प्रस्थान 11:4 - परमेश्‍वरए ताँ तमु क्युइर

⁴ छतसि मोशाइ फारोने बिइ, “‘म्हुँइँस आधाजरे ङ मिश्रए म्हाँजोउँइँले तसि ह्‍याब्मुँ’ बिसि याहवेहजी बिइमुँ।

प्रस्थान 11:4 Iomraidhean Croise

भजनमैं 60:10

ओ परमेश्‍वर, क्हिजीन् ङिलाइ पिवाइ, आङिं वा? तारे ङिए सिपाइमैंने बालु आह्‍या वा?

भजनमैं 81:5

खी मिश्र ह्‍युलए बिरोधर रेमा योसेफए ह्रेंए ल्हागिर खीजी निसाफ घ्रि बिथेंइ। च क्‍ल्‍ह्‍योर्न ङइ ङो आसेबै कै छ बिब् थेल:

प्रस्थान 12:12

“च म्हुँइँसर ङ मिश्र तसि ह्‍याब्मुँ, धै मिश्रर्बै म्हि नेरो खेदोए ओंसों फिब्मैं सैवाब्मुँ, धै मिश्रर्बै ताँन् देवतामैंए बिरोधर ङइ निसाफ लब्मुँ। तलेबिस्याँ ङ याहवेह ग।

प्रस्थान 12:23

याहवेह मिश्रीमैं ल्हिबर चमैंए ह्‍युलजरे ह्‍यामा म्रा फिर नेरो त्हो ङ्हिंर खीजी को म्रोंब्मुँ झाइले च म्रा वाथेंसि नास लबै सै क्हेमैं सैबर धिं न्होंर होंल् आपिं।

प्रस्थान 12:29

झाइले राजगद्दिर टिबै फारोए च्ह थेबउँइँले किंसि झेलर मुँब्मैंए च्ह थेब, खेदोमैंए ओंसो फिब नेरो मिश्रर्बै च्ह थेब्मैं ताँन् याहवेहजी च म्हुँइँस आधार सैवाइ।

मत्ती 25:6

“दिलेया म्‍हुँइँस आधार ‘ङ्‍ह्‍योत्ति! प्ह्रेंरो फेखबि छेइ! खीने त्‍होबर खो,’ बिबै कै थेइ।