एफिसी 2:18 - परमेश्‍वरए ताँ तमु क्युइर

¹⁸ यहूदीमैं मुँलेया अरू ह्रेंमैं मुँलेया ङ्यो ताँनइ पबित्र प्ल्ह घ्रिउँइँलेन् परमेश्‍वर आबा ङाँर ह्‍याल् योंइमुँ।

एफिसी 2:18 Iomraidhean Croise

मत्ती 28:19

छतसि क्‍हेमैं ह्‍युलर्बै ताँन् ह्रेंमैं ङाँर ह्‍यासि चेलामैं लदु, धै परमेश्‍वर आबा, परमेश्‍वर च्‍ह नेरो पबित्र प्ल्हए मिंर क्‍युर प्‍ल्हुँमिंसि बप्‍तिस्‍मा पिंन्।

यूहन्‍ना 10:7

छतसि येशूजी धबै चमैंने बिइ, “क्ह्रोंसेंन ङ क्‍हेमैंने बिमुँ, क्युमैंए खोरए म्रा ङन् ग।

यूहन्‍ना 10:9

म्रा ङन् ग। ङउँइँले न्‍होंर होंब्मैं ताँन् जोगेल् योंब्‍मुँ। धै चमैं खोरए न्हों, बैरु ह्‍याब खब लल् योंब्मुँ, धै छि मुँबै क्ल्ह्‍योर रेंल् योंब्‍मुँ।

यूहन्‍ना 14:6

येशूजी चने बिइ, “घ्याँ, क्ह्रोंसेंन्बै ताँ, नेरो छ्ह ङन् ग। ङउँइँले बाहेक् खाबै या परमेश्‍वर आबा ङाँर फेनेल् आखाँ।

रोमी 5:2

खीए फिर बिश्‍वास लबइले ङ्योइ खीए दयाम्हाँया योंइमुँ। परमेश्‍वरए दयाम्हाँया तोगो ङ्योइ योंइमुँ, छतसि ङ्योइ परमेश्‍वरए चारबै ह्‍वे योंम् बिबै आशा थेंसि ङ्यो सैं तोंम्।

रोमी 8:15

तलेबिस्याँ परमेश्‍वरजी क्‍हेमैंलाइ पिंबै प्ल्हजी क्‍हेमैंलाइ क्ल्हे म्रोंसि ङ्हिंबै केब्छैं धों तल् आत्हुब् लमिंइमुँ, बरु पबित्र प्ल्हजी क्‍हेमैंलाइ परमेश्‍वरए च्‍ह-च्हमिमैं लमिंइ, छतसि खीए पबित्र प्ल्हए भोंउँइँले ङ्योइ परमेश्‍वरने “आबा, ओ ङए आबा,” बिल् योंइमुँ।

१ कोरिन्थी 12:13

ङ्यो यहूदी मुँलेया, अरू ह्रेंमैं मुँलेया, आगुए न्होंर के लब्मैं मुँलेया, खाब् मुँलेया ङ्योइ पबित्र प्ल्ह घ्रिउँइँलेन् ज्यु घ्रिर्न बप्‍तिस्‍मा किंइमुँ। छतसि पबित्र प्ल्ह घ्रिउँइँलेन् ङ्यो ताँनइ तोन्दोंरि सै योंइमुँ।

१ कोरिन्थी 8:6

ङ्योए ल्हागिरि घ्रि मत्‍त्रे परमेश्‍वर आबा मुँ। खीजीन् तोन्दोंरि सै बनेइ, छतसि खीए ल्हागिर्न ङ्यो सोम्। धबै ङ्योए ल्हागिरि प्रभु घ्रि मत्‍त्रे मुँ, खी येशू ख्रीष्‍ट ग। खीउँइँलेन् ताँन् सैमैं तखइ, धै खीउँइँलेन् ङ्यो सोल् योंम्।

गलाती 4:6

क्‍हेमैं खीए प्हसेमैं तबइले परमेश्‍वरजी ह्रोंसए च्‍हए प्ल्ह ङ्योए सैंर कुल्‍मिंइमुँ। छतसि च प्ल्हउँइँले ङ्योइ परमेश्‍वरने “आबा, ओ ङए आबा” बिम्।

एफिसी 3:12

छले ङ्यो ख्रीष्‍टने घ्रिन् तसि खीए फिर बिश्‍वास लबइले ङ्यो तिफुँइ आङ्हिंन्‍ले परमेश्‍वर ङाँर ह्‍याल् योंइमुँ।

एफिसी 3:14

छतसि ङ च्हि तुँसि परमेश्‍वर आबालाइ फ्योम्।

एफिसी 4:4

ज्यु घ्रिन् मुँ, पबित्र प्ल्ह या घ्रिन् मुँ। च धोंलेन् परमेश्‍वरजी ङ्योलाइ पिंबै आशा या घ्रिन् मुँ।

एफिसी 6:18

च ताँन् के लमा तोन्‍दोंरि ताँर तो सै चैदिले या प्राथना लदै परमेश्‍वरने ह्रिद्। झाइले ह्रोंसए ल्हागिर मत्‍त्रे आङिं, ताँन् बिश्‍वासीमैंए ल्हागिरै या प्राथना लद्, खोंयोंन् बिलै न्ह क्रों मि क्रोंले चमैंए ल्हागिर प्राथना लरिद्।

कलस्सी 1:12

तलेबिस्याँ ख्रीष्‍टए फिर बिश्‍वास लब्मैंइ परमेश्‍वरए चारबै ग्यालसर योंल् त्हुबै सैमैं योंबै हग खीजी क्हेमैंलाइ पिंइमुँ। छतसि परमेश्‍वर आबालाइ धन्‍यबाद पिंन्।

हिब्रू 7:19

तलेबिस्याँ ओंसोंबै ठिमइ तोइ के पक्‍का लल् आखाँ। तारे चए क्ल्ह्‍योर च भन्दा छ्याँबै आशा मुँबै ठिम तइमुँ। च घ्‍याँउँइँले ङ्यो परमेश्‍वरए ङाँर फेनेल् खाँम्।

याकूब 3:9

चु लेउँइँलेन् ङ्योइ ङ्योए प्रभु नेरो परमेश्‍वर आबाए मिं क्वेम्, धै चु लेउँइँलेन् परमेश्‍वरजी बनेबै म्‍हिमैंलाइ गाल् केम्।

१ पत्रुस 1:17

म्हिमैंइ लबै के ङ्‍ह्‍योसि खाबै आफेलनाले निसाफ लबै परमेश्‍वरलाइ आबा बिसि प्राथना लम् बिस्याँ, चु ह्‍युलर टिबै छ्ह तिगोंन् परमेश्‍वरने ङ्हिंसि टिद्।

१ पत्रुस 1:21

क्‍हेमैंइ ख्रीष्‍टउँइँले परमेश्‍वरए फिर बिश्‍वास लइ। परमेश्‍वरजी ख्रीष्‍टलाइ सिबउँइँले धबै सोगों लमिंसि बेल्‍ले थेबै मान पिंइ, छतसि क्‍हेमैंइ परमेश्‍वरए फिर बिश्‍वास नेरो आशा थेंल् खाँइ।

१ पत्रुस 3:18

तलेबिस्याँ ङ्योलाइ परमेश्‍वर ङाँर बोबर ख्रीष्‍टै या पापिमैंए ल्हागिर तिल सिमिंइ। पापिमैंए ल्हागिर खीजी दु:ख योंइ। दिलेया म्हिमैंइ खीलाइ सैवालेया प्ल्हए शक्‍तिजी खीलाइ सोगों लमिंइ।

यहूदाइ प्‍ह्रिबै प्ह्रिछ्या 1:20

दिलेया ओ ङए खोबै थुमैं, क्‍हेमैं बिस्‍याँ ह्रोंसइ लबै पबित्र बिश्‍वासर भोंसि ततै ह्‍याद्, धै पबित्र प्ल्हए शक्‍तिउँइँले प्राथना लद्।