एफिसी 3:9 - परमेश्‍वरए ताँ तमु क्युइर

⁹ धै खीए चाँजो खीजी खैले पूरा लम् बिबै ताँ म्‍हिमैंलाइ था पिंबर परमेश्‍वरजी चु शक्‍तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल।

एफिसी 3:9 Iomraidhean Croise

भजनमैं 33:6

याहवेहए बचनइ मु बनेइ, धै चर मुँबै तोन्दोंरि सै बनेइ।

मत्ती 10:27

छतसि ङइ क्‍हेमैंने मिछु खैबर बिबै ताँ त्‍हिंइर बिमिंन्। धै ङइ क्‍हेमैंने खाबज्यै आथेल्‍ले बिबै ताँ क्हेमैंइ ताँनइ थेल्‍ले धिंए प्हेंउँइँले बिमिंन्।

मत्ती 13:35

अगमबक्‍ताइ बिबै ताँ पूरा तबर येशूजी छले पोंइ। स्योंमन् च म्हिइ छले प्ह्रिल, “ङ चमैंने अहानउँइँले पोंब्‍मुँ। ह्‍युल केब् ओंनोंबै लोथेंबै ताँमैं ङइ बिमिंब्‍मुँ।”

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

लूका 24:47

ह्रोंसइ लबै आछ्याँबै केमैं पिसि परमेश्‍वरउँइँ सैं एइस्याँ म्हिमैंइ पाप क्षमा योंम् बिबै ताँ ओंसों यरूशलेमर बिप्रबइले ताँन् ह्रें-ह्रेंर्बै म्हिमैंने बिमिंल् त्हुम्।

यूहन्‍ना 10:30

आबा नेरो ङ घ्रिन् ग।”

यूहन्‍ना 5:17

दिलेया येशूजी चमैंने बिइ, “ङए आबाजी तोगो समा के लरिइमुँ। छतसि ङज्यै या के लरिइमुँ।”

यूहन्‍ना 5:19

येशूजी चमैंने बिइ, “क्ह्रोंसेंन ङ क्हेमैंने बिमुँ, च्हइ ह्रोंसइन तोइ लल् आखाँ, दिलेया आबाजी तो लब् म्रोंमुँ चन् मत्‍त्रे लम्। तलेबिस्याँ आबाजी तो लमुँ, च्हज्यै या छान् लमुँ।

चेला चिब्मैंए केमैं 15:18

बिसि याहवेहजी बिइमुँ। खीजी चु ताँ स्योंम् ओंनोंन् था सेल् पिंइँमुँ।’

रोमी 11:25

ओ अरू ह्रेंर्बै अलि-अङाँमैं, क्‍हेमैं थेब आप्हैंरिगे बिसि क्हेमैंइ चु खास ताँ घ्रि क्होल् त्हुम्: परमेश्‍वरजी त्‍हाँबै अरू ह्रेंर्बै ताँन् म्‍हिमैंइ येशू ख्रीष्‍टए फिर बिश्‍वास आलन् समा मत्‍त्रे यहूदीमैंइ सैं सारो लब्मुँ।

१ कोरिन्थी 2:7

दिलेया ङ्योइमि परमेश्‍वरउँइँले खबै बुद्धिए ताँमैं बिप्रम्। च बुद्धिए ताँ म्हिमैंइ तिफुँइ क्होल् आखाँब् मुँल। दिलेया ङ्योइ खीउँइँले आशिक योंरिगे बिसि स्योंम् ओंनोंन् परमेश्‍वरजी चु बुद्धि ङ्योए ल्हागिर साँथेंल।

एफिसी 1:4

च आशिकमैं तो जा बिस्‍याँ, ङ्यो परमेश्‍वरए उँइँर छ्याँबै छ्ह थोल् खाँरिगे बिसि चु ह्‍युल बनेब् भन्दा ओंसोंन् ख्रीष्‍टने घ्रिन् लसि खीजी ङ्योलाइ त्‍हाँइ।

एफिसी 3:2

अरू ह्रेंमैंए फिरै या खीए दयाम्हाँया उँइँबर परमेश्‍वरजी क्‍हेमैंए ल्हागिर्न ङलाइ खटिदिइमुँ बिसि क्‍हेमैंज्यै सेइमुँ।

एफिसी 6:19

सैं तोंबै ताँ बिप्रबै लमा ङ झेलर तनाबिलेया ङ ख्रीष्‍टए ताँ बिमिंबै स्यार्बो ग। छतसि ङ पोंबर होंमा परमेश्‍वरजी ङए सैंर खीए ताँमैं झोंमिंरिगे, धै सैं तोंबै ताँए बारेर था आसेबै चाँजो ङइ छेनाले था पिंल् खाँरिगे,

कलस्सी 1:23

छतसि येशू ख्रीष्‍टए फिर भोंन्ले बिश्‍वास लसि क्‍हेमैंइ ख्रीष्‍टउँइँले खबै सैं तोंबै ताँउँइँले योंबै आशा आपिल्‍ले टिद्। (च आशा तो मुँ बिस्याँ ङ्यो येशूने बालु स्‍वर्गर तब्मुँ।) चु सैं तोंबै ताँ बिप्रबै ल्हागिर परमेश्‍वरजी ङ पावलइ या के लबर त्हाँइमुँ, धै चु ताँ स्वर्ग न्होंरि ह्‍युल तिगोंन् ताँन् म्‍हिमैंने बिमिंइमुँ।

कलस्सी 1:26

ओंसों ओंनोंन् म्‍हिमैंइ आसेबै चु औदिबै ताँ तिंयाँ खीजी खीए म्‍हिमैंने सेल् लमिंइमुँ।

कलस्सी 3:3

तलेबिस्याँ क्‍हेमैं चु ह्‍युलए ल्हागिर सिल् खाँइमुँ, धै क्हेमैंए क्ह्रोंसेंन्बै छ्ह ख्रीष्‍टने बालुन् परमेश्‍वर ङाँर लोथेंइमुँ।

कलस्सी 4:3

ख्रीष्‍टए बारेर्बै ओंसों था आसेबै छ्याँबै ताँ बिप्रबइले ङ चुर झेलर टिल् त्‍हुइ। छतसि परमेश्‍वरजी ङिलाइ च ताँ बिप्रबै छ्याँबै मौका पिंरिगे बिसि ङिए ल्हागिरै या प्राथना लद्।

२ थेसलोनिकी 2:13

प्रभुजी खोबै अलि-अङाँमैं, क्‍हेमैंए ल्हागिर ङिइ खोंयोंन् बिलै परमेश्‍वरलाइ धन्‍यबाद पिंल् त्हुम्, तलेबिस्याँ परमेश्‍वरए प्ल्हजी क्हेमैंलाइ पबित्र लमिंबै केउँइँले नेरो क्हेमैंइ क्ह्रोंसेंन्बै ताँ क्वेंबइले परमेश्‍वरजी क्‍हेमैंलाइ जोगेबर त्हाँइ।

१ तिमोथी 3:16

येशू ख्रीष्‍टए बारेर परमेश्‍वरजी उँइँमिंबै ताँमैं कति थेब मुँ बिसि ङ्योइ क्ह्रोंसेंन्ले थहा सेसि बिम्: येशू ख्रीष्‍ट म्‍हिए क्हो किंसि चु ह्‍युलर युइ, पबित्र प्ल्हउँइँले खी ठिक ठर्दिइ, स्वर्गदूतमैंइ खीलाइ म्रोंइ, ह्रें ह्रेंर्बै म्‍हिमैंए म्हाँजोर खीए बारेर्बै ताँ म्हिमैंइ बिप्रइ, ताँन् ह्‍युलर्बै म्‍हिमैंइ खीए फिर बिश्‍वास लइ, झाइले थेबै मानले खी स्‍वर्गउँइँ क्वेयाइ।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।

२ तिमोथी 4:17

ताँन् म्हिमैंइ प्रभुए ताँ थेल् योंरिगे बिसि प्रभु ङए ङाँर रायुइ, धै खीए ताँ बिबै ल्हागिर ङलाइ भों पिंइ। छतसि ङ सिंहए सुँउँइँले स्योरसि खल् खाँइ।

तीतस 1:2

खोंयोंन् बिलै स्योर आतेबै परमेश्‍वर आबाजी सृष्‍टि लब् भन्दा ओंसोंन् खोंयोंइ आखाँबै छ्ह चमैंलाइ पिंम् बिबै बाछा खीजी लल।

१ पत्रुस 1:20

परमेश्‍वरजी ह्‍युल बनेब् भन्दा ओंसोंन् ख्रीष्‍टलाइ त्‍हाँल, दिलेया क्हेमैं जोगेबै ल्हागिर चु नुखबै त्हेर खी युइ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 14:6

च लिउँइँ ङइ स्‍वर्गदूत घ्रि मुर प्‍हुररिब् म्रोंइ। खोंयोंइ तरिबै सैं तोंबै ताँ चने मुँल। च सैं तोंबै ताँ पृथ्‍बीर्बै म्‍हिमैंए ल्हागिर, अथवा ताँन् ह्रें, ताँन् कुल, ताँन् क्युइ पोंब्‍मैं नेरो ताँन् ह्‍युलर्बै म्‍हिमैंए ल्हागिर मुँल।

दर्शन 17:8

च खेदो ओंसों मुँल, दिलेया तोगो आरे। च बेल्‍ले गैरु क्रोंउँइँले त्होंब्मुँ, झाइले नास तयाब्‍मुँ। धै ह्‍युल बनेब् भन्दा ओंसों छ्ह योंब्‍मैंए मिं प्‍ह्रिथेंबै कितबर मिं आरेब्मैं च खेदो म्रोंसि प्लेटोयाब्‍मुँ। तलेबिस्याँ च खेदो ओंसों सोगों मुँल, तोगो आरेलेया धबै सोसि खब्मुँ।

दर्शन 4:11

“ओ ङिए प्रभु परमेश्‍वर, क्‍हि थेबै मान, थेबै मिं नेरो हग योंल् त्हुब मुँ। तलेबिस्याँ ताँन् सै क्‍हिजीन् बनेब् ग, झाइले क्‍हिए सैंर मैंब् धोंले च ताँन् सैमैं तसि सो प्ह्‍याइ।”