प्रस्थान 11:5 - परमेश्‍वरए ताँ तमु क्युइर

⁵ ‘राजगद्दिर टिबै फारोए च्ह थेबउँइँले किंसि ह्रेंदो प्ह्रोबै केब्स्योए च्ह थेब, खेदोमैंए ओंसों फिबै प्हसेमैं नेरो मिश्रर्बै च्ह थेब समा ताँन् सिब्मुँ। धबै खेदोमैंए ओंसों फिब्मैं या ताँन् सिब्मुँ

प्रस्थान 11:5 Iomraidhean Croise

भजनमैं 105:36

झाइले खीजी चमैंए ह्‍युलर्बै च्ह थेब नास लवाइ, चमैंए ओंसों फिबै च्हमैं सैवाइ।

भजनमैं 135:8

स्योंम खीजी मिश्रीमैंए ओंसों फिबै च्हमैं, नेरो ओंसों फिबै खेदोमैं सैवाइ।

भजनमैं 136:10

खीजी मिश्र ह्‍युलर्बै च्ह थेब ताँन् सैवाइ। खीए म्हाँया खोंयोंन् बिलै तरिम्।

भजनमैं 78:51

खीजी मिश्र ह्‍युलर्बै च्ह थेब्मैं ताँन् सैवाइ, हाम बिबै ह्रेंर्बै ठागुमैं या सैवाइ।

प्रस्थान 12:12

“च म्हुँइँसर ङ मिश्र तसि ह्‍याब्मुँ, धै मिश्रर्बै म्हि नेरो खेदोए ओंसों फिब्मैं सैवाब्मुँ, धै मिश्रर्बै ताँन् देवतामैंए बिरोधर ङइ निसाफ लब्मुँ। तलेबिस्याँ ङ याहवेह ग।

प्रस्थान 12:29

झाइले राजगद्दिर टिबै फारोए च्ह थेबउँइँले किंसि झेलर मुँब्मैंए च्ह थेब, खेदोमैंए ओंसो फिब नेरो मिश्रर्बै च्ह थेब्मैं ताँन् याहवेहजी च म्हुँइँस आधार सैवाइ।

प्रस्थान 13:15

च त्हेर फारोइ सैं सारो लसि ङिलाइ ह्‍याल् आपिं, छतमा याहवेहजी मिश्रर ताँन् म्हि नेरो खेदोए ओंसों फिब्मैं सैवाइ। छतसि ओंसों फिबै त्होबामैं याहवेहए ल्हागिर ख्रो पिंमुँ, धै ङए च्हमैं न्होंर्बै च्ह थेबलाइ या ख्रो पिंसि खाम्।

प्रस्थान 4:23

चइ ङए सेवा लबर ङए च्ह ह्‍याल् पिंन् बिसि ङइ क्हिने बिइ, दिलेया क्हिइ चलाइ ह्‍याल् आपिं। छतसि ङइ क्हिए च्ह थेब सैवाब्मुँ।’”

मत्ती 24:41

ह्रेंदो प्‍ह्रोरिबै च्हमिरिमैं ङ्हिंरि घ्रि चर्न वाथेंब्मुँ घ्रि बोब्‍मुँ।

हिब्रू 11:28

काल पखबै स्‍वर्गदूतइ इस्राएलर्बै म्‍हिमैंए च्‍ह थेबालाइ आस्‍यारिगे बिसि मोशाइ बिश्‍वासउँइँलेन् दुःखने फ्रेबै चाडए रोस म्हाँदिइ। चइ इस्राएलर्बै म्‍हिमैंने क्‍युए ख्रो पिंसि चए को म्रार प्राबर ल्हैदिइ।