प्रस्थान 13:9 - परमेश्‍वरए ताँ तमु क्युइर

⁹ याहवेहजी ह्रोंसए शक्‍तिए योजी मिश्रउँइँले क्हेमैं तेइ पखब् ग। छतसि याहवेहजी पिंबै ठिमर्बै ताँमैं क्हेमैंए सुँर तरिगे बिसि क्हेमैंए ल्हागिर योर नेरो ङ्‍होए ओंसों क्हेमैंलाइ मैंल् लमिंबै चिनु तब्मुँ।

प्रस्थान 13:9 Iomraidhean Croise

भजनमैं 136:11

खीजी इस्राएलीमैंलाइ मिश्र ह्‍युलउँइँले तेसि पखइ। खीए म्हाँया खोंयोंन् बिलै तरिम्।

भजनमैं 136:12

खीए भोंबै यो नेरो पाखरइ चमैं तेसि पखइ। खीए म्हाँया खोंयोंन् बिलै तरिम्।

भजनमैं 89:13

क्हिए पाख्रर बेल्‍ले शक्ति मुँ; क्हिए यो भोंब मुँ, क्हिए क्योलो यो नुब मुँ।

प्रस्थान 12:14

च चाड क्हेमैंए ल्हागिर म्‍लेसे म्‍लेल् आखाँबै त्हिंइ तब्मुँ, क्हेमैंइ च त्हिंइ याहवेहए ल्हागिर चाड म्हाँदिब्मुँ। क्हेमैंइ चु चाड पुस्ता पुस्ता समा लिउँज्यै या खोंयोंन् बिलै म्हाँदिब्रें लद्।

प्रस्थान 12:41

प्लिब्रासे सोंच्यु बर्ष तबै त्हिंइर्न याहवेहए ताँन् म्हिमैं मिश्रउँइँले त्होंइ।

प्रस्थान 13:14

प्हँना लिउँइँ क्हेमैंए च्हमैंइ तले छ लब् जा बिसि क्हेमैंने ङ्योए बिस्याँ, च त्हेर क्हेमैंइ चमैंने छले बिद्, ‘याहवेहजी ङिलाइ केब्छैं तसि टिल् त्हुबै मिश्र ह्‍युलउँइँले ह्रोंसए शक्‍तिए योजी तेइ पखमिंइ।

प्रस्थान 13:16

चु याहवेहजी ङिलाइ ह्रोंसए शक्‍तोए योजी मिश्रउँइँले तेइ पखमिंइ बिसि क्हेमैंए ल्हागिर योर मुँबै चिनु, नेरो ङ्‍होर मुँबै चिनु घ्रि तब्मुँ।’”

प्रस्थान 13:3

झाइले मोशाइ म्हिमैंने बिइ, “क्हेमैं केब्छैं तसि टिबै मिश्र ह्‍युलउँइँले त्होंइ खबै चु त्हिंइ क्हेमैंइ मैंथेंन्, तलेबिस्याँ याहवेहजी ह्रोंसए योए शक्‍तिजी क्हेमैं च क्ल्ह्‍योउँइँले तेइ पखइ। च त्हिंइर प्लेढा झोंबै क्हें आचद्।

प्रस्थान 3:20

छतसि ङ चमैंए म्हाँजोर ङए यो क्वेसि औदिबै केमैंउँइँले मिश्रीमैंए फिर ल्हिब्मुँ। च लिउँइँ च म्रुँइ क्हेमैंलाइ ह्‍याल् पिंब्मुँ।

प्रस्थान 7:4

दिलेया फारोइ क्हेमैंए ताँ थेरिब् आरे। छतमा ङइ ङए शक्‍ति मिश्र ह्‍युलर उँइँब्मुँ। धै छेनाले निसाफ लसि ङए म्हिमैं मिश्रउँइँले तेइ पखब्मुँ।

हितोपदेश 1:9

तलेबिस्याँ च ताँमैं क्हिए क्रर ङ्‍हेंबै क्रेगि नेरो मान लइरि कुर खिमिंबै माला धों तब् ग।

हितोपदेश 3:21

ओ ङए च्ह, छ्याँबै बुद्धि नेरो च्हैंब-म्हैबै ताँ जोगेसि थेंन् क्हिउँइँले च ह्रेंगो ह्‍‍याल् आपिंन्।

हितोपदेश 7:23

च म्हि युन्ले च च्हमिरिए लिलि ह्‍याइ। धै नमें युन्ले ङोउँइँ ह्‍याब् धोंले च म्हिइ ह्रोंस नास लम् बिबै ताँ चइ आसे।

मत्ती 23:5

दिलेया चमैंइ ह्रोंसइ लबै केमैं म्हिमैंइ म्रोंरिगे बिसि उँइँम्। ङि धर्मि ग बिसि उँइँबै ल्हागिर चमैंइ ठिमर्बै ताँमैं थेंबै बट्टामैं थे-थेब लसि ङ्‍हो नेरो यो पाख्रार खिम्, छलेन ह्रोंसइ खिबै क्‍वेंर ह्रिंग्यो ह्रिंग्यो झुम्कामैं च्योसि खिम्।

रोमी 10:8

बरु ठिमए ताँ चु ग, “परमेश्‍वरए ताँ क्‍हेमैंए ङाँर्न मुँ। क्‍हेमैंए सुँ नेरो सैं न्‍होंर्न मुँ।” ङिइ म्हिमैंने बिमिंबै ताँ: येशूए फिर बिश्‍वास लद् बिबै सैं तोंबै ताँ ग।

दर्शन 18:8

दिलेया चए फिर तिगेंर्न ल्हें दु:खमैं खसि, रोग, शोक नेरो अँङ्गल् तब्‍मुँ। झाइले चलाइ मिर ख्रोंवाब्‍मुँ, तलेबिस्याँ चए निसाफ लबै याहवेह परमेश्‍वर थेबै शक्‍ति मुँबै परमेश्‍वर ग।