एफिसी 2:6 - परमेश्‍वरए ताँ तमु क्युइर

⁶ ङ्योलाइ ख्रीष्‍ट येशूने बालुन् सोगों लमिंसि ख्रीष्‍टजी ग्याल्स लबै क्‍ल्‍ह्‍योर ङ्योलाज्यै या खीजी ग्याल्स लल् पिंइ।

एफिसी 2:6 Iomraidhean Croise

मत्ती 26:29

दिलेया ङ क्हेमैंने बिमुँ, तारे पिरु ङए आबाए ग्याल्सर क्हेमैंने बालुन् छारा तरिकाले आथुँन् समा ङइ अँगुरए खु धबै थुँरिब आरे।”

लूका 12:37

धिं क्‍ल्‍हे एखमा केब्छैंमैं तयार तसि न्ह क्रों मि क्रोंले टिरिब स्यास्‍याँ क्ल्हे सैं तोंसि केब्छैंमैंइ स्‍याबासि योंब्‍मुँ। क्ह्रोंसेंन ङ क्‍हेमैंने बिमुँ, धिं क्‍ल्‍हेइ ह्रोंसए केब्छैंमैं प्‍ह्रेंमैं धोंले टिबै सै तिमिंसि चबै सैं चल् पिंम्।

यूहन्‍ना 12:26

“ङए सेवा लदा ङ्हाँब्मैं ङए लिलि प्ररिगे। छलमा ङ खनिर टिमुँ, ङए सेवा लब्मैं चर्न तब्मुँ। ङए सेवा लब्मैंलाइ ङए आबाजी मान लब्मुँ।”

यूहन्‍ना 14:3

ङ ह्‍यासि क्हेमैंए ल्हागिर क्ल्ह्‍यो तयार लल् खाँबै ‍लिउँइँ ङ धबै युब्मुँ, धै क्हेमैं ङ ङाँर बोयाब्मुँ। झाइले ङ टिबै क्ल्ह्‍योर क्हेमैं या टिल् योंब्मुँ।

एफिसी 1:1

परमेश्‍वरए इच्‍छाउँइँले येशू ख्रीष्‍टजी कुल्मिंबै चेला चिब ङ पावलउँइँले एफिसस सहरर मुँबै बिश्‍वासीमैंलाइ जय मसीह मुँ।

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।

एफिसी 2:10

परमेश्‍वरजी ङ्योलाइ ख्रीष्‍टने घ्रिन् तल् पिंसि छ्याँबै के लरिगे बिसि बनेब् ग। ङ्योइ च छ्याँबै केमैं लरिगे बिसि ओंसों ओंनोंन् खीजी च केमैंए तौदु लथेंइ।

एफिसी 2:13

ओंसों क्‍हेमैं परमेश्‍वरउँइँले ह्रेंगो मुँल दिलेया तारेम् क्‍हेमैं ख्रीष्‍टने घ्रिन् तसि ख्रीष्‍टजी ह्रोंसए कोउँइँले क्‍हेमैं परमेश्‍वरए ङाँर पखइमुँ।

कलस्सी 1:18

खीए फिर बिश्‍वास लब्मैं खीए ज्यु ग, चमैंए क्र खीन् ग। खीजी चमैंलाइ सोल् लमिंमुँ। ख्रीष्‍ट ताँन् सै भन्दा थेब तरिगे बिसि परमेश्‍वरजी ताँन् भन्दा ओंसों ख्रीष्‍टलाइ सोगों लमिंइ।