एफिसी 2:9 - परमेश्‍वरए ताँ तमु क्युइर

⁹ छ्याँबै केमैं लसि म्हिमैंइ मुक्‍ति योंल् आखाँ। छतसि छ्याँबै के लइ बिसि खाबै या थेब् प्हैंल् आत्हु।

एफिसी 2:9 Iomraidhean Croise

रोमी 11:6

चमैंइ धर्म-कर्म लसि आङिं, परमेश्‍वरए दयाम्हाँयाइ लमा खीजी चमैंलाइ त्‍हाँब् ग, आस्याँ खीए दयाम्हाँया छलेन् पिंबै दयाम्हाँया आतमल।

रोमी 3:20

छतसि ठिमर्बै ताँमैं छेनाले म्हाँदिलै या परमेश्‍वरए उँइँरि ठिक ठर्दिल् आखाँ। तलेबिस्याँ ठिमर्बै ताँउँइँलेन् म्‍हिमैंइ पाप तो जा बिसि सेम्।

रोमी 4:2

अब्राहाम केउँइँलेन् परमेश्‍वरए उँइँर ठिक ठर्दिस्‍याँ चलाइ प्‍हैंबै घ्‍याँ तमल, दिलेया परमेश्‍वरए उँइँरि चल प्‍हैंबै घ्याँ तोइ आरेल।

रोमी 9:11

चमैंइ छ्याँब आछ्याँब तोइ आलमन् फो न्होंर मुँमन् चमैंए के ङ्‌ह्‍योसि आङिं, बरु परमेश्‍वरजी बिब् धोंलेन्, च च्हमैं ङ्हिंर घ्रिलाइ त्हाँल बिबै प्रमाण उँइँबर

रोमी 9:16

छतसि म्‍हिए इच्छा नेरो भोंइ आङिं, परमेश्‍वरए म्हाँयाजी म्हिलाइ त्‍हाँब् ग।

२ तिमोथी 1:9

परमेश्‍वरजी ङ्यो जोगेमिंसि खीए म्‍हिमैं लबै ल्हागिर त्‍हाँइ। ङ्योइ छ्याँबै केमैं लमा आङिं, ङ्योए फिर मुँबै खीए दयाम्हाँयाउँइँले परमेश्‍वरजी ङ्यो त्हाँबै सैं खइ। तलेबिस्याँ ह्‍युल बनेब् भन्दा ओंसों ओंनोंन् ख्रीष्‍ट येशूउँइँले खीजी च दयाम्हाँया ङ्योलाइ पिंल।