प्रस्थान 1:12 - परमेश्‍वरए ताँ तमु क्युइर

¹² दिलेया मिश्रीमैंइ इस्राएलीमैंए फिर कति दुःख पिंलेना चमैं च ह्‍युलर ल्हें तसि प्लिंदै ह्‍याइ। छतमा मिश्रीमैं चमैंने ङ्हिंबर होंइ।

प्रस्थान 1:12 Iomraidhean Croise

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

भजनमैं 105:24

याहवेहजी ह्रोंसए इस्राएली म्हिमैं ल्हें लमिंइ; धै चमैंए शत्तुरमैं भन्दा चमैं बेल्‍ले भोंब् लमिंइ।

भजनमैं 107:38

चमैंए फिर खीजी आशिक पिंसि चमैंए सन्तान ल्हें तइ, झाइले चमैंए खेदोंमैं या खीजी च्युगुदे तल् आपिं।

प्रस्थान 1:20

छले परमेश्‍वजी सुँडेनिमैंए फिर ल्हयो खइ, धै इस्राएलीमैं ल्हें त-तै ह्‍यासि भोंब तइ।

प्रस्थान 1:7

दिलेया इस्राएलए सन्तानमैं बिस्याँ बेल्‍ले ल्हें ततै ह्‍यासि मिश्र ह्‍युल तिगोंन् चमैंइ प्लिंयाइ।

प्रस्थान 1:9

चइ ह्रोंसए म्हिमैंने बिइ, “ङ्‍ह्‍योद्, इस्राएलीमैं ङ्यो भन्दा ल्हें ततै ह्‍यासि बेल्‍ले भोंब तइमुँ।

हितोपदेश 21:30

याहवेहए बिरोधर म्हिए ज्ञान बुद्धि, चाँजोमैं नेरो खैतबै सल्‍ला केर आफे।

हितोपदेश 27:4

ह्रिस खबै म्हिने दयाम्हाँया आत; छाबै म्हि तोन्-तोर्न त्होंदो राम्; दिलेया ह्रिस लबै म्हिए ओंसों खाब राल् खमुँ?

यूहन्‍ना 12:19

छतमा फरिसीमैंइ खेंमैंए न्होंर “ङ्‍ह्‍‍योत्ति! कहेमैंइ तोइ लल् खाँरिब् आरे। म्रोंइँमुँ वा, ह्‍युलर्बै ताँन् म्हिमैं चए लिलि ल्हैदिल् खाँइ बिबर होंइ।”

रोमी 8:28

परमेश्‍वरलाइ म्हाँया लब्मैं नेरो खीए सैंर मैंब् धोंले लरिगे बिसि त्हाँब्मैंए ल्हागिर खीए पबित्र प्ल्हजी तोन्दोंरि सैर छ्याँबन् लमिंम् बिब ङ्योइ सेइमुँ।