प्रस्थान 17:2 - परमेश्‍वरए ताँ तमु क्युइर

² छतमा चमैंइ मोशाने ह्रिस खसि बिइ, “ङिलाइ थुँबै क्यु पिंन्।” छबिमा मोशाइ चमैंने बिइ, “क्हेमैं तले ङने ह्रिस खमुँ? क्हेमैं तले याहवेहए जाँच लमुँ?”

प्रस्थान 17:2 Iomraidhean Croise

भजनमैं 106:13

दिलेया खीजी लबै केमैं चमैंइ युनन् म्‍लेयाइ; धै खीजी तो बिब् ङ्‍हे बिसि चमैंइ थेबर आपैं।

भजनमैं 106:14

तोइ आकेबै क्‍ल्‍ह्‍योर चमैंइ मिश्रर्बै लिंब-लिंबै चबै सै मैंसि बेल्‍ले चदा ङ्हाँइ, धै चमैंइ क्यु आयोंबै क्ल्ह्‍योर परमेश्‍वरए जाँच लइ।

भजनमैं 78:18

ह्रोंसए सैंर मैंब् धोंले चबै सै ह्रिसि चमैंइ सेन-सेन् परमेश्‍वरए जाँच लइ।

भजनमैं 78:41

चमैंइ घरिघरि खीए जाँच लइ, धै इस्राएलए बेल्‍ले थेबै परमेश्‍वरलाइ चमैंइ ह्रिस खल् लइ।

भजनमैं 78:56

दिलेया चमैंइ परमेश्‍वरए जाँच लइ, धै ताँन् भन्दा थेबै परमेश्‍वरए बिरोध लसि खीलाइ ह्रिस खल् लइ, धै खीजी बिबै ताँमैं आङिंल।

भजनमैं 95:8

याहवेहजी छले बिमुँ, “क्हेमैंए खेमैंइ मेरीबा नेरो क्यु आयोंबै क्‍ल्‍ह्‍योर्बै मस्साहर लब् धोंले ह्रोंसए सैं सारो आलद्।

भजनमैं 95:9

चर ङइ लबै केमैं क्हेमैंए खेमैंइ म्रोंसे या चमैंइ ङए जाँच लइ।

प्रस्थान 15:24

छतसि म्हिमैंइ “ङि तो थुँब?” बिसि मोशाने गनगन लबर होंइ।

प्रस्थान 16:8

धबै मोशाइ बिइ, “याहवेहजी क्हेमैंलाइ ङेसर चबर से नेरो न्हाँगर म्रेंनाले क्हें पिंब्मुँ, तलेबिस्याँ क्हेमैंइ खीए बिरोधर गनगन लब खीजी थेइमुँ। ङि खाब् रो? क्हेमैंए चु गनगन ङिए बिरोधर आङिं, याहवेहए बिरोधर तइमुँ।”

प्रस्थान 17:7

याहवेह ङ्योए म्हाँजोर मुँ उ आरे बिसि इस्राएलीमैंइ आक्वेंसि प्होंगि कैगि लसि याहवेहए जाँच लइ, छतसि च क्ल्ह्‍योए मिं मोशाइ मस्साह नेरो मेरीबा थेंइ।

प्रस्थान 5:21

झाइले चमैंइ बिइ, “क्हेमैंइ तो तो लइमुँ? याहवेहजी म्रोंसि क्हेमैंए निसाफ लरिगे, तलेबिस्याँ क्हेमैंइ फारो नेरो चए के लबै चिब्मैंइ ङिलाइ आखोब्मैं लमिंइमुँ। छतसि ङिलाइ सैबर क्हेमैइ चमैंए योर सेलाँ पिंइमुँ।”

मत्ती 4:7

येशूजी चने “‘क्‍हिइ याहवेह ह्रोंसए परमेश्‍वरए जाँच आलद्!’ बिसि छ्वेर प्‍ह्रिइमुँ,” बिइ।

लूका 15:12

च्‍ह च्‍योंबइ आबाने बिइ, ‘आबा, ङए अँश कति योंमुँ, च तोगोन् ङलाइ पिंन्।’ च्हइ छबिमा आबाइ ह्रोंसए सै न्होर च्‍ह ङ्हिं चुमिंइ।

लूका 4:12

दिलेया येशूजी चने बिइ, “‘क्‍हिइ ह्रोंसए याहवेह परमेश्‍वरए जाँच आलद्,’ बिसि परमेश्‍‍वरए छ्वेर प्ह्रिइमुँ।”

चेला चिब्मैंए केमैं 15:10

छतसि नोलै आखाँबै खर्गु चेलामैंए प्हैंदार थेंमिंसि तले परमेश्‍वरए जाँच लमुँ? चु खर्गु ङ्योए खेमैंज्यै नोल् आखाँल, ङ्योज्यै या नोल् आखाँइमुँ।

चेला चिब्मैंए केमैं 5:9

छबिमा पत्रुसइ चने बिइ, “प्रभुए प्ल्हए जाँच लबर क्‍हेमैं ङ्हिंना-ङ्हिंन् क्ह्रिसि खैले मत लल? ङ्‍ह्‍योद्! क्हिए प्युँ पाब्मैं म्रार्न मुँ। चमैंइ क्हि या बैरु बोयाब्मुँ।”

१ कोरिन्थी 10:9

झाइले चमैं न्‍होंरि को-कोइ प्रभुए जाँच लब् धोंले ङ्योइ प्रभुए जाँच लल् आत। प्रभुए जाँच लबइले चमैंलाइ प्‍हुरिइ नास लवाइ।

हिब्रू 3:9

च क्ल्ह्‍योर प्लिच्यु बर्ष समा क्हेमैंए खेमैंइ ङइ लबै केमैं म्रोंसेया ङए सैं फो किंबै के लइ।