एफिसी 3:2 - परमेश्‍वरए ताँ तमु क्युइर

² अरू ह्रेंमैंए फिरै या खीए दयाम्हाँया उँइँबर परमेश्‍वरजी क्‍हेमैंए ल्हागिर्न ङलाइ खटिदिइमुँ बिसि क्‍हेमैंज्यै सेइमुँ।

एफिसी 3:2 Iomraidhean Croise

चेला चिब्मैंए केमैं 13:2

चमैं बर्त टिसि प्राथना लसि परमेश्‍वरए मिं क्वेरिबै त्हेर पबित्र प्ल्हजी चमैंने बिइ, “ङए ल्हागिरि बारनाबास नेरो शाऊल ङइ खाब् केए ल्हागिरि त्हाँइमुँ च केए ल्हागिर्न स्यो लद्।”

चेला चिब्मैंए केमैं 13:46

छान् तलेया पावल नेरो बारनाबासइ आङ्हिंन्ले बिइ, “परमेश्‍वरए ताँ धाँसे ओंसों क्हेमैं यहूदीमैंनेन् बिल् त्हुमल। दिलेया क्हेमैंइ चु ताँ थेल् आङिंसि खोंयोंन् बिलै आखाँबै छ्ह योंदा आङ्हाँमा तारे ङि अरू ह्रेंमैं ङाँर ह्‍याम्।

चेला चिब्मैंए केमैं 22:21

छबिमा प्रभुजी ङने ‘ह्‍याद्, तलेबिस्याँ ह्रें-ह्रेंगोर्बै अरू ह्रेंमैं ङाँर ङइ क्हि कुल्मिंब्मुँ,’ बिइ।”

चेला चिब्मैंए केमैं 9:15

दिलेया प्रभुजी चने बिइ, “ह्‍याद्, तलेबिस्याँ अरू ह्रेंमैं, म्रुँमैं नेरो इस्राएलर्बै म्हिमैंए उँइँर ङए मिंए बारेर बिमिंबर ङइ त्हाँबै म्हि चन् ग।

रोमी 1:5

प्रभु येशू ख्रीष्‍टउँइँले परमेश्‍वरजी ङए फिर दयाम्हाँया उँइँसि ख्रीष्‍टए के लबै ल्हागिर ङ कुल्मिंबै चेला चिब तल् पिंइ। ताँन् ह्रेंर्बै म्‍हिमैंइ बिश्‍वास लसि परमेश्‍वरजी बिबै ताँ म्हाँदिरिगे बिसि खीजी ङलाइ त्‍हाँइ।

रोमी 11:13

ङइ चु ताँमैं क्‍हेमैं अरू ह्रेंमैंलाइ बिमुँ: अरू ह्रेंर्बै म्‍हिमैंए ल्हागिर ङ कुल्मिंबै चेला चिब तबइले क्हेमैंए ल्हागिर के लल् योंमा ङ सैं तोंइमुँ।

रोमी 12:3

परमेश्‍वरजी ङलाइ खीए दयाम्हाँया पिंबइले ङइ क्‍हेमैं ताँनने यो छ्युँ लमुँ: ह्रोंसलाइ थेब आमैंन्, परमेश्‍वरजी क्हिलाइ पिंबै बिश्‍वास अनुसार ह्रोंस खैतब् मुँ छाबन् मैंन्।

१ कोरिन्थी 4:1

छतसि ङिलाइ येशू ख्रीष्‍टए के लब्मैं नेरो परमेश्‍वरउँइँले खबै बुद्धिए ताँमैं ङिए जिम्‍मार थेंइमुँ बिसि म्हिमैंइ मैंल् त्‍हुम्।

गलाती 1:13

ङइ ओंसों खैले छ्ह थोल बिबै ताँ क्‍हेमैंइ थेल् खाँइमुँ: ङइ यहूदी धर्म म्हाँदिबै त्हेर परमेश्‍वरए म्हिमैंलाइ बेल्‍ले ह्रुगुदिसि नास लल् म्हैल।

एफिसी 1:10

च चाँजो तो जा बिस्‍याँ: खीजी तौदिबै त्हेर स्‍वर्ग नेरो पृथ्‍बीर मुँबै तोन्दोंरि सैमैं खागु लसि येशू ख्रीष्‍टए न्होंर पखब् ग।

एफिसी 3:7

खीए दयाम्हाँयाउँइँले शक्‍तिए बरदान पिंसि परमेश्‍वरजी ङलाइ सैं तोंबै ताँ बिप्रबै म्‍हि लमिंइ।

एफिसी 3:8

ङ परमेश्‍वरए म्‍हिमैं न्‍होंरि ताँन् भन्दा च्‍योंब मुँनबिलेया ख्रीष्‍टने घ्रिन् तसि खोंयोंइ आखाँबै सै न्होरए बारेर अरू ह्रेंमैंने बिप्रबै मौका ङलाइ पिंइ।

एफिसी 3:9

धै खीए चाँजो खीजी खैले पूरा लम् बिबै ताँ म्‍हिमैंलाइ था पिंबर परमेश्‍वरजी चु शक्‍तिए बरदान ङलाइ पिंइ। खीजी तोन्दोंरि सै बनेइ, धै खीए चाँजो खीजी स्योंम् ओंनोंन् खाबलाज्यै या सेल् आलल।

एफिसी 4:21

क्हेमैंइ येशू ख्रीष्‍टउँइँले खबै ताँ थेइ, आङिं वा? खीउँइँले परमेश्‍वरए बारेर्बै क्‍ह्रोंसेंन्‍बै ताँ क्हेमैंइ सेइमुँ।

एफिसी 4:7

दिलेया प्रभु येशू ख्रीष्‍टजी ङ्योलाइ आशिक पिंबइले ङ्यो ताँनइ स्‍यो-स्‍योबै बरदान योंइमुँ।

कलस्सी 1:4

तलेबिस्याँ येशू ख्रीष्‍टए फिर्र क्हेमैंइ लबै बिश्‍वास नेरो परमेश्‍वरए म्‍हिमैं ताँनने क्‍हेमैंइ म्हाँया लइमुँ बिसि ङिइ थेइमुँ।

कलस्सी 1:6

ओंसों क्‍हेमैंइ परमेश्‍वरए दयाम्हाँया खैब मुँन बिसि क्‍होबै त्हिंइ सेरोन् क्‍हेमैंइ च सैं तोंबै ताँ क्ह्रोंसेंन् ग बिसि सेल। च त्हिंइ सेरो च ताँइ लमा क्‍हेमैं न्‍होंरि आशिक योंइमुँ। च ताँ क्‍हेमैंइ थेब् धोंलेन् ताँन् ह्‍युल जरे या थेनेसिन् मुँ धै म्हिमैंइ आशिक योंसिन् मुँ।

१ तिमोथी 1:11

च ठिक लोमिंबै ताँमैं बेल्‍ले छ्याँबै नेरो ताँनइ म्हाँदिल् त्हुबै परमेश्‍वरजी ङने पिंबै सैं तोंबै ताँने क्ह्रिम्।

१ तिमोथी 1:4

धै चमैं स्‍योंम्‍बै स्‍योर ताँमैं नेरो खेमैंए खोंयोंइ आनुबै ताँर सैं आह्‍यारिगे, तलेबिस्याँ च ताँमैंउँइँले झन प्होंगि कैगि मत्‍त्रे तम्। बरु क्ह्रोंसेंन्बै परमेश्‍वरए ताँमैं क्होबर खीए फिर बिश्‍वास लल् त्हुम्।

१ तिमोथी 2:7

चु ताँमैंए ग्वाइ पिंबर्न परमेश्‍वरजी ङलाइ कुल्मिंबै चेला चिब तबर त्हाँइ। क्ह्रोंसेंन्बै ताँ था सेसि प्रभु येशूलाइ बिश्‍वास लरिगे बिसि अरू ह्रेंमैंलाइ लोमिंबर ङलाइ कुल्मिंइमुँ। ङ स्‍योर आते, चु क्ह्रोंसेंन्बै ताँ ग।

२ तिमोथी 1:11

चु सैं तोंबै ताँ बिप्रबै ल्हागिर्न ङ कुल्मिंबै चेला चिब तसि म्हिमैंलाइ लोमिंबर परमेश्‍वरजी ङलाइ त्हाँइ।