प्रस्थान 16:4 - परमेश्‍वरए ताँ तमु क्युइर

⁴ छबिमा याहवेहजी मोशाने बिइ, “क्हेमैंए ल्हागिर ङइ स्वर्गउँइँले क्हें कुल्मिंब्मुँ। म्हिमैं त्हिंइ ह्रोंसे बैरु ह्‍यासि तिगैंर्बै छो योल्‍ले मत्‍त्रे खुरिगे। ङइ बिबै ताँ चमैंइ ङिमना उ आङिंमना बिसि ङइ जाँच लब्मुँ।

प्रस्थान 16:4 Iomraidhean Croise

भजनमैं 105:40

चमैंइ चबै सै ह्रिमा खीजी बट्टाइ नमेमैं पिंइ धै मुर्बै क्हें चमैंलाइ म्रेंन्ले पिंइ।

भजनमैं 78:23

दिलेया “चबै सै कुलद्” बिसि मुने बिमा खीजी मुर्बै म्रामैं थोंमिंइ,

प्रस्थान 15:25

छतमा मोशाइ याहवेह परमेश्‍वरने प्राथना लमा याहवेहजी चने सिंए म्हुँडा घ्रि उँइँमिंइ, धै चइ सिंए म्हुँडा क्युर झोंमा क्यु लिंब तइ। याहवेहजी च क्ल्ह्‍योर्न चमैंए छ्ह थोबै ल्हागिर ठिममैं पिंसि चर्न खीजी चमैंए जाँच लइ।

प्रस्थान 16:15

इस्राएलीमैंइ च म्रोंसि खेंमैंए न्होंरि “चु सै तो जा?” बिबर होंइ, तलेबिस्याँ चमैंइ च सै तो जा बिसि आसेल। छतमा मोशाइ चमैंने बिइ, “चु याहवेहजी क्हेमैंए ल्हागिर पिंबै क्हें ग।

हितोपदेश 30:8

स्योर तेब नेरो लुबै ताँमैं ङउँइँले ह्रेंगो थेंमिंन्; धै ङ ङ्हाँदु आलमिंन्, प्लबै या आलमिंन्; दिलेया ङए ल्हागिर चैदिबै चबै सै पिंन्।

मत्ती 6:11

ङिलाइ तिंयाँ त्हिंइ ह्रोंसेबै चबै सै पिंनु।

लूका 11:3

ङिए त्हिंइ ह्रोंसेबै चबै सै तिंयाँ ङि पिंनुँ।

१ कोरिन्थी 10:3

चमैं ताँनइ पबित्र प्ल्हउँइँले योंबै चबै सै चइ।