एफिसी 3:8 - परमेश्‍वरए ताँ तमु क्युइर

⁸ ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

एफिसी 3:8 Iomraidhean Croise

भजनमैं 31:19

क्हिलाइ मान लब्मैंए ल्हागिर क्हिजी साँथेंबै छ्याँबै सैमैं कति थेब मुँ! क्हिए प्हलेर्न ग्वार योंब्मैंलाइ क्हिजी च छ्याँबै सैमैं पिंब ताँन् म्हिमैंइ म्रोंइमुँ!

लूका 14:22

“के लबै म्हि एखसि बिइ, ‘ओ चिब, क्‍हिइ हुइ पउ बिबै म्‍हिमैं ङइ हुइ पखइ। दिलेया भत्‍यारर टिबै क्‍ल्‍ह्‍यो अझै मुँ।’

यूहन्‍ना 1:16

खी दयाम्हाँयाइ प्लिंबइले ङ्योइ दयाम्हाँया फिर झन् थेबै दयाम्हाँया योंइँमुँ।

चेला चिब्मैंए केमैं 5:41

झाइले चमैंए सैंर, म्हिमैंइ म्हि आच्जिल् ललेया येशूए मिंरि सैदिल् खाँब्मैं ङ्यो तइ ङ्हाँसि सैं तोंदै चमैं थेबै म्हि च्होंउँइँले त्होंह्‍याइ।

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

रोमी 11:33

ओहो, परमेश्‍वरजी ताँनए फिर लबै दयाम्हाँया बेल्‍ले थेब नेरो छ्याँब मुँ। खीए ज्ञान बुद्धिए ताँमैं गैरु मुँ। खाबइ खीए ताँमैंए बयन लल् खाँम्? खाबइ खीजी लबै के क्‍होल् खाँम्?

रोमी 12:10

ह्रोंसए तेमैंने धोंले घ्रिइ घ्रिने क्‍ह्रोंसेंन्‍बै म्हाँया लदु। अरूलाइ सैं न्होंउँइँले ओंनों मान लद्।

रोमी 2:4

परमेश्‍वरजी क्हिए फिर ल्हयो खम्, छतसि युनन् सजैं आपिं, बरु ल्हें समा क्हिलाइ सैदिसि म्हाँया लम्। दिलेया क्‍हिइ खीलाइ अझै म्‍हि आल! क्‍हिए सैं खी ङाँइ एरिगे बिसि परमेश्‍वरजी क्हिए फिर ल्हयो लम् बिब क्‍हिइ आसे वा?

१ कोरिन्थी 1:30

तलेबिस्याँ ख्रीष्‍टउँइँलेन् परमेश्‍वरजी ङ्योलाइ छ्ह पिंइमुँ, ख्रीष्‍टउँइँले ङ्योइ बुद्धि योंइमुँ, ख्रीष्‍टउँइँलेन् ङ्योइ ठिक के लल् खाँमुँ, ख्रीष्‍टउँइँलेन् ङ्यो पबित्र तइमुँ, ख्रीष्‍टउँइँलेन् परमेश्‍वरजी ङ्योलाइ जोगेमिंइमुँ।

१ कोरिन्थी 15:9

तलेबिस्याँ कुल्मिंबै चेला चिब्मैं न्‍होंरि ङ धाँसे केर आफेब् ग। ङ कुल्मिंबै चेला चिब बिबै लायकर्बै आरे, तलेबिस्याँ ङइ ओंसों परमेश्‍वरए म्‍हिमैंलाइ बेल्‍ले दुःख पिंल।

१ कोरिन्थी 2:9

चु ताँए बारेर परमेश्‍वरए छ्वेर छले प्ह्रिइमुँ, “म्‍हिमैंइ खोंयोंइ आम्रोंब, खोंयोंइ आथेब, म्हिमैंए सैंरै आमैंबै ताँमैं, परमेश्‍वरजी खीलाइ म्हाँया लब्‍मैंए ल्हागिर तयार लथेंइमुँ।”

गलाती 1:16

झाइले ङइ अरू ह्रेंमैं ङाँर सैं तोंबै ताँ बिप्ररिगे बिसि परमेश्‍वरजी ङलाइ खीए च्‍हए दर्शन पिंइ। खीजी छाबै दर्शन पिंबइले ङइ “सैं तोंबै ताँ खैब जा?” बिसि खाब्ने या सल्‍ला किंल् आत्हु।

गलाती 2:8

तलेबिस्याँ परमेश्‍वरजी खीए शक्‍तिउँइँले सैं तोंबै ताँ बिप्रबर ज्युर चिनु लबै यहूदीमैंए ल्हागिर पत्रुसलाइ त्‍हाँब् धोंले ज्युर चिनु आलबै अरू ह्रेंमैंए ल्हागिर ङलाइ त्‍हाँब् ग।

एफिसी 2:7

छाबै के तले लइ बिस्याँ तारे खबै जुगरि झन् खीए बेल्‍ले थेबै दयाम्हाँया उँइँब्‍मुँ। तलेबिस्‍याँ येशू ख्रीष्‍टजी ङ्योए ल्हागिर लबै केमैंइ लमा ङ्योइ च दयाम्हाँया योंइमुँ।

एफिसी 3:1

छतसि ङ पावल क्हेमैं अरू ह्रेंमैंए ल्हागिर प्राथना लम्। ख्रीष्‍ट येशूजी पिंबै के लबइले ङ झेलर मुँ।

एफिसी 3:16

क्हेमैंए ल्हागिर ङइ छ बिसि प्राथना लइमुँ: परमेश्‍वरए बेल्‍ले थेबै सै न्होर क्हेमैंलाइ पिंसि खीजी ह्रोंसए पबित्र प्ल्हउँइँले क्‍हेमैंए सैं भोंब् लमिंरिगे।

एफिसी 3:19

क्होसे क्होल् आखाँबै ख्रीष्‍टजी लबै म्हाँया क्हेमैंइ सेरिगे, धै परमेश्‍वर खैब मुँ क्हेमैं या छाबन् तरिगे।

एफिसी 3:2

अरू ह्रेंमैंए फिरै या खीए दयाम्हाँया उँइँबर परमेश्‍वरजी क्‍हेमैंए ल्हागिर्न ङलाइ खटिदिइमुँ बिसि क्‍हेमैंज्यै सेइमुँ।

फिलिप्पी 2:3

ह्रोंसए फायदाए ल्हागिर मत्‍त्रे तोइ आलद्। तोन् तोर्न थेब प्हैंदै तोइ आलद्, बरु ह्रोंसन् च्‍योंने तसि घ्रिइ घ्रिलाइ ह्रोंस भन्दा थेब् मैंन्।

फिलिप्पी 4:19

खैले क्हेमैंइ पिंइमुँ छलेन क्‍हेमैंलासे या तो सै चैदिलेया, ङए परमेश्‍वरजी खीए च्योलै आखाँबै सै न्होरउँइँले ख्रीष्‍ट येशूउँइँले क्हेमैंलाइ चैदिबै सैमैं पिंब्मुँ।

कलस्सी 1:27

ताँन् ह्रेंमैंए ल्हागिरै या परमेश्‍वरए ताँ कति थेब मुँ बिसि खीजी ह्रोंसए म्हिमैंलाइ था सेमिंब सैं लइ। च औदिबै ताँ तो जा बिस्याँ क्‍हेमैंए सैं न्‍होंर ख्रीष्‍ट मुँब् ग। ख्रीष्‍ट क्‍हेमैं न्‍होंर मुँबइले क्‍हेमैंज्यै या परमेश्‍वरउँइँले थेबै मान योंब्‍मुँ।

१ तिमोथी 1:13

ओंसों ङइ खीए बिरोधर आछ्याँबै केमैं लसि खीलाइ बेल्‍ले ह्रुगुदिइ। तलेबिस्याँ च त्हेर ङइ खीए फिर बिश्‍वास आलल छतसि ङइ तो लरिइमुँ बिसि ङइ था आसेल, दिलेया परमेश्‍वरए ल्हयो ङइ योंइ।

१ तिमोथी 1:15

चु ताँ क्ह्रोंसेंन्बै मुँ, छतसि चु ताँ ताँन् म्हिमैंइ क्वेंल् त्‍हुम्: ङ्योए प्रभु पापिमैं जोगेबर ह्‍युलर युब् ग। पापिमैं न्होंरि ताँन् भन्दा ल्हें पाप लबै म्हि ङन् ग।

१ तिमोथी 2:7

चु ताँमैंए ग्वाइ पिंबर्न परमेश्‍वरजी ङलाइ कुल्मिंबै चेला चिब तबर त्हाँइ। क्ह्रोंसेंन्बै ताँ था सेसि प्रभु येशूलाइ बिश्‍वास लरिगे बिसि अरू ह्रेंमैंलाइ लोमिंबर ङलाइ कुल्मिंइमुँ। ङ स्‍योर आते, चु क्ह्रोंसेंन्बै ताँ ग।

२ तिमोथी 1:11

चु सैं तोंबै ताँ बिप्रबै ल्हागिर्न ङ कुल्मिंबै चेला चिब तसि म्हिमैंलाइ लोमिंबर परमेश्‍वरजी ङलाइ त्हाँइ।

दर्शन 3:18

छतसि ङइ क्हेमैंलाइ चु सल्‍ला पिंम्: क्‍हि प्लब् तबै ल्हागिर मिर खारदिबै छ्याँबै मारा ङउँइँले किंन्, म्‍हिमैंइ क्‍हेमैंलाइ क्‍लुना तब् आम्रोंरिगे बिसि खिबै ल्हागिर ङउँइँले फोस्रे ब्योंबै क्‍वें किंन्, झाइले क्‍हिए मि म्रोंरिगे बिसि ङउँइँले मि म्रोंल् लबै मैं किंसि फोद्।