प्रस्थान 19:2 - परमेश्‍वरए ताँ तमु क्युइर

² चमैं रपिदिमउँइँले प्रसि सिनै बिबै तोइ आरेबै क्ल्‍ह्‍योर फेखसि च कोंए ओंसों इस्राएलीमैइ तम्बु टौंदिइ।

प्रस्थान 19:2 Iomraidhean Croise

प्रस्थान 17:1

ताँन् इस्राएलीमैं सिनए क्यु आयोंबै क्ल्ह्‍योउँइँले याहवेहजी बिब् धोंलेन् क्ल्ह्‍यो-क्ल्ह्‍योर ह्‍यासि रपिदिम बिबै क्ल्ह्‍योर ब्यारेक लइ। चर चमैंइ प्ह्रों बनेइ, दिलेया चर म्हिमैंए ल्हागिर थुँबै क्यु आरेल।

प्रस्थान 17:8

च लिउँइँ रपिदिम बिबै क्ल्ह्‍योर अमालेकीमैं खसि इस्राएलीमैंए फिर ह्‍वानेइ।

प्रस्थान 18:5

मोशाए च्हमैं नेरो प्ह्रेंस्यो पसि मोशाए क्यें यित्रो परमेश्‍वरए कों ङाँर मोशा टिबै क्यु आयोंबै क्ल्ह्‍योर खइ।

प्रस्थान 3:1

मोशाइ ह्रोंसए क्यें मिद्यानर्बै खेगि यित्रोए र-क्युमैं छरिल। छले छरिमा क्यु आयोंबै क्ल्ह्‍योए क्योंजा परमेश्‍वरए कों होरेब बिबै क्ल्ह्‍यो समन् चइ र-क्युमैं छदै बोइ।

प्रस्थान 3:12

छबिमा परमेश्‍वरजी धबै बिइ, “ङ क्हिने बालु तब्मुँ। ङइ क्हिलाइ कुलब् ग बिबै चिनु चु तब्मुँ: क्हिइ च म्हिमैं मिश्रउँइँले तेइ पखमा क्हेमैंइ चु कोंर ङए सेवा लब्मुँ।”

चेला चिब्मैंए केमैं 7:30

“प्लिच्यु बर्ष तबै लिउँइँ सिनै बिबै कोंर्बै क्यु आयोंबै क्ल्ह्‍योर लुँरिबै मिए राबार स्वर्गदूत घ्रि च ङाँर म्रोंयुइ।

चेला चिब्मैंए केमैं 7:38

इस्राएलीमैं क्यु आयोंबै क्ल्ह्‍योर सिनै कोंर खागु तमा मोशा स्वर्गदूतने मुँल। च स्वर्गदूतइ ङ्योए खेमैंने सिनै कोंर पोंल। स्वर्गदूतउँइँले योंबै सोगों लमिंबै ताँमैं मोशाइ ङ्यो इस्राएलीमैंलाइ लोमिंल।

गलाती 4:24

चु च्हमिरि ङ्हिंउँइँले ङ्योइ छले क्होल् खाँम्: च च्हमिरि ङ्हिंए मतलब बाछा ङ्हिं ग। हागार बिबै केब्स्‍योए मतलब सिनै बिबै कोंउँइँले युबै बाछा ग। च केब्स्‍योइ केब्छैं तल् त्हुबै प्‍हसेमैं फिल।