प्रस्थान 2:3 - परमेश्‍वरए ताँ तमु क्युइर

³ झाइले च कोलो अझै लोल् आखाँबइले च कोलोए ल्हागिर कूशए टोक्रि घ्रि पखसि चलाइ तारपिन नेरो अलकत्राइ स्यालइ। धै कोलो टोक्रि न्होंर थेंसि चइ नील स्योंए रेर काँसए घारिर थेंमिंइ।

प्रस्थान 2:3 Iomraidhean Croise

उत्पत्ति 11:3

चमैंइ खेंमैंए न्होंर “ल्हु, ङ्योइ इँट बनेसि ख्रोंले।” बिसि चमैंइ युँमाए क्ल्ह्‍योरि इँट नेरो सए क्ह्‍लोरि अलकत्रा ओलेइ।

उत्पत्ति 14:10

सिद्दिमए ब्याँसिर अलकत्रइ प्लिंरिबै होंल्दोंमैं मुँल। कदोर्लाओमेर म्रुँइ ट्होमा सदोम नेरो गमोराए म्रुँमैं नेबै क्ल्ह्‍योउँइँले भौदिमा चमैंए को-कोइ म्हिमैं च होंल्दोंजरे पायाइ। दिलेया अरू म्रुँमैं सों कोंउँइँ भौदिइ।

उत्पत्ति 6:14

छतसि क्हिइ गोपेर बिबै सिंए क्यु झाज घ्रि बनेद्। झाजर कोठा-कोठा लसि च न्‍होंर नेरो फिर अलकत्राइ स्‍यालद्।

प्रस्थान 1:22

छतमा फारो म्रुँइ ह्रोंसए ताँन् म्हिमैंने “हिब्रूमैंला च्हमैं कति फिलेया चमैं ताँन् नील स्योंर भ्योंवाँन्, च्हमिंमैं बिस्याँ सोगोंन् थेंन्,” बिसि ल्हैदिइ।

मत्ती 2:13

च ङ्‌ह्‍योब् लिब्मैं ह्‍याबै लिउँइँ स्‍वर्गदूत घ्रिइ योसेफने म्‍होंडर बिइ, “रेद्, कोलो नेरो खीए आमा बोसि मिश्र ह्‍युलउँइँ ह्‍याद्। ङइ च ह्‍युलउँइँले आहुइन् समा चर्न टिरिद्, तलेबिस्याँ हेरोदइ चु कोलो सैबर म्है प्रइमुँ।”

मत्ती 2:16

ङ्‌ह्‍योब् लिब्मैंइ खीने स्योर तेना बिब् सेसि हेरोद बेल्‍ले ह्रिस खइ। चइ मुसारा म्रोंबै त्हे च ङ्‌ह्‍योब् लिब्मैंने ङ्योएसि ओंसोंन् था सेल् खाँल। छतमा चमैंइ बिबै त्हे मैंसि हेरोदइ बेथलेहेम नेरो च खागुबै नाँसजरेबै ङ्हिंदि न्होंर्बै मुँयुँ कोलोमैं ताँन् सैबर ल्‍हैदिइ।

चेला चिब्मैंए केमैं 7:19

चइ ङ्योए ह्रेंमैंए फिर बेल्‍ले आछ्याँबै केमै लइ चमैंइ भर्खर फिबै ताँन् कोलोमैं सियारिगे बिसि ङ्योए खेमैंने चमैंए ओंलाँ कोलोमैं बैरु थेंबर ल्हैदिमल।