एफिसी 4:11 - परमेश्‍वरए ताँ तमु क्युइर

¹¹ खीजी पिंबै बरदानमैं ल्‍हें खालर्बै मुँ। कोइलाइ कुल्मिंबै चेला चिब तबर, कोइलाइ अगमबक्‍तामैं तबर, कोइलाइ सैं तोंबै ताँ बिप्रबर, कोइलाइ खीए म्हिमैंलाइ प्‍ह्रोंछैंमैंइ धोंले छेनाले छैं लबर नेरो कोइलाइ खीए ताँ लोमिंबर खटिदिइ।

एफिसी 4:11 Iomraidhean Croise

मत्ती 28:20

झाइले ङइ क्‍हेमैंने ल्हैदिबै आलसि आतबै ताँन् केमैं लद् बिसि चमैंलाइ लोमिंन्। थेद्! ह्‍युल नुयाबै त्हिंइ समा ङ खोंयोंन् बिलै क्‍हेमैंने बालुन् तब्मुँ।”

चेला चिब्मैंए केमैं 13:1

एन्‍टिओखियार्बै चर्चर अगमबक्‍तामैं नेरो लोमिंबै म्हिमैं मुँल। चमैं बारनाबास बिब, काला बिबै शिमियोन, कुरेनीथें लुकियस, धै हेरोद म्रुँने बालु फारबै मनेन बिब नेरो शाऊलै या मुँल।

चेला चिब्मैंए केमैं 20:28

तारे क्हेमैं ह्रोंसै या न्ह क्रों मि क्रोले टिद्, धै पबित्र प्ल्हजी क्हेमैंने जिम्मा पिंबै बगालै या छेनाले ङ्‍ह्‍योद्। प्रभु येशूजी ह्रोंसए को पिंसि परमेश्‍वरए चर्च किंब् ग। छतसि चए छैं छेनाले लद्।

चेला चिब्मैंए केमैं 21:8

प्हँन्हाँग्धों ङि चमैंने फ्रेसि कैसरियार खइ, धै सैं तोंबै ताँ बिदै प्रबै फिलिपए धिंर ह्‍यासि चर्न टिइ। फिलिप यरूशलेमर प्रभुए सेवा लबर त्हाँबै ङिउलो न्‍होंर्बै म्‍हि घ्रि मुँल।

रोमी 12:7

अरूए सेवा लबै बरदान पिंइबिस्‍याँ सेवा लद्। झाइले अर्थ खोल्‍दिबै बरदान क्हिलाइ पिंइबिस्‍याँ अर्थ खोल्‍दिद्।

१ कोरिन्थी 12:4

पबित्र प्ल्हजी पिंबै बरदानमैं ल्हें खालर्बै मुँ, दिलेया पबित्र प्ल्ह घ्रि मत्‍त्रे मुँ।

एफिसी 2:20

कुल्मिंबै चेला चिब्मैं नेरो अगमबक्‍तामैंइ जग झोंइ। च जगए फिर ङि यहूदीमैंलाइ धोंले क्‍हेमैंलाज्यै या खीजी थेंमिंइमुँ। च जगए तेंर्बै क्र युँमा बिस्याँ येशू ख्रीष्‍टन् ग।

एफिसी 3:5

स्‍योंमन् परमेश्‍वरजी म्हिमैंलाइ चु चाँजो आबिल, दिलेया तिंजोरो परमेश्‍वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्‍तामैंने च चाँजो बिमिंइमुँ।

एफिसी 4:8

परमेश्‍वरए छ्वेर छले प्‍ह्रिइमुँ: “खी नुबर क्रे ह्‍यामा म्हिमैंलाइ पापर च्होवाबै सैमैंलाइ खीजी ह्रोंसनेन् बोइ, धै म्‍हिमैंलाइ बरदानमैं पिंइ।”

२ तिमोथी 4:5

क्‍हि बिस्याँ दुःख तलेया सैं तोंबै ताँमैं बिप्रबै के लब आपिद्। धै खैतबै दुःख तलेया सैदिद्, छले परमेश्‍वरउँइँले खबै सैं तोंबै ताँ बिप्रदै खीए के छेनाले लद्।

हिब्रू 5:12

तिंयाँ समा क्‍हेमैं अरूमैंलाइ लोमिंल् खाँब्मैं तल् त्‍हुमल, अझै या क्हेमैंलाइ परमेश‍वरए ताँमैं लोमिंल् त्‍हुइमुँ। क्‍हेमैं सारो चबै सै चल् खाँब्मैं धों आङिं, बरु कोलोमैं धोंले ङ्‌हे मत्‍त्रे थुँल् त्‍हुब् धों तइमुँ।

यहूदाइ प्‍ह्रिबै प्ह्रिछ्या 1:17

छतसि ओ ङए खोबै थुमैं, ङ्योए प्रभु येशू ख्रीष्‍टजी कुल्मिंबै चेला चिब्मैंइ ओंसोंन् बिबै ताँमैं क्हेमैंइ मैंन्।

दर्शन 18:20

(ओ स्वर्ग, च सहर थुँयाब् म्रोंसि सैं तोंन्! ओ परमेश्‍वरए म्‍हिमैं, कुल्मिंबै चेला चिब्मैं नेरो अगमबक्‍तामैं क्हेमैं ताँन् सैं तोंन्। तलेबिस्याँ च सहरइ क्‍हेमैं बेल्‍ले दुःख पिंल, छतसि परमेश्‍वरजी चलाइ नास लवाइ।)

दर्शन 21:14

च सहरर्बै बानुए तेंजरे च्युसे ङ्हिं थे-थेबै युमाँ मुँल, धै चए फिर क्‍यु च्हजए च्युसे ङ्हिं चेला चिब्मैंए मिं प्‍ह्रिल।