यूहन्‍ना 1:3 - परमेश्‍वरए ताँ तमु क्युइर

³ तोन्दोंरि सै खीजीन् बनेइ, बनेबै तोन्दोंरि सैमैं खी बिना आबन्दि।

यूहन्‍ना 1:3 Iomraidhean Croise

उत्पत्ति 1:1

ताँन् भन्दा ओंसों परमेश्‍वरजी मु नेरो पृथ्बी बनेइ।

उत्पत्ति 1:26

धबै परमेश्‍वरजी बिइ, “तारे म्‍हि ङ्यो धोंन् तब ङ्यो धोंन् ब्योंब बनेले। चमैंइ मा ङ्युँइर्बै ताँगमैं, मुर्बै नमेंमैं, धिंर न्‍हबै खेदोमैं, क्ह्‍योंर्बै खेदोमैं नेरो सर प्रबै ताँन् सैमैं फिर क्‍ल्‍हे लरिगे।”

भजनमैं 102:25

स्योंमन् क्हिजी पृथ्बीए जग झोंमिंइ, धै मु क्हिए योजीन् बनेब् ग।

भजनमैं 33:6

याहवेहए बचनइ मु बनेइ, धै चर मुँबै तोन्दोंरि सै बनेइ।

हितोपदेश 8:30

सिपालु म्हि घ्रि धोंले ङ खीने मुँल। त्हिंइ ह्रोंसे ङ सैं तोंरिमल, खीए उँइँर ङ खोंयोंइन आनन्द तरिमल।

यूहन्‍ना 1:10

खी ह्‍युलर युल् खाँल। ह्‍युल खीजीन् बनेइ, दिलेया ह्‍युलर्बै म्हिमैंइ खीलाइ ङो आसे।

यूहन्‍ना 1:2

खी ओंसों ओंनोंन् परमेश्‍वरने बालु मुँल।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

एफिसी 3:9

धै खीए चाँजो खीजी खैले पूरा लम् बिबै ताँ म्‍हिमैंलाइ था पिंबर परमेश्‍वरजी चु शक्‍तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल।

हिब्रू 11:3

ताँन् ह्‍युल परमेश्‍वरए बचनउँइँले बनेइ, धै म्रोंल् खाँबै सैमैं म्रोंल् आखाँबै ताँउँइँले बनेइ बिसि बिश्‍वासउँइँलेन् ङ्योइ क्होल् खाँम्।

१ यूहन्‍ना 5:1

“परमेश्‍वरजी कुल्‍मिंबै म्रुँ ख्रीष्‍ट येशू ग” बिसि बिश्‍वास लबै म्हि परमेश्‍वरए प्‍हसे ग, आबालाइ म्हाँया लबै म्हिइ च्हलाज्यै सैं न्होंउँइँलेन् म्हाँया लम्।

दर्शन 3:14

“लाउडिकिया नाँसर्बै बिश्‍वासीमैंलाइ लोदा सैंदा लबै ल्हागिर चर्बै चिबए मिंर चु ताँ प्‍ह्रिद् बिसि येशूजी यूहन्‍नाने ल्हैदिइ: “भर लल् खाँब नेरो क्ह्रोंसेंन्बै ग्वाइ पिंबै येशूजी चु ताँ बिइमुँ: ङउँइँले परमेश्‍वरजी तोन्दोंरि सै बनेइमुँ, छतसि ङ आमेन ग।

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”