एफिसी 4:6 - परमेश्‍वरए ताँ तमु क्युइर

⁶ ताँन् म्हिमैंए परमेश्‍वर आबा घ्रिन् मुँ। खीन् ताँनए प्रभु ग, खीजीन् ताँन् म्हिमैंउँइँले के लम्, खी ताँन् म्‍हिमैंए सैं न्‍होंरि मुँ।

एफिसी 4:6 Iomraidhean Croise

उत्पत्ति 14:19

“स्वर्ग नेरो पृथ्बी बनेबै ताँन् भन्दा थेबै परमेश्‍वरउँइँले अब्रामइ आशिक योंरिगे!

भजनमैं 95:3

तलेबिस्याँ याहवेह बेल्‍ले थेबै परमेश्‍वर ग, ताँन् देवतामैंए फिर्बै थेबै म्रुँ खीन् ग।

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

मत्ती 6:9

क्‍हेमैंइ प्राथना लमा छले लद्: ओ स्‍वर्गर मुँबै ङिए परमेश्‍वर आबा, क्हिए मिं पबित्र तरिगे।

यूहन्‍ना 14:23

येशूजी चने बिइ, “खाबइ ङलाइ म्हाँया लमुँ, चइ ङए ताँ ङिंमुँ, धै ङए आबाजी चलाइ म्‍हाँया लब्‍मुँ, झाइले आबा नेरो ङ च ङाँर युसि चने बालु टिब्‍मुँ।

यूहन्‍ना 17:26

क्हिजी ङने खैबै म्हाँया लइमुँ, छाबन् म्हाँया चमैंने या तरिगे, धै ङ चमैंने बालु तरिगे बिसि ङइ क्हिए मिं चुमैंलाइ सेल् पिंइमुँ, अझै सेल् पिंरिब्मुँ।”

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

रोमी 11:36

तलेबिस्याँ परमेश्‍वरजी तोन्दोंरि सै बनेइ, तोन्दोंरि सै खीउँइँलेन् खीए ल्हागिर्न ग। परमेश्‍वरए मिं खोंयोंन् बिलै थेब तरिगे। आमेन, छान् तरिगे।

१ कोरिन्थी 12:6

झाइले ल्हें खालर्बै केमैं मुँ, दिलेया च के लबर परमेश्‍वर घ्रिजीन् ताँनलाइ के लबै भों पिंम्।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

एफिसी 1:21

चर क्हुँसि ख्रीष्‍टजी ताँन् स्‍वर्गदूतमैंए फिर, स्‍वर्गदूतमैंए चिब्मैंए फिर, अधिकारिमैंए फिर नेरो स्‍यागि-म्‍होंगिमैंए चिब्मैंए फिर, तोन्‍दोंरि सैए फिर ग्याल्स लम्। चु जुगर मत्‍त्रे आङिं, तारे तबै जुगर्बै या ताँन् थे-थेबै सैमैंए फिर ख्रीष्‍टलाइ ग्याल्स लल् पिंइमुँ।

एफिसी 2:22

छले ख्रीष्‍टने घ्रिन् तबइले क्हेमैं अरू ह्रेंमैंलाज्यै या परमेश्‍वरए पबित्र प्ल्ह टिबै धिं बनेसिन् मुँ।

एफिसी 3:17

छलसि क्‍हेमैंइ प्रभु येशू ख्रीष्‍टए फिर बिश्‍वास लमा क्‍हेमैंए सैंर खी बास लरिगे। झाइले सिं धुँए जर च्योंब् धोंले क्हेमैंए म्हाँया बडिदै ह्‍यारिगे, धै जगए फिर धिं बनेब् धोंले क्हेमैंए म्हाँया भोंब् तरिगे।

एफिसी 6:23

परमेश्‍वर आबा नेरो प्रभु येशू ख्रीष्‍टजी ताँन् बिश्‍वासीमैंलाइ छिं ङ्हाँल् पिंरिगे धै खीए थेबै दयाम्हाँयाजी चमैंए बिश्‍वास भोंब् लमिंरिगे।

१ यूहन्‍ना 3:24

परमेश्‍वरजी बिब् ङिंब्मैं ताँन् परमेश्‍वरने घ्रिन् तसि टिमुँ, धै परमेश्‍वर चमैंने घ्रिन् तसि टिम्। परमेश्‍वर ङ्योने टिमुँ बिसि खैले सेइमुँ बिस्‍याँ खीजी ह्रोंसए प्ल्ह ङ्योलाइ पिंइमुँ।