यूहन्‍ना 1:10 - परमेश्‍वरए ताँ तमु क्युइर

¹⁰ खी ह्‍युलर युल् खाँल। ह्‍युल खीजीन् बनेइ, दिलेया ह्‍युलर्बै म्हिमैंइ खीलाइ ङो आसे।

यूहन्‍ना 1:10 Iomraidhean Croise

उत्पत्ति 16:13

हागारइ बिइ, “क्ह्रोंसेंन ङइ परमेश्‍वर म्रोंसेया ङ सोगोंन् मुँ।” छतसि ह्रोंसने बालु ताँ लबै याहवेहलाइ चइ “ङलाइ म्रोंबै परमेश्‍वर” बिसि मिं थेंइ।

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

उत्पत्ति 18:33

छले याहवेह अब्राहामने ताँ सेल् खाँबै लिउँइँ छाइले ह्‍याइ। अब्राहाम बिस्याँ ह्रोंसए तम्बुर एखइ।

मत्ती 11:27

येशूजी धबै बिइ, “ङए आबाजी तोन्दोंरि सै ङने पिंइमुँ। परमेश्‍वर आबाजी बाहेक अरू खाबज्‍यै परमेश्‍वरए च्‍हलाइ ङो आसे। छलेन च्ह बाहेक खाबज्यै परमेश्‍वर आबालाइ ङो आसे। ‘परमेश्‍वर आबा ङो सेरिगे’ बिसि च्हजी तेंमिंब्मैंइ मत्‍त्रे परमेश्‍वर आबा ङो सेमुँ।

यूहन्‍ना 1:11

खी ह्रोंसए म्हिमैं ङाँर युइ, दिलेया ह्रोंसए म्हिमैंइ खीए फिर बिश्‍वास आल।

यूहन्‍ना 1:18

परमेश्‍वर खाबज्यै खोंयोंइ या आम्रोंइँमुँ, दिलेया परमेश्‍वरने टिबै खीए घ्रि मत्‍त्रे च्‍हजी परमेश्‍वर खैब मुँ बिसि ङ्योने उँइँमिंइँमुँ।

यूहन्‍ना 1:3

तोन्दोंरि सै खीजीन् बनेइ, बनेबै तोन्दोंरि सैमैं खी बिना आबन्दि।

यूहन्‍ना 1:5

च चारबै ह्‍वे मिछु खैबर चारमुँ, धै मिछु खैबइ च चारबै ह्‍वेए फिर खोंयोंइ ट्होल् आखाँ।

यूहन्‍ना 17:25

ओ क्ह्रोंसेंन्बै निसाफ लबै आबा, ह्‍युलर्बै म्हिमैंइ क्‍हिलाइ ङो आसे। दिलेया ङइ क्‍हिलाइ ङो सेइमुँ। झाइले क्‍हिजी ङ कुल्‍मिंब् ग बिसि चुमैंइ सेइमुँ।

यूहन्‍ना 5:17

दिलेया येशूजी चमैंने बिइ, “ङए आबाजी तोगो समा के लरिइमुँ। छतसि ङज्यै या के लरिइमुँ।”

चेला चिब्मैंए केमैं 14:17

दिलेया खीजी क्हेमैंए फिर ल्हयो खसि स्वर्गउँइँले नाँ कुलसि रा-रोमैं रोबै त्हेर क्हेमैं चल् योंरिगे बिसि ल्हें रोमैं रोमिंइ धै क्हेमैं सैं तोंल् पिंइ। छाबै के लसि क्हेमैंए उँइँर परमेश्‍वरजी खीए ग्वाइ पिंइँमुँ।”

१ कोरिन्थी 1:21

तलेबिस्याँ परमेश्‍वरए बुद्धिउँइँलेन् म्‍हिमैंइ ह्रोंसने बुद्धि मुँब् धों ङ्हाँलेया चमैंइ खेंमैंए “बुद्धिउँइँले” खीलाइ ङो सेल् आखाँ। छतसि ङ्योइ बिप्रबै सैं तोंबै ताँउँइँलेन् खीजी ह्रोंसए फिर बिश्‍वास लब्‍मैंलाइ जोगेबै चाँजो लइ।

१ कोरिन्थी 2:8

चु ह्‍युलर ग्याल्स लब्मैंइ चु ताँ आक्होल। चमैंइ चु ताँ क्होस्याँ ताँन् भन्दा थेबै प्रभुलाइ क्रूसर आच्योवामल।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

कलस्सी 1:16

तलेबिस्याँ ख्रीष्‍टउँइँलेन् परमेश्‍वरजी स्‍वर्ग नेरो पृथ्‍बीर्बै ताँन् सैमैं बनेइ। म्रोंल् खाँबै सैमैं, म्रोंल् आखाँबै सैमैं, ताँन् शक्‍ति मुँबै सैमैं परमेश्‍वरजी ख्रीष्‍टउँइँलेन् ख्रीष्‍टए ल्हागिर्न बनेइ।

हिब्रू 11:3

ताँन् ह्‍युल परमेश्‍वरए बचनउँइँले बनेइ, धै म्रोंल् खाँबै सैमैं म्रोंल् आखाँबै ताँउँइँले बनेइ बिसि बिश्‍वासउँइँलेन् ङ्योइ क्होल् खाँम्।

१ यूहन्‍ना 3:1

मैंन्दि, परमेश्‍वर आबाजी ङ्योलाइ कति थेबै म्हाँया लइमुँ। च्‍हौ थेबै म्हाँया लसि खीजी ङ्योलाइ “ह्रोंसए प्‍हसेमैं” बिइमुँ। क्ह्रोंसेंन ङ्यो परमेश्‍वरए प्‍हसेमैं तइमुँ। चु ह्‍युलर्बै म्‍हिमैंइ परमेश्‍वरलाइ ङो आसेइमुँ, छतसि ङ्योलाइ “परमेश्‍वरए प्‍हसेमैं ग,” बिसि आसे।