ङ्हाँमुँ, चमैंलाइ छ्ह पिंब्मुँ।

यूहन्‍ना 5:26

तलेबिस्याँ आबा ह्रोंसनेन् खोंयोंइ आखाँबै छ्ह मुँ, छलेन खीजी च्हलाज्यै या छ्हए मुल तबै हग पिंइमुँ।

यूहन्‍ना 8:12

येशूजी धबै चमैंने बिइ, “ङ ह्‍युलर्बै चारबै ह्‍वे ग। ङए लिलि प्रबै म्हि मिछु खैबर प्रल् त्‍हुरिब् आरे। दिलेया चइ खोंयोंइ आखाँबै छ्ह पिंबै चारबै ह्‍वे योंब्‍मुँ।”

यूहन्‍ना 9:5

ङ ह्‍युलर मुँरिन् समा ङ ह्‍युलर्बै चारबै ह्‍वे ग।”

चेला चिब्मैंए केमैं 26:23

तो ताँमैं जा बिस्याँ, परमेश्‍वरजी कुल्मिंबै म्रुँ ख्रीष्‍टजी दुःख योंसि सिल् त्हुब्मुँ, धै सिसि धबै सोगों तब्मैंए न्होंर ताँन् भन्दा ओंसों खी सोगों तसि ह्रोंसए यहूदी ह्रें नेरो अरू ह्रेंमैंने या परमेश्‍वरए ह्‍वे सेल् पिंब्मुँ बिसि चमैंइ बिल।”

१ कोरिन्थी 15:45

तलेबिस्याँ परमेश्‍वरए छ्वेरै या छले प्ह्रिइमुँ, “ओंसोंबै म्‍हि आदम छ्ह मुँबै म्‍हि तइ।” लिउँइँबै आदम (अथवा येशू ख्रीष्‍ट) छ्ह पिंबै पबित्र प्ल्ह तइ।

एफिसी 5:14

छतसि “ओ न्‍हरु च्हुइरिब्‍मैं रेद्, सियाब्मैंए म्हाँजोउँइँले रेखो! झाइले ख्रीष्‍ट क्‍हिए फिर चारब्‍मुँ,” बिसि म्हिमैंइ बिम्।

कलस्सी 3:4

ङ्योलाइ छ्ह पिंब येशू ख्रीष्‍ट ग, धै खी धबै ह्‍युलर युमा क्हेमैं या खीने बालुन् म्रोंसि मान योंब्मुँ।

१ यूहन्‍ना 1:1

खोंयोंइ आखाँबै छ्ह पिंबै बचन ओंसों ओंनोंन् मुँल। खीए बारेर ङिइ थेइमुँ, ङिए मिइन खीलाइ म्रोंइमुँ, ङिए योइन छुइमुँ।

१ यूहन्‍ना 1:2

खी चु ह्‍युलर मुँमा ङिइ खीलाइ म्रोंल, छतसि खीए बारेर ङिइ ग्वाइ पिंम्। च खोंयोंइ आखाँबै छ्ह ओंसों ओंनोंन् परमेश्‍वर आबाने मुँल, धै तिंजोरो ङ्यो ङाँर म्रोंयुइ बिसि ङिइ क्हेमैंने बिम्।

१ यूहन्‍ना 5:11

परमेश्‍वरजी पिंबै ग्वाइ चुन् ग: खीजी ङ्योलाइ खोंयोंइ आखाँबै छ्ह पिंइमुँ, धै च छ्ह खीए च्‍हउँइँले ङ्योइ योंम्।

दर्शन 22:1

च लिउँइँ च स्‍वर्गदूतइ खोंयोंइ आखाँबै छ्ह पिंबै क्‍यु मुँबै स्‍यों ङलाइ उँइँइ। च स्‍यों बेल्‍ले टल्‍कदिबै तुथु धोंले वाँ-वाँ ब्योंब् मुँल। च स्‍यों परमेश्‍वर नेरो क्‍यु च्हजए राजगद्दिउँइँले त्होंसि,

दर्शन 22:16

येशूजी बिइमुँ, “क्हेमैं ङए फिर बिश्‍वास लब्‍मैंए ल्हागिर चु ताँ बिमिंबर ह्रोंसए स्‍वर्गदूत ङइ कुल्मिंइमुँ। ङ दाऊदए सन्‍तानर्बै मुल खे ग। न्‍हाँगर्बै चारबै मुसारा ङन् ग।”