एफिसी 2:2 - परमेश्‍वरए ताँ तमु क्युइर

² च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

एफिसी 2:2 Iomraidhean Croise

भजनमैं 17:14

ओ याहवेह, च म्हिमैंइ चु ह्‍युलर्बै सै मत्त्रे म्हैम्, क्हिए योजी च म्हिमैं ङाँइँले ङ जोगेमिंन्। क्हिजी खोबै म्हिमैंलाइ बिस्याँ, क्हिजी चल् पिंम्, चमैंए च्ह-च्हमिमैंए ल्हागिरै या तोन्दोंरि योल्‍ले-ख्युल्‍ले पिंमुँ, धै खेंमैंए प्हसेमैंए ल्हागिर चमैंइ ल्हें सै न्होर साँथेंइमुँ।

मत्ती 11:19

म्हिए च्ह युसि चब् थुँब् लमा ‘ङ्‍ह्‍योत्ति, च चब्लाँ, प्हा को, बालि रेब्‍मैं नेरो अरू पापिमैंए थु!’ बिसि म्‍हिमैंइ बिमल। दिलेया परमेश्‍वरए बुद्धिए केमैं म्रोंसिन् क्ह्रोसेंन्ले बुद्धि छ्याँब् मुँन बिबै ताँ क्हेमैंइ सेल् खाँम्।”

मत्ती 13:22

पुजुर तेबै प्लु धों तबै म्हि छाब् ग: चइ परमेश्‍वरए ताँ थेलेया चु ह्‍युलर्बै न्हुँ नेरो मुइए लोबइ लमा चइ थेबै ताँर च भोंसि तल् आखाँ। छतसि तोइ रोमैं रोल् आखाँ।

मत्ती 13:38

म्रों ह्‍युल ग। छ्याँबै प्‍लु बिस्याँ स्‍वर्गर्बै ग्याल्सर्बै सन्‍तान ग, धै सम्रिं दुष्‍टए सन्‍तान ग।

मर्कूस 4:19

दिलेया चमैंइ चु ह्‍युलर्बै सैमैंर न्हुँ लसि, सैन्होरए (सम्‍पत्तिए) लोब लसि, ह्‍युलर्बै सैमैंर सैं ह्‍यासि चमैंए सैंर परमेश्‍वरए ताँमैं फारल् आपिं।

लूका 16:8

“च बेमान लबै नाइकेइ छले असामिमैंए छे च्युगुदे लमिंइ बिब् सेसि च क्‍ल्‍हेइ नाइके बाठो मुँन बिसि सेइ। तलेबिस्याँ चु ह्‍युलर्बै म्‍हिमैंइ ह्रोंसए थुमैंने के लमा चारबै ह्‍वे योंबै परमेश्‍वरए सन्तानमैं भन्दा बेल्‍ले बाठो तम्।

लूका 22:31

“ओ सिमोन, सिमोन, थेद्! म्हिमैंइ नौलिर गहुँ टाब् धोंले दुष्‍टइ क्‍हि टाल् योंरिगे बिसि यो छ्युँ लइमुँ।

यूहन्‍ना 12:31

तलेबिस्याँ तारे परमेश्‍वरजी चु ह्‍युलर्बै म्हिमैंए निसाफ लब्मुँ, धै चु ह्‍युलर्बै म्रुँलाइ बैरु भ्योंवाब्मुँ।

यूहन्‍ना 13:2

दिलेया ङेसार्बै चब् चबै त्हे भन्दा ओंसोंन् दुष्‍टइ येशूलाइ क्हाल् पिंबै सैं इस्करयोतथें सिमोनए च्ह यहूदाए सैंर झोंल् खाँल।

यूहन्‍ना 13:27

चइ च क्हें लुँठे चबै तोदोंन् चए सैंर दुष्‍ट होंइ। झाइले येशूजी चने “क्‍हिइ तो लल् म्हैल, च युनन् लद्,” बिइ।

यूहन्‍ना 14:30

तारे चु ह्‍युलर्बै म्रुँ खसिन् ‍मुँ। छतसि ङ क्‍हेमैंने ल्‍हें पोंरिब् आरे। चइ ङए फिर तोइ लल् आखाँ।

यूहन्‍ना 15:19

क्‍हेमैं चु ह्‍युलर्बै आङिं, क्हेमैं चु ह्‍युलर्बै ङिंस्याँम् ह्‍युलर्बै म्हिमैंइ क्हेमैं ह्रोंसल धों ङ्हाँसि म्हाँया लमल। ङइ क्हेमैं चु ह्‍युलउँइँले त्हाँइ। छतसि ह्‍युलर्बै म्हिमैंइ क्हेमैंलाइ हेल लम्।

यूहन्‍ना 16:11

परमेश्‍वरए निसाफ खैबै तम् बिसि खीजी म्हिमैंने उँइँमिंब्मुँ। तलेबिस्याँ चु ह्‍युलर्बै म्रुँ दोषि ठर्दिल् खाँइमुँ।

यूहन्‍ना 7:7

चु ह्‍युलर्बै म्हिमैंइ क्‍हेमैंलाइ हेल् आल, दिलेया ङलाइमि हेल् लम्, तलेबिस्याँ चमैंइ लबै केमैं आछ्याँब मुँ बिसि ङइ बिमिंम्।

यूहन्‍ना 8:23

धबै येशूजी चमैंने बिइ, “क्‍हेमैं न्होंउँइँबै ग। ङ क्‍होउँइँबै ग। क्‍हेमैं चु ह्‍युलर्बै ग। ङ चु ह्‍युलर्बै आङिं।

यूहन्‍ना 8:44

क्‍हेमैं ह्रोंसए आबा दुष्‍टल् ‍ग। छतसि क्‍हेमैंए आबाए सैंर मैंब् धोंले क्हेमैंइ लल् म्हैम्। चम् ओंसों ओंनोंन् सैब् म्‍लोब लमल। क्‍ह्रोंसेंन्‍बै ताँने चए ताँ खोंयोंन् बिलै क्ह्रिल् आखाँ। तलेबिस्याँ चने क्ह्रोंसेंन्बै ताँ तिफुँइ आरे। छतसि स्‍योर ताँ पोंम्, चए ब्योर खैतब् मुँ चइ छाबन् पोंम्, तलेबिस्याँ च स्‍योर्गु ग, च स्‍योर तेब्‍मैंए आबा ग।

चेला चिब्मैंए केमैं 19:35

बल्‍ल-बल्‍ल सहरर्बै क्रथेइ म्हिमैं च्याँ लसि बिइ, “ओ एफिससथेंमैं, थेबै आर्तेमिसए कु धिं नेरो मुउँइँले तयुबै चए कु थेंबै क्ल्ह्‍यो एफिसस सहर ग बिसि खाबइ आसेइमुँ रो?

चेला चिब्मैंए केमैं 5:3

दिलेया पत्रुसइ चने बिइ, “ओ हननिया, क्ल्ह्‍यो चुँसि योंबै मुइ च्युगुदे ह्रोंसने थेंसि पबित्र प्ल्हने स्योर तेब दुष्‍टइ क्हिए सैंर खैले झोंमिंइ?

रोमी 12:2

चु ह्‍युलर्बै म्‍हिमैंइ लब् धोंबै आछ्याँबै केमैं क्‍हेमैंइ आलद्, बरु ह्रोंसए सैंर छारा तसि सैं न्होंउँइँले ओंनों छ्याँब तद्। छ तस्‍याँ मत्‍त्रे क्‍हेमैंइ परमेश्‍वरए इच्छा तो मुँ बिसि था सेल् खाँम्, अथवा तो सै स्‍वाब मुँ, तो सैइ परमेश्‍वरए सैं तोंन् लमना, तो सै छ्याँब मुँन बिसि क्‍हेमैंइ सेब्‍मुँ।

१ कोरिन्थी 5:10

ङइ बिल् म्हैबै ताँ, प्रभु येशूलाइ आम्हाँदिबै ब्यभिचार लब्‍मैंने, लोबिमैंने, लुडिब्मैंने, कु पूजा लब्‍मैंने कत्ति आप्रद् बिब आङिं। चमैंने आप्रइ बिस्याँम् क्‍हेमैं चु ह्‍युलउँइँले त्‍होंह्‍याल् त्‍हुमल।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

२ कोरिन्थी 4:4

परमेश्‍वर खैब मुँ, ख्रीष्‍टै या छाबन् मुँ। खी ङाँइँले खबै सैं तोंबै ताँ आक्होरिगे बिसि चु ह्‍युलर्बै देवताइ बिश्‍वास आलब्मैंए सैंर्बै मिइ च ताँ म्रोंल् आखाँब लवाइमुँ।

गलाती 1:4

चु जुगर्बै आछ्याँबै शक्‍तिउँइँले ङ्योलाइ फ्रेमिंबै ल्हागिर येशू ख्रीष्‍टजी ङ्योए आछ्याँबै केए सजैं नोइ। ङ्योए परमेश्‍वर आबाए सैंर मैंब् धोंले खीजी ह्रोंसलाइन ङ्योए ल्हागिर सुम्पिदिइ।

एफिसी 1:21

चर क्हुँसि ख्रीष्‍टजी ताँन् स्‍वर्गदूतमैंए फिर, स्‍वर्गदूतमैंए चिब्मैंए फिर, अधिकारिमैंए फिर नेरो स्‍यागि-म्‍होंगिमैंए चिब्मैंए फिर, तोन्‍दोंरि सैए फिर ग्याल्स लम्। चु जुगर मत्‍त्रे आङिं, तारे तबै जुगर्बै या ताँन् थे-थेबै सैमैंए फिर ख्रीष्‍टलाइ ग्याल्स लल् पिंइमुँ।

एफिसी 2:11

क्हेमैं अरू ह्रेंर्बै म्हिमैंइ ज्युर चिनु आलमल। छतसि ज्युर चिनु लबै यहूदीमैंइ क्‍हेमैंलाइ च्‍योंब म्‍हाँदिसि “ज्युर चिनु आलब्‍मैं” बिमल। येशूए फिर बिश्‍वास लब् भन्दा ओंसों क्हेमैंइ खैबै छ्ह थोरिल मैंन्दि।

एफिसी 2:13

ओंसों क्‍हेमैं परमेश्‍वरउँइँले ह्रेंगो मुँल दिलेया तारेम् क्‍हेमैं ख्रीष्‍टने घ्रिन् तसि ख्रीष्‍टजी ह्रोंसए कोउँइँले क्‍हेमैं परमेश्‍वरए ङाँर पखइमुँ।

एफिसी 2:3

च म्हिमैं धोंलेन् ङ्यो ताँनइ ओंसों ङ्योए सैंउँइँले खबै आछ्याँबै इच्‍छा पूरा लबै ल्हागिर लोब लमल। छतसि अरूमैंने धोंले ङ्योने या परमेश्‍वर ह्रिस खल।

एफिसी 4:17

छतसि प्रभुए मिंर ङ क्हेमैंने चु ताँ बिमुँ, परमेश्‍वर आम्हाँदिब्मैं ह्रोंसए सैंर मैंबै आछ्याँबै केर आफेबै ताँमैंए लिलि प्रब् धोंले तारे क्‍हेमैं आप्रद्।

एफिसी 4:22

छतसि ह्रोंसलाइ नास लवाबै ओंसोंबै धों तबै आछ्याँबै केमैं लबै बानि ब्योर क्हेमैंइ पिवाद!

एफिसी 5:6

केर आफेबै स्योलिबै ताँए लिलि प्रसि धोकार आफेद्। तलेबिस्याँ बिब् आङिंसि छाबै आछ्याँबै केमैं लप्रब्मैंए फिर परमेश्‍वरजी थेबै ह्रिस ङेब्‍मुँ।

एफिसी 5:8

ओंसों क्हेमैं मिछु खैबर मुँल, दिलेया तिंजोरो प्रभुए म्‍हिमैं तबइले क्‍हेमैं या खीए ह्‍वेर टिइमुँ। खीए ह्‍वेर टिसि छ्याँबै छ्ह थोद्।

एफिसी 6:12

तलेबिस्याँ ङ्यो म्‍हिमैंने नेब्मैं आङिं, ङ्योम् शासकमैं, अधिकारमैं, चु जुगए मिछु खैबर टिबै दुष्‍ट शक्‍ति मुँबै सैमैं नेरो परमेश्‍वरलाइ आम्‍हाँदिबै ताँन् स्‍यागि-म्‍होंगिमैंए बिरोधर नेब्मैं ग।

कलस्सी 1:21

ओंसों क्‍हेमैंइ आछ्याँबै सैंले पापए केमैं लसि परमेश्‍वरउँइँले ह्रेंगो तयासि खीए शत्तुरमैं तल।

२ तिमोथी 4:10

तलेबिस्याँ डेमासइ चु ह्‍युलर्बै सैमैंए म्हाँया लसि ङलाइ वाथेंसि थेसलोनिका सहरर ह्‍याइ। क्रेसेन्‍स बिबै अलि गलातिया ह्‍युलर ह्‍याइ, धै तीतस दलमातिया बिबै क्‍ल्‍ह्‍योर ह्‍याइ।

याकूब 1:27

बरु ङ्योए परमेश्‍वर आबाजी खोबै केमैं चुन् ग: टार-टोरमैं नेरो म्हरेस्योमैंए दुःखर ल्होमिंब, धै ह्रोंसै या चु ह्‍युलर्बै पाप केउँइँले ह्रेंगो टिब।

याकूब 1:7

छाबै संक लबै म्हिइ प्रभुउँइँले तोइ योंम् उ बिसि आमैंलै तम्।

याकूब 4:4

ओ ब्यभिचारिमैं, चु ह्‍युलर्बै आछ्याँबै सैए फिर क्हेमैंए सैं ह्‍यास्याँ क्‍हेमैं परमेश्‍वरए ताँ आङिंब्मैं तम् बिब क्हेमैंइ आसे वा? परमेश्‍वर आम्हाँदिब्‍मैंने प्रबै म्हिइ ह्रोंसलाइन परमेश्‍वरए शत्तुर लवाम्।

१ पत्रुस 1:14

क्‍हेमैं परमेश्‍वरए ताँ ङिंबै प्‍हसेमैं तबइले ओंसों येशूलाइ ङो आसेमा लबै आछ्याँबै केमैं तारे आलद्।

१ पत्रुस 4:3

ह्‍याबै त्हिंइजरे परमेश्‍वर आम्हाँदिब्मैंइ धोंले क्हेमैंइ ब्यभिचार लब, आछ्याँबै सैं मैंब, प्हा को तब, सैल् लब, छेरन् ब्योंबै कु पूजा लसि ल्हें त्हे खेरो वाइ।

२ पत्रुस 2:14

चमैंए सैं खोंयोंन् बिलै म्रिंस्योमैं ङाँइन तमुँ। आछ्याँबै केमैं लसि चमैं खोंयोंइ आम्रें, सैं फैल् आखाँब्मैंलाइ चमैंइ फस्ला फुस्लु लवाम्, छाबै केमैं लबर चमैं तालिम् योंबै म्हिमैं धोंन् तब् मुँ, छतसि चमैं सराप योंल् त्हुबै म्हिमैं ग।

१ यूहन्‍ना 3:10

परमेश्‍वरए प्‍हसेमैं नेरो दुष्‍टए प्‍हसेमैं खैले ङो सेम् बिस्‍याँ, ह्रोंसए बिश्‍वासी अलि-अङाँलाइ सैं न्होंउँइँलेन् म्हाँया आलब्मैं नेरो छ्याँबै केमैं आलबै म्हिमैं परमेश्‍वरए प्‍हसेमैं आङिं।

१ यूहन्‍ना 3:8

दुष्‍टइ ओंसों ओनोंन् पाप लइमुँ, छतसि पाप लरिबै म्हि दुष्‍टए म्हि ग। दुष्‍टइ लबै पाप केमैं नास लवाबर परमेश्‍वरए च्‍ह ह्‍युलर युब् ग।

१ यूहन्‍ना 4:4

दिलेया ओ ङइ खोबै कोलोमैं, क्‍हेमैं परमेश्‍वरए म्हिमैं ग। क्‍हेमैंने मुँबै पबित्र प्ल्ह ख्रीष्‍टए फिर बिश्‍वास आलबै म्हिमैंने मुँबै प्ल्ह भन्दा थेबै शक्‍ति मुँबै प्ल्ह ग। छतसि क्‍हेमैंइ स्‍योलिबै ताँ पोंब्‍मैंलाइ ट्होवाइमुँ।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।

१ यूहन्‍ना 5:4

तलेबिस्याँ परमेश्‍वरए ताँन् प्‍हसेमैंइ चु ह्‍युलउँइँले खबै पापलाइ ट्होल् खाँम्। खैले ट्होम् बिस्‍याँ ङ्योइ परमेश्‍वरए फिर बिश्‍वास लसि ट्होब् ग।

दर्शन 12:9

मिखाएलइ च थेबै अजिङ्गरलाइ स्‍वर्गउँइँले भ्‍योंवाइ। च अजिङ्गर स्‍योंम्‍बै प्‍हुरि ग, चलाइ स्‍युर्गु नेरो दुष्‍ट बिम्। चइ ताँन् ह्‍युलर्बै म्‍हिमैंने स्‍योर तेसि लुइमुँ। च नेरो चए दूतमैंलाइ परमेश्‍वरए दूतमैंइ पृथ्‍बीर भ्‍योंवाइ।

दर्शन 13:14

ओंसोंबै खेदोए उँइँर चइ औदिबै चिनु मुँबै केमैं लबै शक्ति योंल, छतसि प्लेटोयान् तबै केमैं लसि चइ पृथ्‍बीर टिब्मैंए सैं खेंमैं ङाँइ लवाइ। धै “सेलाँइ ल्हिबै घा ससि सोबै ओंसोंबै खेदोए मान लबै ल्हागिर खेदोए कु घ्रि बनेद्” बिसि चइ म्‍हिमैंलाइ कर ल्‍हैदिइ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।

दर्शन 16:17

अर्को स्‍वर्गदूतइ ह्रोंसने मुँबै प्‍हेलर्बै ह्रिस मुर युवाइ। झाइले मन्‍दिरर्बै राजगद्दिउँइँले “तारे खाँयाइ!” बिबै थेबै कैइ थेइ।

दर्शन 20:2

च स्‍वर्गदूतइ च अजिङ्गरलाइ, अथवा स्‍योंम्‍बै प्‍हुरिए क्हो किंबै स्‍योर्गु, शैतान बिबै दुष्‍टलाइ क्‍हासि हजार घ्रि बर्ष समा सँउँलिइ फैसि