प्रस्थान 18:3 - परमेश्‍वरए ताँ तमु क्युइर

³ नेरो चए च्ह ङ्हिं मोशा ङाँर पखइ। (च्ह घ्रिए मिं गेर्शोम मुँल, तलेबिस्याँ च फिबै त्हेर मोशाइ, “ङ आगुए ह्‍युलर टिबै म्हि तइमुँ,” बिल। छतसि च्हए मिं चइ गेर्शोम थेंइ।

प्रस्थान 18:3 Iomraidhean Croise

भजनमैं 39:12

“ओ याहवेह, ङए प्राथना थेमिंनु, ङइ क्हिने ग्वार ह्रिमा क्हिजी थेमिंनु; ङ क्रोदै ग्वार ह्रिमा ङलाइ ल्होमिंन्! तलेबिस्याँ ङए खेमैं धोंलेन् ङ आगुए ह्‍युलर्बै म्हि ग, स्याँ म्हि मुँलेया ङ क्हिनेन् टिम्।

प्रस्थान 2:22

सिप्पोराइ च्ह घ्रि फिइ, धै मोशाइ बिइ, “चु ह्‍युलर ङ टिल् योंसेरो ङइ चु च्हए मिं गेर्शोम थेंइमुँ।”

प्रस्थान 4:20

छतसि मोशा ह्रोंसए प्ह्रेंस्यो नेरो च्हमैं गदार क्रेमिंसि परमेश्‍वरजी छेद् बिबै प्हरे योर किंसि मिश्रर एह्‍याइ।

चेला चिब्मैंए केमैं 7:29

चए ताँ थेसि मोशा भौदिसि मिद्यान ह्‍युलर ह्‍यासि टिइ। चर्न चए च्ह ङ्हिं योंइ।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

१ पत्रुस 2:11

ओ ङए खोबै थुमैं, ङ क्हेमैंने यो छ्युँ लमुँ, क्‍हेमैंइ चु ह्‍युलर ङम् तिस्याबै प्ह्रें धों तब् मत्‍त्रे ग बिब् सेसि आछ्याँबै इच्‍छाउँइँले स्‍यो तद्, तलेबिस्याँ छाबै इच्‍छाजगोइ क्‍हेमैंए सैंलाइ न्होंवाम्।