एफिसी 3:5 - परमेश्‍वरए ताँ तमु क्युइर

⁵ स्‍योंमन् परमेश्‍वरजी म्हिमैंलाइ चु चाँजो आबिल, दिलेया तिंजोरो परमेश्‍वरजी खीए पबित्र प्ल्हउँइँले कुल्मिंबै चेला चिब्मैं नेरो अगमबक्‍तामैंने च चाँजो बिमिंइमुँ।

एफिसी 3:5 Iomraidhean Croise

मत्ती 13:17

क्ह्रोंसेंन ङ क्हेमैंने बिमुँ, क्‍हेमैंइ म्रोंबै के नेरो थेबै ताँ स्‍योंम्‍बै अगमबक्‍तामैं नेरो ठिक के लब्मैंइ म्रोंदा ङ्हाँलेया म्रोंल् आयोंल। थेदा ङ्हाँलेया थेल् आयोंल।

मत्ती 20:7

“चमैंइ बिइ, ‘खोइ, खाबज्यै या केर आल्‍हैदि। तो लब?’ “चइ चमैंने बिइ, ‘छ बिस्‍याँ क्‍हेमैं या ङए म्रोंर के लबर ह्‍याद्।’

मत्ती 23:34

छतसि ङइ क्‍हेमैं ङाँर अगमबक्‍तामैं, बुद्धि मुँबै म्‍हिमैं नेरो छ्वेर्बै ताँ लोमिंब्मैं कुल्‍मिंब्मुँ। चमैंए न्होंरि कोइ क्हेमैंइ सैवाब्‍मुँ, कोइ क्रूसर च्‍योवासि सैवाब्‍मुँ, कोइ क्हेमैंए च्हों धिंजरे बोसि कोर्राइ प्रुब्मुँ, धै सहर-सहरजरे ‍ह्रुगुदिब्मुँ।

लूका 10:24

तलेबिस्याँ ङ‍इ क्हेमैंने बिमुँ, स्‍योंम्‍बै अगमबक्‍ता नेरो म्रुँमैंज्यै या क्‍हेमैंइ म्रोंबै केमैं ङ्‍ह्‍योदा ङ्हाँल, दिलेया ङ्‍ह्‍योल् आयोंल। छलेन क्‍हेमैंइ थेबै ताँमैं थेदा ङ्हाँइ, दिलेया थेल् आयोंल।”

लूका 11:49

छतसि ‘ङइ चमैं ङाँर अगमबक्‍तामैं नेरो स्यार्बो कुलम्,’ बिसि तोन्दोंरि ताँ सेबै परमेश्‍वरजी बिल। ‘दिलेया च कुलब्‍मैं न्‍होंरि को‍-कोइलाइ चमैंइ सैवाब्‍मुँ, कोइलाइ ह्रुगुदिब्‍मुँ।’

यूहन्‍ना 14:26

आबाजी ङए मिंर क्हेमैंलाइ ल्होमिंबै पबित्र प्ल्ह कुलमिंब्मुँ। खीजी क्‍हेमैंलाइ तोन्दोंरि ताँमैं लोमिंब्‍मुँ। धै ङइ क्‍हेमैंने ओंसोंन् बिबै ताँन् ताँमैं क्हेमैंलाइ चिमिंब्‍मुँ।

यूहन्‍ना 16:13

दिलेया क्ह्रोंसेंन्बै ताँ लोमिंबै पबित्र प्ल्ह युब्मुँ, धै खीजी क्हेमैं ताँन् क्ह्रोंसेंन्बै छ्याँबै घ्याँर डोरेमिंब्मुँ। खीजी ह्रोंसए सैंर मैंब् धोंले आपों। खीजी तो ताँ थेमुँ चन् पोंब्मुँ, धै लिउँइँ तखबै ताँमैं क्हेमैंने बिमिंब्मुँ।

चेला चिब्मैंए केमैं 10:28

छतमा पत्रुसइ चमैंने बिइ, “यहूदीए ल्हागिर अरू ह्रेंमैंने त्होसि प्रब-टिब् लब बेल्‍ले आछ्याँबै ताँ ग बिसि क्हेमैंइ सेइमुँ। दिलेया ‘म्हिमैं खाबै या चोखो आरे आङ्हाँन्,’ बिसि परमेश्‍वरजी ङने उँइँमिंइँमुँ।

रोमी 16:25

ङ्यो ताँनइ परमेश्‍वरए मिं थेब लले! खीजी क्‍हेमैंलाइ बिश्‍वासर भोंसि लमिंल् खाँम्। येशू ख्रीष्‍टउँइँले खबै सैं तोंबै ताँ ङइ बिप्रमा जुग जुग ओनोंन् लोथेंबै ताँ तारे छर्लङ्ग तसि ताँनइ सेइमुँ।

१ कोरिन्थी 2:10

चुन् क्होल् आखाँबै ताँमैं परमेश्‍वरजी खीए पबित्र प्ल्हउँइँले ङ्योलाइ क्होल् लमिंइ। तलेबिस्याँ पबित्र प्ल्हजी परमेश्‍वरए ताँन् सै म्हैमुँ, तिफुँइ क्होल् आखाँबै परमेश्‍वरए गैरु-गैरु ताँमैं या खीजी म्हैमुँ।

एफिसी 2:20

कुल्मिंबै चेला चिब्मैं नेरो अगमबक्‍तामैंइ जग झोंइ। च जगए फिर ङि यहूदीमैंलाइ धोंले क्‍हेमैंलाज्यै या खीजी थेंमिंइमुँ। च जगए तेंर्बै क्र युँमा बिस्याँ येशू ख्रीष्‍टन् ग।

एफिसी 3:9

धै खीए चाँजो खीजी खैले पूरा लम् बिबै ताँ म्‍हिमैंलाइ था पिंबर परमेश्‍वरजी चु शक्‍तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल।

२ पत्रुस 3:2

स्‍योंम्‍बै पबित्र अगमबक्‍तामैंइ पोंबै अगमबाणिए ताँमैं नेरो क्‍हेमैं ङाँर खबै कुल्मिंबै चेला चिब्मैंइ बिबै ताँमैं क्हेमैंइ मैंरिगे बिब ङए सैं मुँ।

यहूदाइ प्‍ह्रिबै प्ह्रिछ्या 1:17

छतसि ओ ङए खोबै थुमैं, ङ्योए प्रभु येशू ख्रीष्‍टजी कुल्मिंबै चेला चिब्मैंइ ओंसोंन् बिबै ताँमैं क्हेमैंइ मैंन्।