एस्तर 4:4 - परमेश्‍वरए ताँ तमु क्युइर

⁴ छतबै ताँ एस्तरए केब्स्योमैं नेरो हिचडमैंइ एस्तर ङाँर खसि बिमा म्रुँस्यो खैल-तोल तसि आदेइ। झाइले मोर्दकैइ नइ ह्रेंग प्लिइ भ्योंवासि छ्याँबै क्वें खिरिगे बिसि एस्तरइ चए ल्हागिर क्वेंमैं पिमिंइ, दिलेया मोर्दकैइ च क्वें खिल् आङिं।

एस्तर 4:4 Iomraidhean Croise

उत्पत्ति 37:35

चए च्ह-च्हमिमैं ताँनइ आबाए सैं क्होमिंल् म्हैइ। दिलेया आबाए सैं क्होल् आङिं। छतसि आबाइ योसेफए ल्हागिर शोक लसि “ङ शोक लसिन् ङए च्ह ङाँर क्रोंर ह्‍याम्,” बिइ।

एस्तर 1:12

दिलेया चइ खो बिसि सँउँसर कुलसेया म्रुँस्यो बश्ती आखमा म्रुँ मि धोंलेन् लुँबै ह्रिस खइ।

एस्तर 4:3

छले म्रुँइ कुलबै प्ह्रिछ्या योंबै ताँन् क्ल्ह्‍योर्बै यहूदीमैं क्रोदै न्हुँ लसि बर्त टिइ, झाइले चमैं नइ ह्रेंगा खिसि मेप्रोए फिर टिइ।

एस्तर 4:5

छतसि मोर्दकैइ खै तरिगे तो तरिगे बिसि क्होबर एस्तरइ हताक बिबै हिचड घ्रि हुइसि मोर्दकैइ ङाँर कुलइ। चु हिचड एस्तरए के लबै ल्हागिर म्रुँइ खटेबै म्हि मुँल।

भजनमैं 77:2

दुःख योंबै त्हेर ङइ प्रभु म्हैम्; ङइ आनारल्‍ले म्हुँइँस तिमिंन् ङए यो स्योंइ; परमेश्‍वरजी आल्होमिंन् समा ङ छिं आङ्हाँ।

चेला चिब्मैंए केमैं 8:27

छबिमा फिलिप रेसि ह्‍यामा इथियोपियार्बै हिचड घ्रिने त्होइ। च यरूशलेमर परमेश्‍वर म्हाँदिसि धिंउँइँ एखरिल। च इथियोपिया ह्‍युलर्बै म्रुँस्यो कन्दाकिए थेबै पदर के लब नेरो ताँन् सै न्होरए कोषाध्यक्ष मुँल।