एस्तर 7:3 - परमेश्‍वरए ताँ तमु क्युइर

³ छबिमा म्रुँस्यो एस्तरइ बिइ, “ओ म्रुँ, क्हि ङए फिर ल्हयो खम् बिस्याँ, धै ङए यो छ्युँ पिंदा ङ्हाँस्याँ, ङ नेरो ङए ह्रेंमैं जोगेमिंन्।

एस्तर 7:3 Iomraidhean Croise

एस्तर 4:8

म्रुँइ शूशनर यहूदीमैं सैल् त्हुम् बिसि प्ह्रिबै प्ह्रिछ्यार्बै ताँमैं अर्को काउदर सार्दिसि चु प्ह्रिछ्या एस्तरलाइ पिंन् बिइ, धै “ह्रोंसए ह्रेंमैं जोगेबै ल्हागिर क्हि म्रुँ ङाँर ह्‍यासि बिन्ति लद्!” बिबै ताँ या एस्तरने खैलसेया बिद् बिसि मोर्दकैइ हताक कुलइ।

एस्तर 5:8

ओ म्रुँ, ङए ताँ ङिंम् बिस्याँ, ङइ ह्रिबै सै पिंम् बिस्याँ, प्हन्हाँगै या क्हेमैंए ल्हागिर ङइ ह्‍योथेंबै चबै सैमैं चबर खमिंन्। धै च्हमन् ङए सैंर्बै ताँमैं ङइ क्हिने बिस्यो।”

एस्तर 7:7

झाइले म्रुँ ह्रिसइ मि धों तसि अँगुरए प्हा थुँरिबै क्ल्ह्‍योउँइँले रेसि दरबारए बगैंचाए बैरु ह्‍याइ। हामान बिस्याँ ह्रोंसए ज्यु जोगेबर म्रुँस्यो एस्तरने यो छ्युँ लरिइ, तलेबिस्याँ तारे म्रुँइ दण्ड पिब्मुँ बिब चइ सेल।

एस्तर 8:5

एस्तरइ धबै बिइ, “ङइ बिबै ताँ क्हिइ छ्याँब ङ्हाँस्याँ, ङए फिर ल्हयो मुँस्याँ, धै चु के क्हिइ ठिक ङ्हाँस्याँ, अगागी ह्रेंर्बै हम्मदाताए च्ह हामानइ यहूदीमैंलाइ नास लल् त्हुम् बिसि प्ह्रिबै प्ह्रिछ्यार्बै ताँमैं थोबर अर्को प्ह्रिछ्या प्ह्रिबर ल्हैदिसि क्हिए ग्याल्सर्बै ताँन् क्ल्ह्‍यो-क्ल्ह्‍योर पिमिंन्।