प्रस्थान 4:1 - परमेश्‍वरए ताँ तमु क्युइर

¹ मोशाइ बिइ, “खनिज्यै चमैंइ ङलाइ आक्वेंसि ङए ताँ आथेल्‍ले ‘याहवेह क्हि ङाँर म्रोंयुब आङिं,’ बिइ बिस्याँ तो लब?”

प्रस्थान 4:1 Iomraidhean Croise

प्रस्थान 2:14

छबिमा चइ बिइ, “क्हि ङिए क्रथे नेरो निसाफ लबै म्हि खाबइ लमिंइ? च मिश्रीने सैब् धोंले ङलाज्यै या सैल् म्हैल् वा?” छबिमा मोशाइ सैं न्हों-न्हों ङ्हिंसि बिइ, “क्ह्रोंसेंन चु ताँ खन्तोंदोंन् थेबर होंना।”

प्रस्थान 3:15

परमेश्‍व‍रजी मोशाने चु ताँ या बिइ, “इस्राएलीमैंने बिद्, ‘याहवेह, क्हेमैंए खेमैं माँमैंए परमेश्‍वर अथवा अब्राहाम, इसहाक नेरो याकूबए परमेश्‍वरजी ङ क्हेमैं ङाँर कुलब् ग।’ ङए मिं खोंयोंन् बिलै याहवेह (अथवा ङ ङन् ग) बिब् तरिब्मुँ, धै ताँन् पुस्ता समा ङए मिंन् छले मैंरिगे।”

प्रस्थान 3:16

“छतसि ह्‍याद्। ह्‍यासि इस्राएलर्बै चिबनाँबमैं खागु लसि चमैंने बिद्, ‘याहवेह, क्हेमैंए खेमैं माँमैंए परमेश्‍वर, अब्राहाम, इसहाक नेरो याकूबए परमेश्‍वर, ङ ङाँर म्रोंयुसि बिइ: ङइ क्हेमैं ङ्‍ह्‍योब-च्योब लइमुँ धै मिश्रर क्हेमैंइ योंबै दुःख ङइ म्रोंइमुँ।

प्रस्थान 3:18

“इस्राएलर्बै चिबनाँबमैंइ क्हिए ताँ थेब्मुँ, धै क्हि नेरो चिबनाँबमैं मिश्रर्बै म्रुँ ङाँर ह्‍यासि क्हेमैंइ चने छ बिद्, ‘हिब्रूमैंए याहवेह परमेश्‍वरजी ङिने त्होइमुँ। छतसि तारे ङि क्हिने बिन्ति लमुँ, ङिए याहवेह परमेश्‍वरए ल्हागिर क्यु आयोंबै क्ल्ह्‍योर ख्रो पिंबर सोंरोबै घ्याँर ङि ह्‍याल् पिंन्।’

प्रस्थान 4:10

दिलेया मोशाइ याहवेहने बिइ, “प्रभु, ङ छेनाले पोंबै म्हि आङिं। ओंसों या पोंल् आह्रबन् मुँल, तोगो क्हि पोंबै लिउँज्यै या पोंल् आह्रबन् मुँ, तलेबिस्याँ ङ क्हुदिसि पोंबर क्हैइमुँ।”

प्रस्थान 4:30

झाइले परमेश्‍वरजी मोशाने बिबै ताँन् ताँमैं हारूनइ चमैंने बिइ। धै मोशाइ इस्राएलीमैंए उँइँर औदिबै केमैं लसि उँइँइ।

प्रस्थान 4:31

छले उँइँमा हारूनइ बिबै ताँ म्हिमैंइ क्वेंइ। धै याहवेहजी इस्राएलीमैंए न्हुँ लमना धै चमैंए दुःख या म्रोंइमुँ बिसि चमैंइ थेमा चमैंइ क्र कुरसि याहवेहलाइ फ्योसि खीए मिं क्वेइ।

प्रस्थान 6:12

छबिमा मोशाइ याहवेहने बिइ, “इस्राएलीमैंइ ङए ताँ आथे! ङ पोंलै आह्रबै म्हि ग, ङए ताँ फारोइ झन् खैले थेम् रो?”

प्रस्थान 6:30

दिलेया मोशाइ याहवेहने बिइ, “ङ पोंलै आह्रबै म्हिए ताँ फारोइ खैले थेलै रो?”

चेला चिब्मैंए केमैं 7:25

‘परमेश्‍वरजी ङए योउँइँले चमैं जोगेमिंब्मुँ बिब ङए म्हिमैंइ क्होब्मुँ’ बिसि चए सैंर मैंल। दिलेया चमैंइ च ताँ आक्हो।