एफिसी 2:11 - परमेश्‍वरए ताँ तमु क्युइर

¹¹ क्हेमैं अरू ह्रेंर्बै म्हिमैंइ ज्युर चिनु आलमल। छतसि ज्युर चिनु लबै यहूदीमैंइ क्‍हेमैंलाइ च्‍योंब म्‍हाँदिसि “ज्युर चिनु आलब्‍मैं” बिमल। येशूए फिर बिश्‍वास लब् भन्दा ओंसों क्हेमैंइ खैबै छ्ह थोरिल मैंन्दि।

एफिसी 2:11 Iomraidhean Croise

मत्ती 20:7

“चमैंइ बिइ, ‘खोइ, खाबज्यै या केर आल्‍हैदि। तो लब?’ “चइ चमैंने बिइ, ‘छ बिस्‍याँ क्‍हेमैं या ङए म्रोंर के लबर ह्‍याद्।’

रोमी 11:17

छलेन रोमैं रोबै सिं धुँए को-कोइ हाँगमैं चोवाब् धोंले कोइ यहूदीमैं या परमेश्‍वरउँइँले फ्रेयाइमुँ। धै क्‍हेमैं अरू ह्रेंर्बै म्‍हिमैं तबइले क्ह्‍योंर्बै सिं धुँए हाँग धोंन् तसि अरू छ्याँबै हाँगमैंए माँजोरि से घ्रिले गैंदिइमुँ। छतसि यहूदीमैंए जराउँइँले खुगु योंब् धोंले क्‍हेमैंइ तोगो भों नेरो आशिक योंइमुँ।

रोमी 2:26

बरु ज्युर चिनु आलबै म्‍हिइ ठिमर्बै ताँ म्हाँदिइ बिस्‍याँ च परमेश्‍वरए उँइँर ज्युर चिनु लब् धोंन् तम्।

रोमी 2:27

छतसि अरू ह्रेंर्बै म्‍हिमैंइ ज्युर चिनु आललेया ठिम म्हाँदिइ बिस्याँ, क्हेमैं यहूदीमैंलाइ चमैंइन दोषि ठर्दिब्मुँ। तलेबिस्याँ प्ह्रिबै ठिम क्हेमैंने मुँलेया, क्हेमैंइ ज्युर चिनु ललेया क्हेमैंइ ठिम आम्हाँदि।

१ कोरिन्थी 12:2

ओंसों ख्रीष्‍टए फिर बिश्‍वास आलमा केर आफेबै पोंलै आखाँबै कुमैंए लिलि क्‍हेमैं प्ररिल।

१ कोरिन्थी 6:11

क्‍हेमैं न्‍होंरि ओंसों को-कोइ छाबै म्हिमैं मुँल, दिलेया तिंजोरो प्रभु येशू ख्रीष्‍टए मिंउँइँले नेरो ङ्योए परमेश्‍वरए प्ल्हउँइँले क्‍हेमैं पापउँइँले चोखो तइमुँ, क्‍हेमैं परमेश्‍वरए म्‍हिमैं तइमुँ, झाइले परमेश्‍वरए उँइँर क्‍हेमैं ठिक ठर्दिइमुँ।

गलाती 2:15

ङइ पत्रुसने अझै बिइ, “ङ्योम् फिब् ओंनोंबै यहूदी ग, अरू ह्रेंमैं धोंबै पापिमैं ङ्यो आङिं।

गलाती 6:12

क्हेमैंलाइ ज्युर चिनु लल् त्‍हुम् बिसि कर ल्‍हैदिब्मैं बैरुबै सै म्रोंसि प्हैंदा ङ्हाँब्मैं ग। “परमेश्‍वरउँइँले खटिदिबै ख्रीष्‍ट म्रुँ क्रूसर च्योसि सिइ,” बिबै ताँ बिप्रमा यहूदीमैंउँइँले खेंमैंलाइ तोइ दुःख आतरिगे बिब् मैंसि चमैंइ “ज्युर चिनु लल् त्‍हुम्” बिब् ग।

एफिसी 2:2

च त्हेर क्‍हेमैं चु ह्‍युलर्बै रोसर प्रमल, धै शक्‍ति मुँबै मुर टिबै सैमैंए चिबलाइ म्‍हाँदिमल। तिंजोरो या परमेश्‍वरलाइ आम्‍हाँदिब्‍मैं च चिबए न्होंर्न टिइमुँ।

एफिसी 5:8

ओंसों क्हेमैं मिछु खैबर मुँल, दिलेया तिंजोरो प्रभुए म्‍हिमैं तबइले क्‍हेमैं या खीए ह्‍वेर टिइमुँ। खीए ह्‍वेर टिसि छ्याँबै छ्ह थोद्।

फिलिप्पी 3:3

ङ्योम् ज्युर चिनु लबै केर भर लब्मैं आङिं! ङ्योम् छ्याँबै सैंइ खों न्होंउँइँलेन् परमेश्‍वरलाइ म्हाँदिब्मैं ग, तलेबिस्याँ ङ्योइ परमेश्‍वरए पबित्र प्ल्हउँइँलेन् खीलाइ म्हाँदिइमुँ। धै ख्रीष्‍ट येशूजी लबै केर ङ्योइ प्हैंल् खाँम्।

कलस्सी 1:21

ओंसों क्‍हेमैंइ आछ्याँबै सैंले पापए केमैं लसि परमेश्‍वरउँइँले ह्रेंगो तयासि खीए शत्तुरमैं तल।

कलस्सी 2:11

ख्रीष्‍टए फिर बिश्‍वास लसि क्हेमैं ज्युर चिनु लब् धोंन् तइ। दिलेया च ज्युर चिनु लब म्‍हिमैंइ लब आङिं, ख्रीष्‍टजी लबै सैंर्बै चिनु ग। ख्रीष्‍टजी च सैंर्बै चिनु लमा क्हेमैंए सैंर्बै आछ्याँबै सिमैं थोवाइ।

कलस्सी 2:13

ओंसों क्‍हेमैं ह्रोंसए पाप नेरो ज्युर चिनु आलबइले सिरिल, दिलेया परमेश्‍वरजी ङ्योए ताँन् पाप क्षमा लमिंसि ख्रीष्‍टने बालुन् सोगों लमिंइ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।