प्रस्थान 6:2 - परमेश्‍वरए ताँ तमु क्युइर

² झाइले परमेश्‍वरजी मोशाने धबै बिइ, “ङ याहवेह ग!

प्रस्थान 6:2 Iomraidhean Croise

उत्पत्ति 15:7

खीजी धबै चने बिइ, “चु ह्‍युल क्हिलाइ पिंबर कल्दिमैंए ऊरउँइँले क्हि पखबै याहवेह ङन् ग।”

प्रस्थान 12:12

“च म्हुँइँसर ङ मिश्र तसि ह्‍याब्मुँ, धै मिश्रर्बै म्हि नेरो खेदोए ओंसों फिब्मैं सैवाब्मुँ, धै मिश्रर्बै ताँन् देवतामैंए बिरोधर ङइ निसाफ लब्मुँ। तलेबिस्याँ ङ याहवेह ग।

प्रस्थान 14:18

फारो, चए रथमैं नेरो चए गोडा क्रेब्मैंलाइ ङइ ट्होवामा मिश्रीमैंइ ङन् याहवेह ग बिबै ताँ सेब्मुँ।”

प्रस्थान 15:3

याहवेहन् ल्हडेंर नेमुँ, खीए मिं याहवेह ग।

प्रस्थान 17:1

ताँन् इस्राएलीमैं सिनए क्यु आयोंबै क्ल्ह्‍योउँइँले याहवेहजी बिब् धोंलेन् क्ल्ह्‍यो-क्ल्ह्‍योर ह्‍यासि रपिदिम बिबै क्ल्ह्‍योर ब्यारेक लइ। चर चमैंइ प्ह्रों बनेइ, दिलेया चर म्हिमैंए ल्हागिर थुँबै क्यु आरेल।

प्रस्थान 20:2

“ङ याहवेह क्हेमैंए परमेश्‍वर ग, क्हेमैं केब्छैंमैं तसि टिबै मिश्र ह्‍युलउँइँले ङइन तेसि पखइ।

प्रस्थान 3:14

छबिमा परमेश्‍वरजी मोशाने बिइ, “ङ ग, च ङन् ग।” धबै खीजी बिइ, “इस्राएलीमैंने क्हिइ छ बिद्, ‘ङ ग’ बिबजी क्हेमैं ङाँर ङ कुलब् ग।”

प्रस्थान 3:15

परमेश्‍व‍रजी मोशाने चु ताँ या बिइ, “इस्राएलीमैंने बिद्, ‘याहवेह, क्हेमैंए खेमैं माँमैंए परमेश्‍वर अथवा अब्राहाम, इसहाक नेरो याकूबए परमेश्‍वरजी ङ क्हेमैं ङाँर कुलब् ग।’ ङए मिं खोंयोंन् बिलै याहवेह (अथवा ङ ङन् ग) बिब् तरिब्मुँ, धै ताँन् पुस्ता समा ङए मिंन् छले मैंरिगे।”

प्रस्थान 6:29

“ङ याहवेह ग। ङइ क्हिने तो-तो ताँ बिबर ल्हैदिइमुँ, च ताँन् मिश्रर्बै फारो म्रुँने बिद्,” बिइ।

प्रस्थान 6:6

“छतसि ‘ङ याहवेह ग’ बिसि इस्राएलीमैंने बिद्। ‘ङइ क्हेमैंलाइ मिश्रीमैंइ पिंबै दुःखउँइँले फ्रेमिंब्मुँ, धै चमैंए केब्छैं तसि टिल् त्हुबइले तेइ पखब्मुँ। ङए भों मुँबै यो रेसि चमैंए फिर ङ्हिंन् ङ्हाँबै दुःख पिंसि क्हेमैंलाइ जोगेमिंब्मुँ।

प्रस्थान 6:8

धै ङइ अब्राहाम, इसहाक नेरो याकूबने बाछा फैसि पिंम् बिबै ह्‍युलर क्हेमैंलाइ पखब्मुँ, धै च ह्‍युल क्हेमैंलाइ क्ल्हे तबर पिंब्मुँ। ङन् याहवेह ग।’ बिसि चमैंलाइ बिद्।”