एस्तर 1:3 - परमेश्‍वरए ताँ तमु क्युइर

³ चइ शासन लबै सोंदिर ह्रोंसए ताँन् के लब्मैंए जिम्मा नोब्मैं नेरो चर्बै चिब्मैंए ल्हागिर थेबै भत्‍तेर पिंइ। छले भत्‍तेर पिंमा चर ताँन् ह्‍युलर्बै म्रुँमैंए प्हसेमैं, फारसी नेरो मादी सेनामैं, थे-थेबै म्हिमैं नेरो ताँन् ह्‍युलर्बै चिबनाँब्मैं खइ।

एस्तर 1:3 Iomraidhean Croise

उत्पत्ति 40:20

सोंरो लिउँइँ फारो फिबै त्हिंइ मुँल। छतमा फारो म्रुँइ च त्हिंर ह्रोंसए ताँन् चिबनाँब्मैं चब्-थुँब् लबर हुइल। धै चए थुँबै सैमैं पिंब नेरो चबै सैमैं ह्‍योबै चिब्मैं या झेलउँइँले तेपखसि चमैं ङाँर राल् पिंइ।

एस्तर 1:14

फारस नेरो मादी ह्‍युलर्बै कर्शेना, शेथार, अद्‌माथा, तर्शीश, मेरेस, मर्सेना नेरो ममूकान बिबै म्हिमैं म्रुँने बालुन् मुँल। चमैं खोंयोंन् बिलै म्रुँ ङाँर ह्‍याल् योंमल धै च ग्याल्सर्बै थेबै मान योंब्मैं मुँल।

एस्तर 1:4

च त्हेर म्रुँइ ह्रोंसए दरबारर मुँबै सै न्होरमैं नेरो सै ल्हें फेब छ्याँ-छ्याँबै सैमैं प्रसे प्रेज्यु त्हिंइ (म्हैंन ट्हुल्) समा उँइँइ।

एस्तर 2:18

च लिउँइँ म्रुँइ ह्रोंसए ग्याल्सर्बै ताँन् ह्‍युलर छुट्टि लसि ह्रोंसए ग्याल्सर्बै चिबनाँब्मैं नेरो ह्रोंसए सेवा लब्मैं हुइसि एस्तरए मिंर थेबै भत्तेर पिंइ। धै ताँनलाइ सै ल्हें फेबै सैमैं पिंइ।

एस्तर 3:7

छतसि म्रुँ अहासूरसइ ग्याल्स लबै च्युसे ङ्हिं बर्षर्बै नीसान (बैसाख) बिबै ओंसोंबै म्हैनरि “यहूदीमैंलाइ खाब म्हैनर्बै खाब त्हिंइर सैब?” बिसि त्हिंइ तोक्दिबर हामानए उँइँर म्हिमैंइ म्हैन ह्रोंसे चिट्ठा झोंमल। (च चिट्ठालाइ “पूर” बिमल।) चिट्ठा लिउँइँबै अदार (चैत्र) बिबै च्युसे ङ्हिं म्हैंनर्बै च्युसे सों त्हिंइर तइ।

मर्कूस 6:21

लिउइ मत्‍त्रे हेरोदियासइ यूहन्‍ना सैबै मौका योंइ। च त्हिंइ हेरोद म्रुँ फिबै त्हिंइ मुँल। छतसि हेरोद म्रुँइ ह्रोंसए दरबारर्बै क्रथे मिंथेमैं, कप्‍तानमैं नेरो गालील ह्‍युलर्बै चिबनाँब्मैंए ल्हागिर भत्यार लइ।